Top Stories

Grid List

ലഹരി മാഫിയയെ തുരത്താനുള്ള തീവ്ര ശ്രമത്തിലാണ് എക്‌സൈസ് കമ്മീഷണര്‍ ഋഷി രാജ് സിംഗ്. സ്‌കൂള്‍-കോളേജ് പരിസരത്ത് നിന്നടക്കം ലഹരി മാഫിയകളെ തുടച്ചുനീക്കാനുള്ള നീക്കമാണ് എക്‌സൈസ് കമ്മീഷണര്‍ നടത്തുന്നത്. അനധികൃത ലഹരി വിതരണവും കച്ചവടവും നടത്തുന്നവരെ പിടികൂടാന്‍ പൊതു ജനങ്ങളുടെ സഹായം അഭ്യര്‍ത്ഥിച്ചിരിക്കുകയാണ് അദ്ദേഹം. ഇതിനായി സ്വന്തം വാട്‌സ് ആപ്പ് നമ്പര്‍ പരസ്യപ്പെടുത്തി ഋഷി രാജ് സിംഗ് . 

ലഹരി കടത്തിനെക്കുറിച്ച് എന്തെങ്കിലും വിവരങ്ങള്‍ അറിയാമെങ്കില്‍ രഹസ്യമായി വാട്‌സ് ആപ്പ് മുഖാന്തരം കൈമാറാന്‍ അഭ്യര്‍ത്ഥിച്ച അദ്ദേഹം സത്യസന്ധമായ വിവരങ്ങള്‍ക്ക് നേരിട്ട് ക്യാഷ് റിവാര്‍ഡ് നല്‍കുന്നതാണെന്നും അറിയിച്ചിട്ടുണ്ട്. എല്ലാ വിവരങ്ങളും രഹസ്യമായിരിക്കുമെന്നും അടിയന്തിര പ്രാധാന്യം ഉള്ളതായി ഇത് കണക്കാക്കണമെന്നും അദ്ദേഹം കുറിപ്പിലൂടെ വ്യക്തമാക്കി.

ഋഷിരാജ് സിംഗിന്റെ സന്ദേശം


പ്രിയപ്പെട്ട സുഹൃത്തേ,

9048044411- ഇത് എന്റെ സ്വന്തം വാട്‌സ് ആപ്പ് നമ്പര്‍ ആണ്. ഈ നമ്പര്‍ എല്ലാ സ്‌ക്കൂള്‍/ കോളേജ്/ റസിഡന്റ്‌സ് അസോസിയേഷന്‍/ ഗ്രന്ഥശാല/ കലാ-കായിക സംഘടനകള്‍/ എന്‍.എസ്.എസ്/ എന്‍ സി സി/ ചാരിറ്റബിള്‍ ട്രസ്റ്റ്/ കുടുംബശ്രീ/ പൂര്‍വ്വ വിദ്യാര്‍ത്ഥി സംഘടനകള്‍ തുടങ്ങിയവയുടെ ഗ്രൂപ്പുകളില്‍ പരമാവധി പ്രചരിപ്പിക്കുക. ഏതെങ്കിലും തരത്തിലുള്ള ലഹരി ഉത്പന്നങ്ങള്‍/ കഞ്ചാവ്/ വ്യാജ മദ്യം/ അന്യ സംസ്ഥാന വിദേശ മദ്യം തുടങ്ങിയവയുടെ ഉപയോഗം/ വില്‍പന/ വിതരണം/ ഉല്പാദനം/ അന്യ സംസ്ഥാനങ്ങളില്‍ നിന്നുള്ള കടത്ത് തുടങ്ങിയവയെ കുറിച്ചുള്ള എന്തെങ്കിലും വിവരങ്ങള്‍ രഹസ്യമായി വാട്‌സ് ആപ്പ് മുഖാന്തരം കൈമാറാന്‍ അഭ്യര്‍ത്ഥിക്കുന്നു. സത്യസന്ധമായ വിവരങ്ങള്‍ക്ക് ഞാന്‍ തന്നെ നേരിട്ട് ക്യാഷ് റിവാര്‍ഡ് നല്‍കുന്നതാണ്. എല്ലാ വിവരങ്ങളും രഹസ്യമായിരിക്കും. ഇത് വളരെ അടിയന്തിര പ്രാധാന്യം ഉള്ളതായി കണക്കാക്കുക.

വിശ്വസ്തതയോടെ,
ഋഷി രാജ് സിംഗ്,
ഡി ജി പി & എക്‌സൈസ് കമ്മീഷണര്‍

സയ്യിദ് ശഹീദ് ടിപ്പു സുല്‍ത്താന്‍, ഔറാംഗസേബ്, ഈദി അമീന്‍, സദ്ദാം ഹുസൈന്‍, മുഹമ്മദ് ഗദ്ദാഫി, വാരിയം കുന്നത് കുഞ്ഞഹമ്മദാജി, ആലി മുസ്ല്യാര്‍ തുടങ്ങി നിരവധി ആളുകളെ കുറിച്ച് സാമ്രാജ്യത്വ ചരിത്രകാരന്‍മാരും വലതുപക്ഷ പിന്തിരിപ്പന്‍മാരും മെനഞ്ഞെടുത്ത് പ്രചരിപ്പിച്ച കള്ളക്കഥകള്‍ക്ക് കയ്യും കണക്കുമുണ്ടോ? സമാനമായ രീതിയിലാണ് കമ്മ്യൂണിസ്റ്റ് നേതാക്കളെക്കുറിച്ചും ഭരണാധികാരികളെ കുറിച്ചും മുതലാളിത്ത ഏജന്റുമാരും മാര്‍ക്‌സിസ്റ്റ് വിരുദ്ധ ബുദ്ധിജീവികളും നിറം പിടിപ്പിച്ച നുണകള്‍ പ്രചരിപ്പിച്ചത്. രണ്ടിന്റെയും ലക്ഷ്യം മനുഷ്യരോട് സംവദിക്കുന്ന രണ്ടു പ്രത്യയശാസ്ത്രങ്ങളെ ജനഹൃദയങ്ങളില്‍ അങ്ങേയറ്റം വികൃതമാക്കി പ്രതിഷ്ഠിക്കലായിരുന്നു. ഇതു മനസ്സിലാക്കാന്‍ അന്ധമായ ഇസ്ലാം വിരോധവും കടുത്ത കമ്മ്യൂണിസ്റ്റ് ശത്രുതയും പേറുന്നവര്‍ക്ക് കഴിഞ്ഞു കൊള്ളണമെന്നില്ല. മനുഷ്യ നന്മക്കായി പ്രവര്‍ത്തിക്കുന്ന വിശ്വാസങ്ങളും ദര്‍ശനങ്ങളും ഉന്മൂലനം ചെയ്യപ്പെടണമെന്ന് ആഗ്രഹിക്കുന്നവര്‍ മാനവികതയുടെ ബദ്ധവൈരികളല്ലാതെ മറ്റാരാണ് ? 

ഇസ്ലാമിനെ സ്‌നേഹിച്ച മഹാത്മജിയും കമ്മ്യൂണിസത്തെ കാമിച്ച ജവഹര്‍ലാലും ബഹുസ്വരതയുടെ വിളനിലത്തില്‍ നിന്നുള്ളവരായിരുന്നു. മൗലാനാ അബുല്‍കലാം ആസാദും എ.കെ. ഗോപാലനും നമ്മുടെ കണ്‍വെട്ടത്ത് കൂടെ നടന്നുപോയ മഹത്തുക്കളാണ്. ഒരാള്‍ അടിയുറച്ച മുസ്ലിം. രണ്ടാമത്തെയാള്‍ തികഞ്ഞ കമ്മ്യൂണിസ്റ്റ്. സാമുവല്‍ ഹണ്ടിംഗ്ടണ്‍ മാര്‍ എഴുതി വെച്ച നുണ പുസ്തങ്ങളില്‍ നിന്നല്ല നാം മുസ്ലിങ്ങളെയും കമ്മ്യൂണിസ്റ്റ്കാരെയും പഠിക്കേണ്ടത്. നമുക്ക് ചുറ്റും ജീവിക്കുന്ന പച്ച മനുഷ്യരുടെ ജീവിതങ്ങളില്‍ നിന്നാണ്. 
പകയും വിരോധവും ജനങ്ങള്‍ക്കിടയില്‍ ഉണ്ടാക്കാനല്ല സൗഹൃദവും സ്‌നേഹവും ആളുകളുടെ മനസ്സില്‍ സൃഷ്ടിക്കാനാണ് അറിവും കഴിവും ഉപയോഗപ്പെടുത്തേണ്ടത്. ഹിന്ദുക്കള്‍ക്കും മുസ്ലിങ്ങള്‍ക്കുമിടയില്‍ വിദ്വേഷം ജനിപ്പിക്കാനാണ് സംഘികള്‍ ശ്രമിക്കുന്നതെങ്കില്‍ മുസ്ലിങ്ങളെയും കമ്യൂണിസ്റ്റ്കാരെയും രണ്ടു ധ്രുവങ്ങളില്‍ നിര്‍ത്താനാണ് ഖദറിട്ട ചില അകം കറുത്തവര്‍ ശ്രമിക്കുന്നത്. അതില്‍ വീഴാതെ നോക്കണം വൈവിധ്യങ്ങളെ നെഞ്ചോട് ചേര്‍ത്ത് വെക്കണമെന്ന് ആഗ്രഹിക്കുന്നവര്‍. മഹാനായ എ.കെ.ജിയെ ബാലപീഢനം നടത്തിയവന്‍ എന്നാക്ഷേപിച്ചവര്‍ക്ക് എന്നെ അഴുകിയ ചാണകമായി കാണാം. എനിക്കതില്‍ സന്തോഷമേ ഉള്ളു. എത്ര അഴുകിയാലും ചാണകം വളമല്ലാതാകുന്നില്ല. ചീഞ്ഞാല്‍ ഒന്നിനും കൊള്ളാതെ അസഹ്യമാകുന്നത് മനുഷ്യന്റെ ഉള്ളിലുള്ളതാണ്. അതാകാതിരുന്നാല്‍ മതി എന്റെ യുവ സുഹൃത്തുകൂടിയായ യുവകോമള എം.എല്‍.എ.

വയനാട് ,വടകര സീറ്റുകളില്‍ സ്ഥാനാര്‍ഥികളെ പ്രഖ്യാപിക്കാതെ കോണ്‍ഗ്രസ് ലോക്‌സഭാ തെരഞ്ഞെടുപ്പിനുള്ള പത്താമത്തെ സ്ഥാനാര്‍ഥി പട്ടിക പ്രസിദ്ധീകരിച്ചു. പശ്ചിമ ബംഗാളിലേക്കുള്ള 25 സ്ഥാനാര്‍ഥികളുടെയും മഹാരാഷ്ട്രയിലെ ഒരു സീറ്റിലേക്കുള്ള സ്ഥാനാര്‍ഥിയുടെയും പട്ടികയാണ് ഇന്ന് പ്രസിദ്ധീകരിച്ചത്. മുംബൈ നോര്‍ത്ത് വെസ്റ്റില്‍ സഞ്ജയ് നിരൂപം മത്സരിയ്ക്കും.

ഇതോടെ വയനാട് രാഹുല്‍ ഗാന്ധിയുടെ സ്ഥാനാര്‍ഥിത്വത്തിലുള്ള അനിശ്ചിതത്വം നീളുകയാണ്. കേന്ദ്ര നേതൃത്വം കൃത്യമായി മറുപടി നല്‍കാന്‍ തയ്യാറാകാത്തതും അണികള്‍ക്കിടയില്‍ ആശയക്കുഴപ്പത്തിന് ഇടയാക്കിയിട്ടുണ്ട്. വടകരയില്‍ കെ മുരളീധരന്റെ സ്ഥാനാര്‍ത്ഥിത്വം തീരുമാനിച്ചിട്ടുണ്ടെങ്കിലും പ്രഖ്യാപനം നടത്തിയിട്ടില്ല. വയനാട്ടില്‍ സിദ്ദിഖിന് പണി കിട്ടിയതുപോലെ അവസാന നിമിഷം തനിക്കും പണി കിട്ടുമോ എന്ന ആശങ്ക മുരളീധരനെയും പിടികൂടി തുടങ്ങിയിട്ടുണ്ട്.

ഇതിനിടെ മുസ്ലിം ലീഗ് പിന്തുണയോടെ വയനാട്ടില്‍ രാഹുല്‍ ഗാന്ധി മത്സരിക്കുന്നത് വടക്കേ ഇന്ത്യയില്‍ കോണ്‍ഗ്രസിന് എതിരെ ശക്തമായ വികാരം ഉണ്ടാകുമെന്ന് കോണ്‍ഗ്രസ് ദേശീയ നേതൃത്വത്തില്‍ തന്നെ അഭിപ്രായം ശക്തിപ്പെട്ടത് ടി. സിദ്ദിഖിന് അല്‍പ്പം ആശ്വാസമായിട്ടുണ്ട്. ഒടുവില്‍ തനിക്ക് തന്നെ നറുക്ക് വീഴുമെന്ന ആശ്വാസത്തിലാണ് സിദ്ദിഖ് . 


കോണ്‍ഗ്രസ് - ആര്‍ജെഡി സഖ്യത്തിന്റെ കണക്കുകൂട്ടല്‍ തെറ്റി. ബിജെപിയുടെ ഗിരിരാജ് സിങ്ങിനെതിരെ മുസ്ലിം സ്ഥാനാര്‍ത്ഥിയെ രംഗത്തിറക്കി ജയിക്കാമെന്ന ആഗ്രഹം പൊളിയുന്നു. ഇടതു സ്ഥാനാര്‍ത്ഥിയായി കനയ്യകുമാര്‍ വന്നതോടെ കനയ്യയ്ക്ക് മുന്നില്‍ ജയസാദ്ധ്യത ഇല്ലെന്ന് തിരിച്ചറിഞ്ഞ കേന്ദ്ര മന്ത്രി ഗിരിരാജ് സിങ്ങ് ബെഗുസാര വിടുന്നു. 

ലോക്സഭ തെരഞ്ഞെടുപ്പില്‍ ബിഹാറിലെ ബെഗുസാരായില്‍ കനയ്യകുമാറിനെതിരെ മത്സരിക്കാനില്ലെന്ന് കേന്ദ്ര മന്ത്രിയും ബിജെപി നേതാവുമായ ഗിരിരാജ് സിങ്. അഞ്ച് മുതിര്‍ന്ന ബിജെപി നേതാക്കള്‍ ഗിരിരാജ് സിംഗിനെ സമ്മതിപ്പിക്കാന്‍ ശ്രമിച്ചെങ്കിലും അദ്ദേഹം വഴങ്ങിയില്ലെന്നാണ് റിപ്പോര്‍ട്ട്. നവാദ സീറ്റ് മാറ്റി തനിക്ക് ബെഗുസാരായ് തരണം എന്ന് ഒരിക്കലും നേതൃത്വത്തോട് ആവശ്യപ്പെട്ടിട്ടില്ല എന്ന് ഗിരിരാജ് സിങ് പറഞ്ഞു. 

ബെഗുസാരായില്‍ സിപിഐ സ്ഥാനാര്‍ത്ഥിയായ കനയ്യയെ പിന്തുണക്കാമെന്ന് ആര്‍ജെഡി നേരത്തെ പറഞ്ഞിരുന്നങ്കിലും പിന്നീട് പിന്‍വാങ്ങിയിരുന്നു. ഇടതുപാര്‍ട്ടികളായ സിപിഐഎമ്മിനും സിപിഐയ്ക്കും ആര്‍ജെഡി നേതൃത്വത്തലുള്ള മഹാസഖ്യം ഒരു സീറ്റ് പോലും നല്‍കിയിരുന്നില്ല.ഇതോടെ കനയ്യകുമാറിനെ ഇടതു സ്ഥാനാര്‍ത്ഥിയായി സിപിഐ രംഗത്തിറക്കുകയായിരുന്നു. 

മണ്ഡലത്തിലെ നിര്‍ണായക സ്വാധീനശക്തിയായ കനയ്യയുടെ ഭൂമിഹാര്‍ സമുദായം ഗിരിരാജ് സിംഗിനെയായിരിക്കും പിന്തുണക്കുക എന്നായിരുന്നു ആര്‍ജെഡിയുടെ വിലയിരുത്തല്‍. ഗിരിരാജ് സിംഗിനെ നേരിടാന്‍ കനയ്യയ്ക്ക് കഴിയില്ല എന്നും ആര്‍ജെഡി വിലയിരുത്തിയിരുന്നു. മുസ്ലീം സ്ഥാനാര്‍ത്ഥിക്ക് ഏറ്റവും സുരക്ഷിതമായ മണ്ഡലമായിരിക്കും ബെഗുസാരായ് എന്നും ആര്‍ജെഡി പറയുന്നു.എന്നാല്‍ കോണ്‍ഗ്രസ് - ആര്‍ജെഡി സഖ്യം പ്രശ്‌നമല്ലന്നും കനയ്യകുമാര്‍ ഇടതു സ്ഥാനാര്‍ത്ഥിയായി രംഗപ്രവേശം ചെയ്തതാണ് പ്രശ്‌നമെന്നും കേന്ദ്ര മന്ത്രിയുടെ നിലപാട്. 

രാജ്യം ഉറ്റുനോക്കുന്ന മണ്ഡലങ്ങളിലൊന്നാണ് ഗുജറാത്തിലെ ഗാന്ധിനഗര്‍. വര്‍ഷങ്ങളായി എല്‍ കെ അദ്വാനി പാര്‍ലിമെന്റിലേക്ക് പോയിരുന്ന മണ്ഡലത്തില്‍ ഇക്കുറി ബിജെപി അധ്യക്ഷന്‍ അമിത് ഷായാണ് പോരാട്ടത്തിനിറങ്ങിയിരിക്കുന്നത്. അദ്വാനിക്ക് സീറ്റ് നല്‍കിയില്ലെന്നതടക്കമുള്ള വിവാദങ്ങള്‍ ഒരു വശത്ത് നില്‍ക്കുമ്പോള്‍ ഷായെ മണ്ഡലത്തില്‍ തളയ്ക്കാനുള്ള തന്ത്രങ്ങളൊരുക്കുകയാണ് പ്രതിപക്ഷം.

അമിത് ഷായ്‌ക്കെതിരെ ഗുജറാത്ത് മുന്‍ മുഖ്യമന്ത്രി ശങ്കര്‍ സിംഗ് വഗേലയെ കളത്തിലിറക്കാനാണ് നീക്കം നടക്കുന്നത്. ബിജെപിയിലൂടെ സംഘടനാ-രഷ്ട്രീയ രംഗത്ത് തിളങ്ങിനിന്ന വഗേല 1996-97 കാലയളവിലാണ് ഗുജറാത്തിന്റെ മുഖ്യമന്ത്രി പദം അലങ്കരിച്ചിരുന്നത്. സംഘടനയ്ക്കുള്ളിലെ പ്രശ്‌നങ്ങള്‍ കത്തിനിന്ന 1996 ല്‍ ബിജെപി വിട്ട് സ്വന്തം പാര്‍ട്ടിയുണ്ടാക്കിയ വഗേല കോണ്‍ഗ്രസ് പിന്തുണയോടെയാണ് മുഖ്യമന്ത്രിയായത്.

പിന്നീട് ഏറെക്കാലം സംസ്ഥാന കോണ്‍ഗ്രസിന്റെ മുഖമായി അദ്ദേഹം മാറിയിരുന്നു, എന്നാല്‍ കഴിഞ്ഞ നിയമസഭാ തെരഞ്ഞെടുപ്പിന് തൊട്ടുമുമ്പ് അദ്ദേഹം കോണ്‍ഗ്രസിനെ പ്രതിസന്ധിയിലാക്കി ബിജെപിയിലേക്ക് മടങ്ങിയെത്തിയിരുന്നു. തെരഞ്ഞെടുപ്പ് വിജയത്തിന് ശേഷം പാര്‍ട്ടി പരിഗണിക്കുന്നില്ലെന്ന് പറഞ്ഞ് കലാപമുയര്‍ത്തി പാര്‍ട്ടി വിടുകയും എന്‍ സി പിയില്‍ ചേരുകയും ചെയ്തു. ഇപ്പോള്‍ എന്‍ സി പി സ്ഥാനാര്‍ത്ഥിയായിട്ടാണ് ഗാന്ധി നഗറില്‍ മത്സരിക്കാനെത്തുക. ഇക്കാര്യത്തില്‍ ഉടന്‍ തീരുമാനമുണ്ടാകുമെന്ന് എന്‍ സി പി വൃത്തങ്ങള്‍ അറിയിച്ചതായി പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്യുന്നു. 

ഇന്ത്യയിലെ ജൂത കേന്ദ്രങ്ങള്‍ ഭീകര സംഘടനകളായ ഐഎസും അല്‍-ഖ്വായ്ദയും ലക്ഷ്യമിടുന്നതായി ഇന്റലിജന്‍സ് റിപ്പോര്‍ട്ട്. ന്യൂസിലന്‍ഡിലെ ഭീകരാക്രമണത്തിന് പ്രതികാരമായാണ് ജൂത കേന്ദ്രങ്ങള്‍ ആക്രമിക്കാന്‍ ഭീകര സംഘടനകള്‍ ശ്രമിക്കുന്നതെന്നാണ് റിപ്പോര്‍ട്ടില്‍ വ്യക്തമാക്കുന്നത്.

വാഹനമുപയോഗിച്ചോ കത്തികൊണ്ടോ ജനങ്ങള്‍ക്കെതിരെ ആക്രമണം നടത്തിയേക്കാമെന്നാണ് സൂചനകളില്‍ പറയുന്നത്. കഴിഞ്ഞ മാര്‍ച്ച് 20 നാണ് ആദ്യത്തെ മുന്നറിയിപ്പ്. ന്യൂസ്ലന്‍ഡ് ആക്രമണത്തിന് ബദല്‍ ചെയ്യാന്‍ ഐഎസിന്റെ സ്ലീപ്പര്‍ സെല്ലുകള്‍ ശ്രമിച്ചേക്കാമെന്നായിരുന്നു മുന്നറിയിപ്പ്. ഐഎസിന്റെ വക്താവായ അബു ഹസന്‍ അല്‍ മുജാഹിറിന്റേതെന്ന് കരുതപ്പെടുന്ന ശബ്ദസന്ദേശം ഐഎസ് ഭീകരരുടെ ഓണ്‍ലൈന്‍ ഗ്രൂപ്പുകളില്‍ പടര്‍ന്നിരുന്നു. ഈ ശബ്ദസന്ദേശത്തില്‍ നിന്നാണ് ഭീകരാക്രമണത്തിനുള്ള സൂചനകള്‍ ലഭിച്ചത്.

മാര്‍ച്ച് 23 നുള്ള രണ്ടാമത്തെ മുന്നറിയിപ്പിലാണ് ജൂതകേന്ദ്രങ്ങളില്‍ അല്‍ ഖ്വായ്ദ ആക്രമണത്തിനു തയ്യാറെടുക്കുന്നു എന്ന വിവരമുള്ളത്.സ്റ്റോക്ക്ഹോമില്‍ നടന്നതു പോലെ വാഹനം ഉപയോഗിച്ചോ , കത്തി ഉപയോഗിച്ചുള്ള ഒറ്റയ്ക്കുള്ള ആക്രമണമോ ആണ് ഭീകരര്‍ ആസൂത്രണം ചെയ്യുന്നതെന്നാണ് റിപ്പോര്‍ട്ടില്‍ പറയുന്നത്.

ഇസ്രയേല്‍ എംബസി, ജൂതകേന്ദ്രങ്ങള്‍ , ഛബാദ് ഹൗസ് , സിനഗോഗ് തുടങ്ങിയവയ്ക്കുള്ള സുരക്ഷ വര്‍ദ്ധിപ്പിച്ചിട്ടുണ്ട്. ഡല്‍ഹിയിലും മുംബൈയിലും ഗോവയിലും ജാഗ്രത നിര്‍ദ്ദേശം നല്‍കിയിട്ടുണ്ട്. പുല്‍വാമ ഭീകരാക്രമണത്തിന് ഇന്ത്യ നല്‍കിയ തിരിച്ചടിയെത്തുടര്‍ന്ന് പാക് ഭീകരസംഘടനകളുടെ ആക്രമണത്തിനും സാദ്ധ്യതയുള്ളതിനാല്‍ രാജ്യത്ത് സുരക്ഷാ ഏജന്‍സികള്‍ അതീവ ജാഗ്രത പുലര്‍ത്തുന്നുണ്ട്.

അടുത്ത സാമ്പത്തിക വര്‍ഷം ഇന്ത്യയുടെ ജിഡിപി നിരക്കില്‍ ഇടിവ് രേഖപ്പെടുത്തുമെന്ന്  ന്യൂയോര്‍ക്ക് ആസ്ഥാനമായ പ്രമുഖ ക്രെഡിറ്റ് റേറ്റിംഗ് ഏജന്‍സിയായഫിച്ച് റേറ്റിംഗ്സ് റിപ്പോര്‍ട്ട്.  2019 -20 സാമ്പത്തിക വര്‍ഷത്തെ വളര്‍ച്ച നിരക്കില്‍ മുന്‍പ് പ്രവചിച്ചിരുന്നതിനെക്കാള്‍ 0.2 ശതമാനത്തിന്‍റെ കുറവ് വരുമെന്നാണ് ഫിച്ചിന്‍റെ റിപ്പോര്‍ട്ട്. 
 
നേരത്തെ 2019 -20 സാമ്പത്തിക വര്‍ഷത്തില്‍ ഏഴ് ശതമാനം വളര്‍ച്ച ഇന്ത്യന്‍ സമ്പദ്‍വ്യവസ്ഥ നേടിയെടുക്കുമെന്നാണ് ഫിച്ച് പ്രവചിച്ചിരുന്നത്. എന്നാല്‍, പുതിയ സാഹചര്യത്തില്‍ വളര്‍ച്ചാ നിരക്ക് 6.8 ശതമാനം മാത്രമായിരിക്കുമെന്നാണ് ഫിച്ചിന്‍റെ വിലയിരുത്തല്‍. വായ്പ പലിശ നിരക്കുകളില്‍ 0.25 ബേസിസ് പോയിന്‍റിന്‍റെ കുറവ് റിസര്‍വ് ബാങ്ക് വരുത്തിയതാണ് പ്രധാനമായും പ്രതീക്ഷിത വളര്‍ച്ച നിരക്കില്‍ കുറവ് വരുത്താന്‍ ഫിച്ചിനെ പ്രേരിപ്പിച്ച ഘടകം. 2019 ഫെബ്രുവരിയിലെ പണ നയഅവലോകന യോഗത്തിലാണ് റിസര്‍വ് ബാങ്ക് പലിശ നിരക്കുകളില്‍ കുറവ് വരുത്തിയത്. 

പാക്കിസ്ഥാൻ ദേശീയ ദിനത്തിൽ ഇന്ത്യൻ പ്രധാനമന്ത്രി നരേന്ദ്ര മോദി ആശംസകൾ അറിയിച്ചതായി പാക്ക് പ്രധാനമന്ത്രി ഇമ്രാൻ ഖാൻ. മോദിയുടെ സന്ദേശം ലഭിച്ചതായി ഇമ്രാൻ വെള്ളിയാഴ്ച രാത്രി ട്വിറ്ററിൽ പ്രതികരിച്ചു. പാക്കിസ്ഥാനിലെ ജനങ്ങളെ ആശംസകൾ അറിയിക്കുകയാണ്. ജനാധിപത്യം, സമാധാനം, സുസ്ഥിരത, സമൃദ്ധി എന്നിവയുള്ള ഒരു മേഖലയ്ക്കുവേണ്ടി എല്ലാവരും ഒരുമിച്ചു നിൽക്കേണ്ട സമയമാണിതെന്ന് മോദി അറിയിച്ചതായി ഇമ്രാൻ ഖാൻ പ്രതികരിച്ചു.
ഭീകരവാദവും ഹിംസയും ഇല്ലാത്ത സാഹചര്യത്തിലാണ് ഇതു നടപ്പാകേണ്ടതെന്നും ഇന്ത്യൻ പ്രധാനമന്ത്രി അറിയിച്ചതായി ഇമ്രാൻ ഖാൻ വ്യക്തമാക്കി. പാക്ക് ജനതയ്ക്കുള്ള പ്രധാനമന്ത്രി നരേന്ദ്ര മോദിയുടെ സന്ദേശത്തെ സ്വാഗതം ചെയ്യുന്നതായും ഇമ്രാൻ ഖാന്‍ പ്രതികരിച്ചു. ഇന്ത്യയുമായുള്ള പ്രശ്നങ്ങൾ പരിഹരിക്കുന്നതിനുള്ള ചർച്ചകൾ തുടങ്ങാൻ പറ്റിയ സമയമാണ് ഇതെന്നു കരുതുന്നു. കശ്മീർ ഉൾപ്പെടെയുള്ള വിഷയങ്ങളിൽ ചർച്ച വേണം. ജനങ്ങൾക്കു വേണ്ടി സമാധാനത്തിലും സമൃദ്ധിയിലുമൂന്നിയ പുതിയ ബന്ധം ഉണ്ടാകണമെന്നും ഇമ്രാൻ ഖാൻ ട്വിറ്ററിൽ കുറിച്ചു.
പാക്കിസ്ഥാൻ ദേശീയ ദിനത്തിലെ പരിപാടികളിൽ പങ്കെടുക്കാൻ ഇന്ത്യ പ്രതിനിധിയെ അയക്കേണ്ടതില്ലെന്ന് വിദേശകാര്യ മന്ത്രാലയ വക്താവ് രവീഷ് കുമാർ പ്രതികരിച്ചിരുന്നു. പരിപാടിയിലേക്കു ഹുറിയത്ത് നേതാക്കളെ ക്ഷണിക്കാനുള്ള പാക്ക് ഹൈക്കമ്മീഷന്റെ തീരുമാനത്തിൽ പ്രതിഷേധിച്ചായിരുന്നു ഇന്ത്യയുടെ നീക്കം. പാക്കിസ്ഥാനിൽ ശനിയാഴ്ചയാണ് ദേശീയ ദിന ആഘോഷങ്ങൾ നടക്കുക.‌ ഇതിനിടെയാണ് ഇന്ത്യൻ‍ പ്രധാനമന്ത്രി ആശംസ അറിയിച്ചെന്ന് ഇമ്രാൻ ട്വിറ്ററിൽ പ്രതികരിച്ചത്.
 

ന്യൂസിലാൻഡിലെ ക്രൈസ്റ്റ് ചർച്ചിൽ പള്ളികൾക്ക് നേരെ ഉണ്ടായ ഭീകരാക്രമണത്തിൽ കൊല്ലപ്പെട്ട ഇരകളോട് ന്യൂസിലാൻഡ് സര്‍ക്കാര്‍ പ്രകടിപ്പിച്ച ആദരവിന് യു.എ.ഇയുടെ നന്ദി പ്രകടനം. ബുര്‍ജ് ഖലീഫയില്‍ ന്യൂസിലാൻഡ് പ്രധാനമന്ത്രി ജസീന്ത ആർഡറിന്റെ ചിത്രം തെളിയിച്ചാണ് യു.എ.ഇ നന്ദി അറിയിച്ചത്.
 
‘മൗനത്തിലാണ്ട് ന്യൂസിലന്റ് മസ്ജിദ് ആക്രമണത്തിലെ രക്തസാക്ഷികളെ ആദരിച്ചിരിക്കുന്നു. പ്രധാനമന്ത്രി ജസീന്ത ആര്‍ഡറിനും ന്യൂസിലാൻഡിനും നന്ദി. നിങ്ങളുടെ ആത്മാര്‍ഥമായ അനുകമ്പയും പിന്തുണയും ഭീകരാക്രമണത്തില്‍ ഉലഞ്ഞുപോയ ലോകത്തെ 105 കോടി മുസ്ലിംകളുടെയും ആദരവ് നേടിയിരിക്കുന്നു’ ബുർജ് ഖലീഫയിൽ ജസീന്ത ആർഡറിന്റെ ചിത്രം തെളിഞ്ഞ ഫോട്ടോ പങ്കു വെച്ച് യു.എ.ഇ. വൈസ് പ്രസിഡണ്ടും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂം ട്വിറ്ററിൽ കുറിച്ചു.

Top Stories

Grid List

സൗദിയില്‍ മരിച്ച പത്തനംതിട്ട കോന്നി സ്വദേശി റഫീഖിന്റെ മൃതദേഹം ഇന്ന് കൊച്ചിയില്‍ എത്തിക്കും. സൗദി എയര്‍ലൈന്‍സാണ് ഇക്കാര്യം അറിയിച്ചത്. നാട്ടിലേക്ക് മാറി അയച്ച ശ്രീലങ്കന്‍ സ്വദേശിനിയുടെ മൃതദേഹം നാട്ടിലേക്ക് അയക്കാനും അധികൃതര്‍ നടപടി ആരംഭിച്ചു. കഴിഞ്ഞ ബുധനാഴ്ച്ചയാണ് റഫീഖിന്റെ മൃതദേഹത്തിന് പകരം ശ്രീലങ്കന്‍ സ്വദേശിനിയുടെ മൃതദേഹം നാട്ടിലെത്തിയത്.
 
സൗദി അറേബ്യയിലെ അബ്ഹ വിമാനത്താവളത്തില്‍ നിന്നായിരുന്നു മൃതദേഹങ്ങള്‍ മാറിയത്. മൃതദേഹ പെട്ടികളില്‍ പതിച്ച പേരും നമ്പരും മാറിയതാണ് കാരണം. 35ാം നമ്പര്‍ പെട്ടിയാണ് അബ്ഹയില്‍ നിന്നയച്ചത്. നാട്ടിലെത്തിയത് 32ാം നമ്പര്‍ പെട്ടിയായിരുന്നു. നാട്ടിലെത്തിയ മൃതദേഹം പൊതുദര്‍ശനത്തിന് വെയ്ക്കാന്‍ തുറന്നപ്പോഴാണ് മൃതദേഹം മാറിയ വിവരം ബന്ധുക്കള്‍ അറിഞ്ഞത്.
 
ഫെബ്രുവരി 27 നായിരുന്നു റഫീഖ് ഹൃദയാകാതം മൂലം സൗദിയിലെ അബ്ഹയില്‍ മരിച്ചത്. നിയമ നടപടികള്‍ പൂര്‍ത്തിയാക്കി ഇരുപത്തിമൂന്ന് ദിവസത്തിന് ശേഷമാണ് മൃതദേഹം സൗദിയില്‍ നിന്ന് അയച്ചത്. നിലവില്‍ ശ്രീലങ്കന്‍ സ്വദേശിനിയുടെ മൃതദേഹം കോട്ടയം മെഡിക്കല്‍ കോളേജിലും റഫീഖിന്റെ മൃതദേഹം ശ്രീലങ്കയിലുമാണുള്ളത്. 

ചെന്നൈ: ഐപിഎല്‍ പന്ത്രണ്ടാം സീസണ്‍ ഉദ്ഘാടനം ബിസിസിഐ ഉപേക്ഷിച്ചത് പുല്‍വാമയില്‍ വീരമൃത്യുവരിച്ച ഇന്ത്യന്‍ സൈനികര്‍ക്കുവേണ്ടി. ഭീകരാക്രമണത്തില്‍ കൊല്ലപ്പെട്ട സൈനികര്‍ക്കുള്ള ആദരമായി ഐപിഎല്‍ ഉദ്ഘാടന ചടങ്ങുകള്‍ മാറ്റാനാണ് ബിസിസിഐയുടെ തീരുമാനം. സാധാരണ രീതിയില്‍ നടത്താറുള്ള ഉദ്ഘാടന ചടങ്ങുകള്‍ മാറ്റി അതിനായുള്ള തുക വീരമൃത്യുവരിച്ച സൈനികരുടെ കുടുംബത്തിന്റെ ക്ഷേമത്തിനായി നല്‍കും.

ഉദ്ഘാടന ചടങ്ങില്‍ സൈന്യത്തെ പ്രതിനിധീകരിച്ച് ഓഫീസര്‍മാര്‍ പരിപാടിയില്‍ പങ്കെടുക്കുമെന്നാണ് റിപ്പോര്‍ട്ട്. കൂടാതെ, കളിക്കാരും മൂന്നംഗ സിഇഒയും പരിപാടിയില്‍ പങ്കെടുക്കും. ലെഫ്റ്റ്നെന്റ് കേണല്‍ ബഹുമതിയുള്ള ധോണിക്ക് ചടങ്ങില്‍ പ്രത്യേക പ്രാധാന്യമുണ്ടായിരിക്കും. നേരത്തെ ഇന്ത്യയും ഓസ്ട്രേലിയയും തമ്മില്‍ നടന്ന ഏകദിന പരമ്പരയിലെ ഒരു മത്സരത്തില്‍ ഇന്ത്യന്‍ കളിക്കാര്‍ സൈനിക തൊപ്പിയണിഞ്ഞ് എത്തിയിരുന്നു.