Top Stories

Grid List

 
ബ്ലാക്ക് മെയിൽ ചെയ്യപ്പെടുന്നുണ്ടെന്ന ആരോപണങ്ങൾ തള്ളി സിപിഐ സംസ്ഥാന സെക്രട്ടറി കാനം രാജേന്ദ്രൻ. അത്തരത്തിലുള്ള കഥകൾ മാധ്യമങ്ങൾ കെട്ടിച്ചമക്കുന്നതാണെന്ന് കാനം രാജേന്ദ്രൻ പറഞ്ഞു. ഈ വയസുകാലത്ത് തന്നെ ആര് ബ്ലാക്ക് മെയിൽ ചെയ്യാനാണെന്ന് ചോദിച്ച കാനം ആരോപണങ്ങളെ പൂർണ്ണമായും തള്ളി.
 
സിപിഐഎമ്മിന്റെ തടവറയിലാണ് കാനം എന്ന തരത്തിലുള്ള ആരോപണങ്ങൾ സംബന്ധിച്ച് മാധ്യമങ്ങൾ ചോദിച്ചപ്പോൾ അതൊക്കെ നിങ്ങൾ പറയുന്നതല്ലേ എന്നായിരുന്നു കാനത്തിന്റെ മറുചോദ്യം. എൽദോ എബ്രഹാം എംഎൽഎയുടെ കൈക്ക് പരിക്കേറ്റത് സംബന്ധിച്ച ചോദ്യങ്ങൾക്ക് പരിക്ക് ഉണ്ടോ എന്ന് നമുക്ക് തീരുമാനിക്കാൻ കഴിയില്ലെന്നാണ് കാനം പറഞ്ഞത്. എൽദോയെ മർദിച്ചുവെന്ന് തന്നെ കരുതുന്നുവെന്നും കാനം പറഞ്ഞു. ആലപ്പുഴയിൽ പോസ്റ്റർ പതിച്ച സംഭവത്തിൽ പൊലീസ് അന്വേഷണം നടക്കുന്നുണ്ട്. അതേപ്പറ്റി കൂടുതൽ പ്രതികരിക്കുന്നില്ലെന്നും കാനം വ്യക്തമാക്കി.
 
 
എൽദോ എബ്രഹാം എംഎൽഎയ്ക്ക് മർദനമേറ്റത് സമരം ചെയ്തിട്ടാണെന്നും പൊലീസ് ആരുടേയും വീട്ടിൽ കയറി മർദിച്ചിട്ടില്ലെന്നും കാനം പറഞ്ഞത് വിവാദമായിരുന്നു. ഇതിന് പിന്നാലെ കാനത്തെ വിമർശിച്ച് ആലപ്പുഴയിൽ പോസ്റ്റർ പ്രത്യക്ഷപ്പെട്ടു. ‘കാനത്തെ മാറ്റൂ, സിപിഐയെ രക്ഷിക്കൂ’ എന്നായിരുന്നു പോസ്റ്ററിൽ എഴുതിയത്. എൽദോ എബ്രഹാം എംഎൽഎയ്ക്ക് പിന്തുണയെന്നും പോസ്റ്ററിൽ വ്യക്തമാക്കിയിരുന്നു. കാനത്തെ വിമർശിച്ച് സിപിഐ മുതിർന്ന നേതാക്കളും രംഗത്തെത്തിയിരുന്നു.
 
#കൈ ഒടിഞ്ഞെന്ന് ഒരിടത്തും പറഞ്ഞിട്ടില്ല; വാർത്ത മാധ്യമങ്ങൾ വളച്ചൊടിച്ചതെന്ന് എൽദോ എബ്രഹാം എംഎൽഎ
 
 
കൈ ഒടിഞ്ഞെന്ന് താൻ ഒരിടത്തും പറഞ്ഞിട്ടില്ലെന്ന് എൽദോ എബ്രഹാം എംഎൽഎ. വാർത്ത മാധ്യമങ്ങൾ വളച്ചൊടിക്കുകയാണ് ചെയ്തത്. കൈക്ക് പരിക്കുണ്ടെന്നാണ് താൻ പറഞ്ഞതെന്നും എൽദോ എബ്രഹാം വ്യക്തമാക്കി. എൽദോ എബ്രഹാമിന്റെ കൈ ഒടിഞ്ഞിട്ടില്ലെന്ന മെഡിക്കൽ റിപ്പോർട്ട് പൊലീസ് കളക്ടർക്ക് കൈമാറിയ പശ്ചാത്തലത്തിലാണ് എംഎൽഎയുടെ പ്രതികരണം.
 
പൊലീസിന്റെ റിപ്പോർട്ട് മുഖവിലയ്‌ക്കെടുക്കുന്നില്ല. പൊലീസിന് അത്തരത്തിൽ നിരവധി വ്യാഖ്യാനങ്ങൾ ഉണ്ടായേക്കാം. താൻ ആദ്യം സൂചിപ്പിച്ചതുപോലെ കൈക്ക് പരിക്കാണ് സംഭവിച്ചതെന്ന് ഇപ്പോഴും പറയുന്നു. കൈക്ക് പൊട്ടലുണ്ടെന്നാണ് മാധ്യമപ്രവർത്തകരോടും സുഹൃത്തുക്കളോടും പറഞ്ഞത്. കൈ ഒടിഞ്ഞു എന്നത് മാധ്യമങ്ങളിൽ വന്നതാണ്. കൈക്ക് പൊട്ടലുണ്ടെന്ന് ഡോക്ടർ പറഞ്ഞ കാര്യമാണ്. അതാണ് താൻ മാധ്യമങ്ങളോട് പറഞ്ഞതെന്നും എൽദോ എബ്രഹാം പറഞ്ഞു. വസ്തുതക്ക് നിരക്കാത്ത ഒരു കാര്യവും താൻ പറഞ്ഞിട്ടില്ല. സംശുദ്ധമായി പൊതുപ്രവർത്തനം നടത്തുന്ന ഒരാൾക്ക് വ്യാജമായ കാര്യം പറയേണ്ടതില്ല. പൊതുജനങ്ങൾക്കിടയിൽ തെറ്റിദ്ധാരണ പരത്താനുള്ള പൊലിസിന്റെ ബോധപൂർവമായ ശ്രമമായിട്ട് വേണം ഇതിനെ കാണാനെന്നും എൽദോ കൂട്ടിച്ചേർത്തു.
 
 
സിപിഐ മാർച്ചിനിടെ വലതു കൈ പൊലീസ് തല്ലിയൊടിച്ചെന്ന എൽദോ എബ്രഹാം എംഎൽഎയുടെ വാദം തെറ്റാണെന്ന് വ്യക്തമാക്കുന്ന മെഡിക്കൽ റിപ്പോർട്ടാണ് പൊലീസ് കളക്ടർക്ക് കൈമാറിയത്. എംഎൽഎയുടെ കൈയുടെ എല്ലിന് ഏതെങ്കിലും തരത്തിൽ ഒടിവോ, പൊട്ടലോ ഇല്ലെന്നാണ് ഡോക്ടർമാർ വ്യക്തമാക്കുന്നത്. സംഘർഷത്തിലും പൊലീസ് ലാത്തിച്ചാർജിലും എംഎൽഎയുടെ ഇടതുകൈ ഒടിഞ്ഞെന്നായിരുന്നു നേരത്തേ പുറത്തുവന്ന റിപ്പോർട്ടുകൾ. തുടർന്ന് ഇടതു കൈ പ്ലാസ്റ്ററിട്ടുകൊണ്ടുള്ള ചിത്രങ്ങളും പുറത്തുവന്നിരുന്നു.
 
പൊലീസ് ലാത്തിച്ചാർജിലെ സംഘർഷവുമായി ബന്ധപ്പെട്ട് കളക്ടർ ഇന്നലെ എംഎൽഎ ജനപ്രതിനിധികൾ, സിപിഐ പ്രവർത്തകർ, പൊലീസ് ഉദ്യോഗസ്ഥർ എന്നിവരിൽ നിന്നെല്ലാം മൊഴിയെടുത്തിരുന്നു. വിശദമായ അന്വേഷണ റിപ്പോർട്ട് കളക്ടർ തിങ്കളാഴ്ച മുഖ്യമന്ത്രിക്ക് കൈമാറുമെന്നാണ് വിവരം. പൊലീസ് ലാത്തിച്ചാർജിനെച്ചൊല്ലി സിപിഐയിലും ഭിന്നത തുടരുന്നതിനിടെയാണ് പുതിയ വിവാദങ്ങൾ.

 
കോന്നി തേക്കുതോട്ടില്‍ മകളെയും ശരീരത്തോടു ചേര്‍ത്തു കെട്ടി യുവതി ആറ്റില്‍ച്ചാടി മരിച്ചതു ബയോപ്‌സി പരിശോധനാ ഫലത്തില്‍ തനിക്ക്‌ ക്യാന്‍സര്‍ ഉണ്ടെന്ന്‌ തെളിഞ്ഞതില്‍ മനം നൊന്താകാമെന്ന്‌ പോലീസ്‌. 
 
തേക്കുതോട്‌ ഇന്‍ടേക്ക്‌ പമ്പ് ഹൗസിന്‌ സമീപം വാടകയ്‌ക്ക്‌ താമസിക്കുന്ന പാറക്കടവില്‍ സുമോജിന്റെ ഭാര്യ ദേവിക(24)യാണ്‌ മകള്‍ ശ്രീദേവി(മൂന്ന്‌)യ്‌ക്കൊപ്പം വ്യാഴാഴ്‌ച വൈകിട്ട്‌ കല്ലാറ്റില്‍ സ്‌ഥാപിച്ചിരിക്കുന്ന ഇന്‍ടേക്ക്‌ പമ്പ് ഹൗസിന്‌ സമീപം ചാടി ആത്മഹത്യ ചെയ്‌തത്‌. ബാത്ത്‌റൂമിലേക്ക്‌ പോയ ദേവികയെയും മക്കളെയും പിന്നീട്‌ ആറ്റില്‍ മരിച്ച നിലയിലാണ്‌ കണ്ടതെന്നാണ്‌ സുമോജിന്റെ മൊഴി.
 
ദേവികയുടെ കൈയിലുണ്ടായിരുന്ന മുഴ രണ്ടാഴ്‌ച മുന്‍പ്‌ കോഴഞ്ചേരി ജില്ലാ ആശുപത്രിയിലെ ക്യാന്‍സര്‍ കെയര്‍ സെന്ററില്‍ നിന്ന്‌ പരിശോധനയ്‌ക്ക്‌ അയച്ചിരുന്നു. കാന്‍സറുണ്ടെന്ന പരിശോധനാ ഫലമാണ്‌ ലഭിച്ചത്‌. ഇതോടെ ദേവിക മാനസിക വിഷമത്തിലായിരുന്നുവെന്ന്‌ പോലീസ്‌ പറഞ്ഞു. അഞ്ചു വര്‍ഷം മുന്‍പാണ്‌ വ്യത്യസ്‌ത സമുദായങ്ങളില്‍പ്പെട്ട സുമോജും ദേവികയും പ്രണയിച്ച്‌ വിവാഹം കഴിച്ചത്‌. ഇരുവരും തമ്മില്‍ കുടുംബ പ്രശ്‌നമൊന്നും ഉണ്ടായിരുന്നില്ലെന്ന്‌ പോലീസ്‌ പറഞ്ഞു. 
സംഭവം നടന്നതിന്‌ ശേഷം പത്തനംതിട്ട ജനറല്‍ ആശുപത്രിയിലെ മോര്‍ച്ചറിയിലേക്കായിരുന്നു മൃതദേഹം എത്തിച്ചത്‌. ഇവിടെ എത്തിയ യുവതിയുടെ ബന്ധുക്കള്‍ ദുരൂഹത ആരോപിക്കുകയും അന്വേഷണം ആവശ്യപ്പെടുകയും ചെയ്‌തതിനെ തുടർന്ന് ഇന്നലെ കോട്ടയം മെഡിക്കല്‍ കോളജിലാണ്‌ അമ്മയുടെയും മകളുടെയും മൃതദേഹം പോസ്‌റ്റ്‌മോര്‍ട്ടം ചെയ്‌തത്‌. പോസ്‌റ്റ്‌മോര്‍ട്ടം റിപ്പോര്‍ട്ടില്‍ അസ്വാഭാവികതയില്ലെന്നാണ്‌ സൂചന.

 
സാമൂഹ്യ പ്രതിബദ്ധതയുടെ മറ്റൊരു സഹകരണ മാതൃക കൂടി. കോഴിക്കോട് ജില്ലയില്‍ ട്രാന്‍സ് ജെന്ററായ ഭാവന സുരേഷിന് കെയര്‍ ഹോം പദ്ധതി പ്രകാരം നിര്‍മ്മിച്ച വീടിന്റെ താക്കോല്‍ സഹകരണ വകുപ്പ് മന്ത്രി കടകംപള്ളി സുരേന്ദ്രന്‍ കൈമാറി. കാവുന്തറ സഹകരണ ബാങ്കിന്റെ സഹകരണ ത്തോടെയാണ് വീട് നിര്‍മ്മിച്ചത്. ചടങ്ങില്‍ പുരുഷന്‍ കടലുണ്ടി എം.എല്‍.എ അധ്യക്ഷത വഹിച്ചു.

 
പാക് അധീന കശ്മീര്‍ ഉള്‍പ്പെടെ ജമ്മുകശ്മീരിന് മേല്‍ പൂര്‍ണമായും അവകാശം ഇന്ത്യയ്ക്കാണെന്ന് കരസേനാമേധാവി മേധാവി ബിപിന്‍ റാവത്ത്. കശ്മീരിന്റെ മറ്റ് ഭാഗങ്ങള്‍ പാകിസ്ഥാനില്‍ നിന്ന് തിരിച്ചുപിടിക്കേണ്ടതെങ്ങനെ എന്നത് രാഷ്ട്രീയ തീരുമാനം ആയിരിക്കുമെന്നും സൈന്യം ഉത്തരവുകള്‍ അനുസരിക്കുമെന്നും റാവത്ത് വ്യക്തമാക്കി. കാര്‍ഗില്‍ യുദ്ധവിജയത്തിന്റെ 20-ാം വാര്‍ഷികത്തോടനുബന്ധിച്ച് നടന്ന ചടങ്ങില്‍ സംസാരിക്കുകയായിരുന്നു അദ്ദേഹം.
 
പാക് അധീന കശ്മീര്‍ തിരികെ പിടിക്കേണ്ടത് നയതന്ത്രമാര്‍ഗത്തില്‍ കൂടിയോ അല്ലെങ്കില്‍ മറ്റ് മാര്‍ഗങ്ങളില്‍ കൂടിയോ എന്നത് രാഷ്ട്രീയമായ തീരുമാനമായിരിക്കുമെന്ന് അദ്ദേഹം പറഞ്ഞു. 1947 ലെ അന്നത്തെ രാജാവ് ഹരിസിങ് കശ്മീരിനെ ഇന്ത്യയില്‍ നിരുപാധികം ലയിപ്പിച്ചതാണെന്ന് കരസേനാമേധാവി പറഞ്ഞു. തുടര്‍ന്ന് കശ്മീരില്‍ വിന്യസിക്കപ്പെട്ട ഇന്ത്യന്‍ സൈന്യം പാക് നുഴഞ്ഞുകയറ്റക്കാരെ തുരത്തിയെങ്കിലും വെടിനിര്‍ത്തല്‍ പ്രഖ്യാപിക്കപ്പെട്ടതോടെ കശ്മീരിന്റെ ചില ഭാഗങ്ങള്‍ പാകിസ്ഥാന്റെ പക്കലായി. അതിനെ പാക് അധീന കശ്മീരെന്നാണ് വിളിക്കുന്നതെന്നും അദ്ദേഹം പറഞ്ഞു. 
 
കാര്‍ഗില്‍ പോലെ വീണ്ടും അബദ്ധങ്ങള്‍ ആവരത്തിക്കാന്‍ പാകിസ്താന്‍ തയ്യാറായാല്‍ ശക്തമായ തിരിച്ചടിയുണ്ടാകുമെന്ന് അദ്ദേഹം മുമ്പ് പറഞ്ഞിരുന്നു. 1999 ലെ കാരഗിലില്‍ പാക് സൈന്യം നടത്തിയ നുഴഞ്ഞുകയറ്റത്തിനെതിരെയാണ് യുദ്ധം നടന്നത്. 

 
 രണ്ട് ദിവസമായി നിർത്താതെ തുടരുന്ന മഴയിൽ മുംബൈ നഗരം വെള്ളത്തിനടിയിലായി. പ്രധാനപ്പെട്ട പല റോഡുകളും വെള്ളത്തിൽ മുങ്ങിയ അവസ്ഥയിലാണ്. പലയിടങ്ങളിലും വ്യാപക ഗതാഗതകുരുക്കാണ് അനുഭവപ്പെടുന്നത്.
 
കനത്ത മഴയെ തുടർന്ന് മുംബൈ വിമാനത്താവളത്തിൽ നിന്നുള്ള വിമാനങ്ങൾ റദ്ദാക്കി. പതിനൊന്നോളം വിമാനങ്ങളാണ് റദ്ദാക്കിയത്. പത്തോളം വിമാനങ്ങൾ വഴിതരിച്ച് വിടുകയും ചെയ്തിട്ടുണ്ട്. സർവീസ് നടത്തുന്ന വിമാനങ്ങൾ 30 മിനിട്ടോളം വൈകിയാണ് പുറപ്പെടുന്നത്.
 
 
വെസ്‌റ്റേൺ എക്‌സ്പ്രസ് ഹൈവേയിൽ കടുത്ത ഗതാഗതകുരുക്കാണ്. ഇത് വിമാനത്താവളത്തിലേക്ക് പോകുന്നവരെ കാര്യമായി ബാധിച്ചിട്ടുണ്ട്. കനത്ത മഴയും ഇരുട്ട് മൂടിയ അന്തരീക്ഷവുമാണ് കൂടുതൽ ദുഷ്‌കരമാക്കുന്നത്. നഗരത്തിലെ ജുഹു താര റോഡ്, ജോഗേശ്വരി വിഖ്രോളി ലിങ്ക് റോഡ്, വൈസ്‌റ്റേൺ എക്‌സ്പ്രസ് ഹൈവേ എന്നിവയെല്ലാം വെള്ളത്തിനടിയിലാണ്.
കനത്ത മഴയിൽ രൂപപ്പെട്ട വെള്ളക്കെട്ടിൽ മുങ്ങി മുംബൈ നഗരം. അടുത്ത ദിവസം മുംബൈയിൽ ശക്തമായ മഴ തുടരുമെന്നാണ് കാലാവസ്ഥാ നിരീക്ഷണകേന്ദ്രത്തിന്‍റെ മുന്നറിയിപ്പ്. നഗരത്തിന്‍റെ താഴ്‍ന്ന പ്രദേശങ്ങളിൽ വെള്ളം കയറാൻ സാധ്യതയുണ്ടെന്നും മഹാരാഷ്ട്ര തീരത്ത് നിന്ന് കടലിൽ പോകുന്ന മത്സ്യത്തൊഴിലാളികൾ ജാഗ്രത പാലിക്കണമെന്നും മുന്നറിയിപ്പുണ്ട്. ഇന്ന് മാത്രം മുംബൈ വിമാനത്താവളത്തിൽ നിന്ന് ഒമ്പത് വിമാനങ്ങളാണ് വഴി തിരിച്ചു വിട്ടത്. 
 
റായ്‍ഗഢ്, രത്നഗിരി, സിന്ധുദുർഗ് ജില്ലകളിൽ കനത്ത മഴയുണ്ടാകുമെന്നാണ് കാലാവസ്ഥാ നിരീക്ഷണ കേന്ദ്രം അറിയിക്കുന്നത്. മുംബൈ, താനെ, നവി മുംബൈ എന്നിവിടങ്ങളിൽ അടുത്ത 24 മണിക്കൂർ ശക്തമായ മഴ പെയ്യും. ഇവിടങ്ങളിലെല്ലാം ഓറഞ്ച് അലർട്ടും പുറപ്പെടുവിച്ചിട്ടുണ്ട്. 
 
 
 
വിദർഭയിൽ ഇന്നലെ മാത്രം ഏതാണ്ട് 40 മില്ലീമീറ്റർ മഴ പെയ്തിട്ടുണ്ട്. മറാത്ത്‍വാഡയിലും, ദക്ഷിണ - മധ്യ മാഹ് മേഖലയിലും നല്ല മഴ ലഭിച്ചു. കൊളാബയിൽ മാത്രം 24 മണിക്കൂറിൽ പെയ്തത് 19.1 മില്ലീമീറ്റർ മഴ. സാന്താക്രൂസ് സ്റ്റേഷനിൽ 44 മില്ലീമീറ്റർ മഴ. 
 
കഴിഞ്ഞ രണ്ട് ദിവസമായി കനത്ത മഴയിൽ സിയോൺ, മാട്ടുംഗ, മാഹിം, അന്ധേരി, മലാഡ്, ദഹിസർ എന്നിവിടങ്ങളിൽ കനത്ത വെള്ളക്കെട്ടും രൂക്ഷമായ ഗതാഗതക്കുരുക്കും അനുഭവപ്പെട്ടിരുന്നു.
 
 
 
 
 
 
 
 
 

 
 കര്‍ണാടക മുഖ്യമന്ത്രിയായി സത്യപ്രതിജ്ഞ ചെയ്ത ബി എസ് യെദ്യൂരപ്പ 29 ന് വിശ്വാസ വോട്ടെടുപ്പ് 'നേരിടും. 
 
മൂന്ന് വിമതരെ സ്പീക്കര്‍ അയോഗ്യരാക്കിയതിന് പിന്നാലെയാണ് സര്‍ക്കാരുണ്ടാക്കാന്‍ ബിജെപി പെട്ടെന്ന്  തീരുമാനിച്ചത്. തിങ്കളാഴ്ച യെഡിയൂരപ്പ സഭയില്‍ വിശ്വാസം തേടുമെന്നാണ് റിപ്പോര്‍ട്ടുകള്‍. മന്ത്രിമാരുടെ സത്യപ്രതിജ്ഞ തിങ്കളാഴ്ച നടക്കുമെന്നാണ് സൂചന.
 
2018 മേയ് 17നാണ് യെദ്യൂരപ്പ മൂന്നാംവട്ടവും മുഖ്യമന്ത്രിയായത്. പക്ഷേ ആറുദിവസം മാത്രമാണ് അധികാരത്തില്‍ തുടരാനായത്. ഭൂരിപക്ഷം തെളിയിക്കാന്‍ സാധിക്കാത്തതിനെ തുടര്‍ന്ന് അദ്ദേഹം രാജിവെക്കുകയായിരുന്നു. ഇതിനു പിന്നാലെയാണ് കോണ്‍ഗ്രസ്-ജെഡിഎസ് സഖ്യം സര്‍ക്കാര്‍ രൂപീകരിച്ചത്. എന്നാല്‍ ഒരുവര്‍ഷത്തിനു ശേഷം കോണ്‍ഗ്രസ്-ജെഡിഎസ് എംഎല്‍എമാര്‍ പിന്തുണ പിന്‍വലിച്ചതോടെയാണ് സഖ്യസര്‍ക്കാര്‍ താഴെവീണത്. 
 
 
# വിമത എംഎൽഎമാരുടെ രാജിയിലും അയോഗ്യതയിലും ഇന്ന് തീരുമാനമുണ്ടായേക്കും 
 
 
 കർണാടകത്തിൽ വിമത എംഎൽഎമാരുടെ രാജിയിലും അയോഗ്യതയിലും സ്പീക്കറുടെ തീരുമാനം ഇന്നുണ്ടായേക്കും. അയോഗ്യത നടപടിക്കെതിരെ മൂന്ന് വിമത എംഎൽഎമാർ സുപ്രീംകോടതിയെ സമീപിച്ചു. തിങ്കളാഴ്ചയാണ് യെദ്യൂരപ്പ സർക്കാർ വിശ്വാസവോട്ട് തേടുന്നത്. അതിനിടെ, ബിജെപിയെ പിന്തുണക്കണം എന്ന അഭിപ്രായം പാർട്ടിക്കുള്ളിൽ ഉണ്ടെന്ന് മുതിർന്ന ജെഡിഎസ് നേതാവും മുൻ മന്ത്രിയുമായ ജി ടി ദേവഗൗഡ പറഞ്ഞു.
 
കർണാടകത്തിൽ സഖ്യ സർക്കാരിനുള്ള പാലം വലിച്ചതിനെ തുടർന്ന് അയോഗ്യരാക്കിയ മൂന്ന് എംഎൽഎമാരാണ് സ്പീക്കറുടെ നടപടിക്കെതിരെ സുപ്രീംകോടതിയെ സമീപിച്ചിട്ടുള്ളത്. പതിനാല് പേരുടെ കാര്യത്തിൽ സ്പീക്കറുടെ തീരുമാനം വരാനിരിക്കെയാണ് ഇത്. രാജിവച്ച 13 പേർക്കും, വിശ്വാസവോട്ടെടുപ്പിൽ പങ്കെടുക്കാതിരുന്ന ശ്രീമന്ത് പാട്ടീലിനും എതിരെ നടപടി വേണമെന്ന നിലപാടിലാണ് കോൺഗ്രസും ജെഡിഎസും.
 
യെദ്യൂരപ്പ വിശ്വാസ വോട്ട് തേടുന്ന തിങ്കളാഴ്ചയ്ക്ക് മുൻപ് സ്പീക്കർ തീരുമാനം പ്രഖ്യാപിക്കും. അയോഗ്യതക്കാണ് സാധ്യത. രമേഷ് ജർകിഹോളി, മഹേഷ്‌ കുമട്ഹള്ളി, ആർ ശങ്കർ എന്നിവർ അയോഗ്യരായതോടെ വിമത എംഎൽഎമാർ ആശങ്കയിലാണ്. അയോഗ്യരായാൽ യെദ്യൂരപ്പ സർക്കാരിൽ ഭാഗമാവാനാകില്ല. എന്നാൽ വിമതർക്കെതിരെ നടപടികൾ വേഗത്തിലാവണമെന്ന നിലപാടിലാണ് ബിജെപി. രാജി സ്വീകരിച്ചാലും അയോഗ്യരാക്കിയാലും 105 അംഗങ്ങൾ ഉള്ള ബിജെപിക്ക് കേവല ഭൂരിപക്ഷത്തിൽ എത്താം.
 
ഇതിനിടയിലാണ് പാർട്ടി എംഎൽഎമാർക്കിടയിൽ രണ്ട് അഭിപ്രായം ഉണ്ടെന്ന് വ്യക്തമാക്കി പുതിയ രാഷ്ട്രീയ ചർച്ചകൾക്ക് തുടക്കമിട്ട് ജെഡിഎസ് നേതാവ് ജി ടി ദേവഗൗഡ രംഗത്തെത്തിയത്. പ്രതിപക്ഷത്തിരിക്കുക, അല്ലെങ്കിൽ, ബിജെപിയെ പിന്തുണക്കുക എന്നീ നിലപാടുകളിൽ ഏത് വേണം എന്ന് കുമാരസ്വാമി തീരുമാനിക്കുമെന്ന് ദേവഗൗഡ വ്യക്തമാക്കി. കോൺഗ്രസുമായി സഖ്യം തുടരുമെന്നാണ് ജെഡിഎസ് നേരത്തെ വ്യക്തമാക്കിയത്. എന്നാൽ രാഷ്ട്രീയത്തിൽ എന്തും സംഭവിക്കാം എന്നും കുമാരസ്വാമി പ്രതികരിച്ചിരുന്നു.
 
 
 
 
 
 
 

 
പേർഷ്യൻ ​ഗൾഫ് മേഖലയ്‌ക്ക് പിന്നാലെ തെക്കൻചൈന കടലിലും പ്രകോപനവുമായി അമേരിക്ക. ചൈനയുടെ മുന്നറിപ്പ് മുഖവിലയ്‌ക്ക് എടുക്കാതെ തായ്‌വാൻ കടലിടുക്കിലൂടെ അമേരിക്ക യുദ്ധക്കപ്പലോടിച്ചു. അതീവ​ഗൗരവത്തോടെയാണ് ഈ നീക്കത്തെ കാണുന്നതെന്ന് ചൈന പ്രതികരിച്ചു. തായ്‌വാനെ ആയുധമണിയിക്കാൻ നടത്തുന്ന ഏതു നീക്കവും ചൈനയ്ക്കുമേലുള്ള കടന്നാക്രമണമായി കാണുമെന്നും മേഖലയിൽ സൈന്യത്തെ ഇറക്കാനുള്ള സമ്മർദമായി അതുമാറുമെന്നും ചൈന നിലപാട് വ്യക്തമാക്കിയതിന് തൊട്ടുപിന്നാലെയാണ് തായ്‌വാൻ തീരത്തെ തൊട്ടുരുമ്മി അമേരിക്കയുടെ ഏഴാം കപ്പൽപ്പട കടന്നുപോയത്. 
 
|ചൈനീസ് മേഖലയ്‌ക്കും തായ്‌വാനും ഇടയിലുള്ള ചെറുകടലിടുക്കിലൂടെ ബുധൻ, വ്യാഴം ദിവസങ്ങളിലാണ് യുഎസ് പടക്കപ്പൽ അന്റിറ്റാം കടന്നുപോയത്. രാജ്യാന്തരനിയമം അനുവദിക്കുന്ന ഏതു മേഖലയിലും അമേരിക്കൻ കപ്പലുകൾ സഞ്ചരിക്കുമെന്ന് നാവിക കമാൻഡർ ക്ലേ ഡോസ് പ്രതികരിച്ചു.
സംഭവത്തിൽ അമേരിക്കയോട് കടുത്ത പ്രതിഷേധം രേഖപ്പെടുത്തിയെന്ന് ചൈനീസ് വിദേശകാര്യവക്താവ് ഹുവ ചുന്യാങ് അറിയിച്ചു. 
 
ചൈനയുടെ പരമാധികാരത്തെ വെല്ലുവിളിക്കുന്ന ഇത്തരം നടപടികൾ അമേരിക്ക-, ചൈന ബന്ധത്തെ നേരിട്ട് ബാധിക്കുമെന്നും തെക്ക്, കിഴക്കൻ ചൈന കടലിലെ സമാധാനത്തെ തുലയ്ക്കുമെന്നും അവർ പറഞ്ഞു. ഈ വർഷം ആദ്യം തായ്‌വാൻ തീരത്തേക്ക് എത്തിയ ഫ്രഞ്ച് പടക്കപ്പലിന് ചൈനീസ് സേന മുന്നറിയിപ്പ് നൽകിയിരുന്നു. മേയിൽ ഇതുവഴി അമേരിക്കൻ പടക്കപ്പൽ കടന്നുപോയപ്പോഴും ചൈന മുന്നറിയിപ്പ് നൽകി.കഴിഞ്ഞയാഴ്ച ചൈനീസ് റഷ്യൻ സേനകൾ സംയുക്തമായി ദക്ഷിണ കൊറിയ, ജപ്പാൻ തീരത്ത് നിരീക്ഷണപ്പറക്കൽ നടത്തിയതായി റിപ്പോർട്ട് ഉണ്ടായിരുന്നു.

 
 
ചൈനയുടെ മുന്‍പ്രധാനമന്ത്രി ലി പെങ് (91) അന്തരിച്ചു. ബിജിങ്ങിലെ ആശുപത്രിയില്‍ തിങ്കളാഴ്ച രാത്രിയായിരുന്നു അന്ത്യം. ചൈനയിലെ പരമോന്നത നിയമനിര്‍മാണസഭയായ നാഷണ്‍ പീപ്പിള്‍സ് കോണ്‍ഗ്രസ്(എന്‍പിസി) സ്റ്റാന്‍ഡിങ് കമ്മിറ്റിയുടെ മുന്‍ അധ്യക്ഷനായ അദ്ദേഹം, മൂന്നുവട്ടം ചൈനീസ് കമ്യൂണിസ്റ്റ് പാര്‍ടി (സിപിസി)പൊളിറ്റ് ബ്യൂറോ അംഗവുമായി. വിശ്വസ്തനായ കമ്യൂണിസ്റ്റ് പോരാളിയേയും തൊഴിലാളിവര്‍ഗ വിപ്ലവകാരിയേയുമാണ് നഷ്ടമായതെന്ന് ചൈനയുടെ ഔദ്യോഗിക വാര്‍ത്താ ഏജന്‍സിയായ സിന്‍ഹു റിപ്പോര്‍ട്ട് ചെയ്തു. 
 
കമ്യൂണിസ്റ്റ് വിപ്ലവകാരികളുടെ കുടുംബത്തില്‍ 1928ലായിരുന്നു ജനനം. കുമിതാങ് ഭരണകാലത്ത് അച്ഛന്‍ വധശിക്ഷയ‌്ക്കിരയായതോടെ അനാഥനായി. സിപിസി നേതാക്കളുടെ വാത്സല്യത്തണലിലായിരുന്നു ബാല്യകാലജീവിതം. സോവിയറ്റ് യൂണിയനില്‍നിന്ന‌് എന്‍ജിനിയറിങ് ബിരുദധാരിയായി. നിര്‍ണായക രാഷ്ട്രീയ പ്രതിന്ധി നേരിട്ട 1987 മുതല്‍ 1998വരെയുള്ള കാലയളവിലാണ് പ്രധാനമന്ത്രിയായി പ്രവര്‍ത്തിച്ചത്. 
 
 

 
ടാബോര്‍ അത്‌ലറ്റിക്‌സില്‍ 200 മീറ്ററില്‍ സുവര്‍ണ്ണ നേട്ടവുമായി ഹിമ ദാസ്. 23.25 സെക്കന്‍ഡിലാണ് ഹിമ ഫിനിഷിംഗ് പോയിന്റിലേക്ക് കുതിച്ചെത്തിയത്.  23.43 സെക്കന്റില്‍ ലക്ഷ്യം പൂര്‍ത്തിയാക്കിയ വി.കെ വിസ്മയ വെള്ളി നേടി.
 
15 ദിവസത്തിനിടെ ഹിമ നേടിയ നാലാമത്തെ അന്താരാഷ്ട്ര സ്വര്‍ണ്ണമാണിത്. പോളണ്ടില്‍ നിന്നും ആരംഭിച്ച ഹിമയുടെ സ്വര്‍ണ്ണവേട്ടയില്‍ ജൂലൈ 2 ന് നടന്ന മല്‍സരത്തില്‍ 200 മീറ്റര്‍ 23.65 സെക്കന്‍ഡില്‍ ഓടിയെത്തിയാണ് സ്വര്‍ണ്ണമണിഞ്ഞത്. ജൂലൈ 8 ന് പോളണ്ടിലെ തന്നെ കുട്‌നോ അത്‌ലറ്റിക്‌സിലും ഹിമ സുവര്‍ണ്ണ നേട്ടവുമായി അഭിമാനമായിരുന്നു.
Advertisement

Top Stories

Grid List

 
കൈപ്പമംഗലം എംഎല്‍എ ടൈസൻ മാസ്റ്റർ തൃശൂർ  ജില്ല കളക്ടർ, നോർക്ക റൂട്സ് മുന്‍കൈ എടുത്ത് നടത്തിയ നീക്കങ്ങളുടെ ഫലമായി അച്ഛന്റെ അന്ത്യായാത്രയ്ക്ക് ദുബായിൽ നിന്ന് സജീഷ് നാട്ടിലെത്തി. 
 
ജയിലിന് സമാനമായ സജീഷിന്റെ പ്രവാസ ജീവിതം കഴിഞ്ഞ ദിവസമാണ് വാർത്തയായത്. ദുബായില്‍ സൂപ്പര്‍മാര്‍ക്കറ്റില്‍ ജോലി ചെയ്തിരുന്ന സജീഷ് വിസ കാലാവധി അവസാനിച്ചതിനാലും പാസ്പോര്‍ട്ട് തൊഴിലുടമയുടെ കൈവശമായതിനാലും താമസസ്ഥലത്ത് നിന്ന് പുറത്തിറങ്ങാനാവാതെ കഴിയുകയായിരുന്നു. ഇദ്ദേഹത്തിന്റെ ഫോണ്‍ ബന്ധങ്ങളും വിച്ഛേദിക്കപ്പെട്ടിരുന്നു. ദുബായ് സര്‍ക്കാരില്‍ വൻതുക പിഴ അടച്ചശേഷം മാത്രം നാട്ടിലെത്താനാവുന്ന സ്ഥിതിയായിരുന്നു. 
 
തിങ്കളാഴ്ച്ച രാവിലെയാണ് സനീഷിന്റെ പിതാവ് സദാനന്ദന്‍ മരണപ്പെട്ടത്. വിവരം അറിഞ്ഞ ഇ ടി ടൈസണ്‍ മാസ്റ്റര്‍ എംഎല്‍എ നോര്‍ക്ക റൂട്‌സ് സിഇഒയെ വിവരം അറിയിച്ചു. ജില്ലാ കളക്ടര്‍ എസ് ഷാനവാസ് സജീഷിന്റെ സുഹൃത്തുക്കളായ പ്രയേഷ്, വിപിന്‍ എന്നിവരുമായി ബന്ധപ്പെട്ട് വിവരങ്ങള്‍ ശേഖരിച്ചു. തുടര്‍ന്ന് തൊഴിലുടമയായ ഗുജറാത്ത് സ്വദേശി ഭവേഷ് രവീന്ദ്ര ഗോയലുമായി സംസാരിക്കുകയും സജീഷിനെ നാട്ടിലെത്തിക്കാനുള്ള നടപടികളെടുക്കണമെന്ന് ആവശ്യപ്പെടുകയും ചെയ്തു. ഭവേഷ് രവീന്ദ്ര  സജീഷിന് നാട്ടിലെത്താനായി ടിക്കറ്റ് എടുത്തുനൽകി. 
 
സദാനന്ദന്റെ മൃതദേഹം സജീഷിന്റെ സാന്നിധ്യത്തില്‍ ഇന്ന്  വീട്ടുവളപ്പില്‍ സംസ്‌കരിക്കും.

 
സൗദിയിൽ വിദേശ എൻജിനിയർമാരുടെ എണ്ണം ഗണ്യമായി കുറയുന്നു. ആറു മാസത്തിനിടെ 18,749 എൻജിനിയർമാർക്ക് തൊഴിൽ നഷ്ടപ്പെട്ടു. കഴിഞ്ഞ വർഷാവസാനം രാജ്യത്ത് സൗദി കൗൺസിൽ ഓഫ് എൻജിനിയേഴ്സ് രജിസ്ട്രേഷനുള്ള 1,49,300 വിദേശ എൻജിനിയർമാരുണ്ടായിരുന്നു. വിദേശ എൻജിനിയർമാരുടെ എണ്ണം ഇപ്പോൾ 1,30,551 ആണ‌്.  വിദേശികളും സ്വദേശികളും അടക്കം കൗൺസിൽ രജിസ്ട്രേഷനുള്ള ആകെ എൻജിനിയർമാർ 1,68,098.
 
ഇക്കാലയളവിൽ സൗദിയിൽ 170 എൻജിനിയറിങ‌് ഓഫീസുകൾ പൂട്ടി. രാജ്യത്ത് ആകെ 2,688 എൻജിനിയറിങ‌് ഓഫീസുകളുണ്ട്. സൗദിവൽക്കരണവും കമ്പനികൾ നേരിടുന്ന സാമ്പത്തിക മാന്ദ്യവുമാണ് വിദേശ എൻജിനിയർമാർക്ക് ഭീഷണിയാകുന്നത്. പ്രവൃത്തിപരിചയം അഞ്ചു വർഷത്തിൽ താഴെയുള്ള വിദേശ എൻജിനിയർമാരുടെ റിക്രൂട്ട്മെന്റ് നിർത്തിവയ‌്ക്കാൻ തൊഴിൽ, സാമൂഹിക വികസന മന്ത്രാലയവും സൗദി കൗൺസിൽ ഓഫ് എൻജിനിയേഴ്സും ഈയിടെ കരാർ ഒപ്പുവച്ചിരുന്നു. പുതുതായി റിക്രൂട്ട് ചെയ്യുന്ന വിദേശ എൻജിനിയർമാർക്ക് സൗദി കൗൺസിൽ ഓഫ് എൻജിനിയേഴ്സ് വഴി പ്രൊഫഷനൽ ടെസ്റ്റും അഭിമുഖവും ഏർപ്പെടുത്തിയിട്ടുണ്ട്.
 
 
 

കൊളംബൊ: ഏകദിന ക്രിക്കറ്റ് ലോകകപ്പില്‍ ശ്രീലങ്കന്‍ ടീമിനെ ദിമുത് കരുണരത്നെ നയിക്കും. ഓപ്പണിങ് ബാറ്റ്സ്മാന്‍ ആയ കരുണരത്നയെ ക്യാപ്റ്റനയാക്കിയ ശ്രീലങ്കന്‍ ക്രിക്കറ്റ് ബോര്‍ഡിന്റെ തീരുമാനത്തെ രാജ്യത്തെ കായികവകുപ്പും അംഗീകരിച്ചു. ഇടങ്കൈയ്യന്‍ ഓപ്പണിങ് ബാറ്റ്സ്മാന്‍ ശ്രീലങ്കയെ നയിക്കാനെത്തുമ്പോള്‍ ദ്വീപ് രാഷ്ട്രത്തിന് പ്രതീക്ഷകളേറെയാണ്. ശ്രീലങ്കയ്ക്കുവേണ്ടി 17 ഏകദിന മത്സരങ്ങള്‍ കളിച്ച കരുണരത്നെ 190 റണ്‍സ് നേടിയിട്ടുണ്ട്. 2015 മാര്‍ച്ചിലാണ് അവസാനമായി ഒരു ഏകദിന മത്സരംകളിച്ചത്. സൗത്ത് ആഫ്രിക്കയില്‍ നടന്ന ടെസ്റ്റ് പരമ്പരയില്‍ ചരിത്രവിജയം നേടിയതോടെയാണ് കരുണരത്നെ മാധ്യമശ്രദ്ധ നേടുന്നത്. രണ്ട് ടെസ്റ്റുകളിലും ജയിച്ച ശ്രീലങ്ക സൗത്ത് ആഫ്രിക്കയില്‍ പരമ്പര സ്വന്തമാക്കുന്ന ആദ്യ ഏഷ്യന്‍ ടീം കൂടിയാണ്.

ശ്രീലങ്കയുടെ ലോകകപ്പ് ടീമിനെ ഇനിയും പ്രഖ്യാപിച്ചിട്ടില്ല. ജൂണ്‍ 1ന് ന്യൂസിലന്‍ഡിനെതിരെയാണ് ആദ്യ മത്സരം. സമീപകാലത്ത് ഏകദിന ക്രിക്കറ്റ് മത്സരത്തില്‍ മോശം പ്രകടനം നടത്തുന്ന ടീമുകളിലൊന്നാണ് ശ്രീലങ്ക. അതുകൊണ്ടുതന്നെ കരുണരത്നയെ ക്യാപ്റ്റനാക്കുന്നത് ദക്ഷിണാഫ്രിക്കയിലെ പ്രകടനമികവ് ടീമിന് പുറത്തെടുക്കാന്‍ കഴിയുമെന്ന പ്രതീക്ഷയില്‍കൂടിയാണ്.

സ്ഥിരതയാര്‍ന്ന പ്രകടനം നടത്തുന്ന ഇന്ത്യന്‍ ടെന്നീസ് താരം പ്രജ്നേഷ് ഗുണേശ്വരന്‍ പുരുഷ സിംഗിള്‍സ് റാങ്കിങ്ങില്‍ വന്‍ നേട്ടമുണ്ടാക്കി. കരിയറിലെ ഏറ്റവും മികച്ച റാങ്കായ 80-ലാണ് പ്രജ്നേഷ് എത്തിയിരിക്കുന്നത്. ഇക്കഴിഞ്ഞ ഫിബ്രുവരിയില്‍ 100-ാം റാങ്കിനുള്ളില്‍ കടന്നിരുന്ന പ്രജ്നേഷിന് സമീപകാലത്തെ വിജയങ്ങളാണ് റാങ്കിങ്ങില്‍ നേട്ടമുണ്ടാക്കിയത്. ഇന്ത്യന്‍ വെല്‍സ് ടൂര്‍ണമെന്റില്‍ പ്രജ്നേഷ് മൂന്നാം റൗണ്ടില്‍ കടന്നിരുന്നു. കൂടാതെ ബിഎന്‍പി പരിബാസ് ടൂര്‍ണമെന്റിലും മൂന്നാം റൗണ്ടിലെത്തി. 

മിയാമി ഓപ്പണില്‍ മത്സരിക്കാന്‍ അവസരവും തേടിയെത്തി. ഓസ്ട്രേലിയന്‍ ഓപ്പണ്‍ ടെന്നീസിലൂടെ തന്റെ ആദ്യ ഗ്രാന്‍ഡ്സ്ലാം അരങ്ങേറ്റം നടത്തിയതും ഈ വര്‍ഷം തന്നെ. ഗ്രാന്‍ഡ്സ്ലാം കളിക്കാനിറങ്ങിയ താരം ആദ്യ റൗണ്ടില്‍ പുറത്താവുകയും ചെയ്തു. എതിരാളിയായ അമേരിക്കന്‍ താരം ഫ്രാന്‍സിസ് തിയാഫോയിക്കെതിരെ മികച്ച കളി തന്നെയാണ് പ്രജ്‌നേഷ് പുറത്തെടുത്തത്. തിയാഫോയ് പിന്നീട് ടൂര്‍ണമെന്റില്‍ ഏറെ മുന്നേറുകയും ചെയ്തു.

Advertisement