മുംബൈ: പണമെടുക്കുവാനും ഇടാനുമുള്ള സംവിധാനങ്ങളില്‍ നിന്ന് എ.ടി.എമ്മുകള്‍ക്ക് സ്ഥാനക്കയറ്റം വരുന്നു. ഓട്ടോമേറ്റഡ് ടെല്ലര്‍ െമഷീനുകളില്‍ കൂടുതല്‍ സേവനങ്ങള്‍ നല്‍കാനുള്ള ആലോചനയിലാണ് ബാങ്കുകള്‍. പുതിയ എ.ടി.എമ്മുകള്‍ മുന്‍ വര്‍ഷങ്ങളിലേതിനെക്കാള്‍ കുറഞ്ഞ നിരക്കിലാണ് വര്‍ധിക്കുന്നത്.
ഈ സാഹചര്യത്തില്‍ ചെലവ് കുറയ്ക്കാനും കാര്യക്ഷമത ഉയര്‍ത്താനുമാണ് നീക്കം.ബില്ലടയ്ക്കല്‍, വായ്പ അപേക്ഷ, വായ്പ തിരിച്ചടയ്ക്കല്‍, കാര്‍ഡില്ലാതെ പണം പിന്‍വലിക്കല്‍,ചെക്ക് മാറല്‍, മൊബൈല്‍ റീച്ചാര്‍ജ്, ഡി.ടി.എച്ച്. ടോപ് അപ് തുടങ്ങിയ സേവനങ്ങള്‍ക്ക് എ.ടി.എമ്മുകളെ പര്യാപ്തമാക്കുകയായിരുന്നു. ഈ മാതൃകയാണ് ഇന്ത്യയിലും പിന്തുടരാന്‍ ഒരുങ്ങുന്നത്. കറന്‍സിരഹിത പണമിടപാട് വര്‍ധിച്ചതോടെ ആഗോളതലത്തില്‍ 2015നും 2020നും ഇടയില്‍ നാലുശതമാനം വര്‍ധന മാത്രമാണ് എ.ടി.എമ്മുകളുടെ എണ്ണത്തില്‍ പ്രതീക്ഷിക്കുന്നത്.
2011 നും 2015നും ഇടയില്‍ പണരഹിത ഇടപാടുകള്‍ 52 ശതമാനം വളര്‍ച്ചനേടിയപ്പോള്‍ എ.ടി.എമ്മില്‍ നിന്നുള്ള പണം പിന്‍വലിക്കലില്‍ 33 ശതമാനമാണ് വളര്‍ച്ച. ആധാര്‍ അധിഷ്ഠിത ബയോമെട്രിക് സംവിധാനവും എ.ടി.എമ്മുകളില്‍ ഉപയോഗപ്പെടുത്താന്‍ ഒരുങ്ങുകയാണ്. ഇതിലൂടെ ബാങ്കിങ് സേവനങ്ങള്‍ കൂടുതല്‍ വേഗത്തിലും ഫലപ്രദമായും നടപ്പാക്കാനാകും.