പട്ടിണിയാണ്, എനിക്ക് നാട്ടിലേക്ക് തിരിച്ചുവരണം ; ഐ എസിൽ ചേർന്ന മലയാളി കാസറഗോഡ് എലമ്പാച്ചി സ്വദേശി ഫിറോസ് ഖാൻ ബന്ധുക്കളോട് ആവശ്യമുന്നയിച്ചു

Share:

Share on facebook
Share on twitter
Share on linkedin

 
 
 
ഐ എസിൽ ചേർന്ന മലയാളി
കഴിക്കാന്‍ ഭക്ഷണമോ കുടിക്കാൻ വെള്ളമോ ഇല്ലാതെ കടുത്ത ദുരിതത്തിലാണ് എന്നും മടങ്ങിവരാന്‍ ആഗ്രഹിക്കുന്നതായും സിറിയയില്‍ ഇസ്ലാമിക് സ്‌റ്റേറ്റില്‍ ചേര്‍ന്ന മലയാളിയായ കാസറഗോഡ് എലമ്പാച്ചി സ്വദേശി ഫിറോസ് ഖാൻ. ഫോണിലൂടെയാണ് ഇയ്യാൾ കുടുംബാംഗങ്ങളെ ഇക്കാര്യം അറിയിച്ചത്.
 
 
2016 ജൂണിലാണ് ഫിറോസ് ഖാൻ ഐഎസില്‍ ചേരാനായി അഫ്ഗാനിസ്താനിലേയ്ക്ക് പോയത്. അവിടെന്നു സിറിയയിലേയ്ക്ക് കടക്കുകയായിരുന്നു. സിറിയയിൽ വെച്ച് ഒരു മലേഷ്യക്കാരിയെ കൊണ്ട് ഐഎസ് നേതാക്കള്‍ വിവാഹം തന്നെ കഴിപ്പിച്ചതായും, എന്നാല്‍ ഈ യുവതി തന്നെ ഉപേക്ഷിച്ച് പോയതായും ഫിറോസ് കഴിഞ്ഞ മാസം മാതാവ് ഹബീബയെ വിളിച്ച് പറയുകയായിരുന്നു. കൂടാതെ ഫിറോസ് മടങ്ങിവരാനുള്ള ആഗ്രഹം പ്രകടിപ്പിച്ചതായും ഇവരുടെ അടുത്ത ബന്ധുവിനെ ഉദ്ധരിച്ച് ഇന്ത്യന്‍ എക്‌സ്പ്രസ് റിപ്പോർട്ട് ചെയ്യുന്നു. ഫിറോസ് വീട്ടുകാരുമായി നടത്തിയ ഫോണ്‍ സംഭാഷണങ്ങള്‍ സുരക്ഷാ ഏജന്‍സികളും സ്ഥിരീകരിച്ചിട്ടുണ്ട്. ഇപ്പോൾ മടങ്ങി വരണം എന്ന് ആഗ്രഹം പ്രകടിപ്പിച്ച ഫിറോസ് മുൻപ് ബന്ധുക്കളേയും സുഹൃത്തുക്കളേയും ഐഎസില്‍ ചേരാന്‍ പ്രേരിപ്പിച്ച ആൾ ആയിരുന്നു എന്നാണു സുരക്ഷാ ഏജൻസികൾ പറയുന്നത്.
 
ഫിറോസിനൊപ്പം ഒരു ഡസനോളം യുവാക്കളെ 2016ല്‍ ഐഎസ് ഭീകരപ്രവര്‍ത്തകര്‍ കാസറഗോഡ് ജില്ലയില്‍ നിന്ന് റിക്രൂട്ട് ചെയ്തിട്ടുള്ളതായി സുരക്ഷാസംഘടനകള്‍ പറയുന്നു. കണ്ണൂര്‍ ജില്ലയില്‍ നിന്നും നിരവധി യുവാക്കള്‍ ഐഎസില്‍ ചേരാന്‍ സിറിയയില്‍ പോയിട്ടുണ്ട്. കഴിഞ്ഞ വര്‍ഷം കണ്ണൂര്‍ കൂടാലി സ്വദേശിയായ ഷാജഹാന്‍ (32) എന്ന യുവാവിനെ സിറിയയിലേയ്ക്ക് കടക്കാന്‍ ശ്രമിക്കവേ തുര്‍ക്കി അധികൃതര്‍ പിടികൂടി ഇന്ത്യയിലേയ്ക്ക് അയച്ചിരുന്നു. കണ്ണൂര്‍ ജില്ലയില്‍ നിന്ന് സ്ത്രീകളടക്കം 35 പേര്‍ ഐഎസില്‍ ചേരാന്‍ സിറിയയിലേയ്ക്ക് കടന്നതായാണ് അന്വേഷണ ഏജന്‍സികള്‍ക്ക് ലഭിച്ചിരിക്കുന്ന വിവരം. ഇതില്‍ ഭൂരിഭാഗവും സിറിയയില്‍ ഏറ്റുമുട്ടലില്‍ കൊല്ലപ്പെട്ടതായും ഉദ്യോഗസ്ഥരെ ഉദ്ധരിച്ച് ദ ഇന്ത്യന്‍ എക്‌സ്പ്രസ് റിപ്പോര്‍ട്ട് ചെയ്യുന്നു.

 
 

 

 

 
 
 
 
 

More Posts

കോവിഡ് ചികിത്സ : സ്വകാര്യ ആശുപത്രികളിലെ കഴുത്തപ്പൻ ബില്ലുകൾക്കെതിരെ സുപ്രീം കോടതി

കൊവിഡ് 19 രോഗികളെ ചികിത്സിക്കുന്ന വിഷയത്തില്‍ സ്വകാര്യ ആശുപത്രികള്‍ക്ക് നിര്‍ദേശം നല്‍കി സുപ്രീം കോടതി. ഹോസ്പിറ്റല്‍ നിര്‍മ്മാണത്തിനായി സൌജന്യമായി ഭൂമി ലഭിച്ച സ്വകാര്യ ആശുപത്രികള്‍ക്ക് എന്ത് കൊണ്ടാണ് കൊവിഡ് 19 രോഗികളെ സൌജന്യമായി ചികിത്സിക്കാന്‍

ലോക് ഡൗണിൽ കുടുങ്ങി നട്ടം തിരിയുന്ന രക്ഷിതാക്കൾക്ക് ഇരുട്ടടി നൽകി അൺ എയിഡഡ് സ്കൂളുകളും കേന്ദ്രീയ വിദ്യാലയങ്ങളും : സ്കൂൾ തുറക്കില്ലെങ്കിലും മുഴുവൻ ഫീസുകൾ അടയ്ക്കാൻ ആവശ്യപ്പെട്ട് മാനേജ്മെന്റുകൾ

ലോക്ഡൗണിൽ പെട്ട് നട്ടം തിരിയുന്ന മാതാപിതാക്കൾക്ക് ഇരുട്ടടിയായി സ്വകാര്യ സ്കൂൾ മാനേജ്മെന്റുകൾ ഫീസ് പിരിവ് തുടങ്ങി. കൊവിഡ് നിയന്ത്രണങ്ങളെ തുടർന്ന് സ്കൂളുകൾ തുറക്കില്ലെങ്കിലും മുഴുവൻ ഫീസും അടയ്ക്കണമെന്നാണ് സ്കൂളുകൾ ആവശ്യപ്പെടുന്നത്. എന്നാൽ സ്കൂളുകൾ തുറക്കാതെ

പ്രേമചന്ദ്രാ… രാഷ്ട്രീയ മാന്യത എന്നൊരു സാധനമുണ്ട് ; അത് ചന്തയിൽ വാങ്ങാൻ കിട്ടില്ല, സ്വയമുണ്ടായി വരണം: 24 ചാനൽ ചർച്ചയിൽ NK പ്രേമചന്ദ്രൻ എംപി നടത്തിയ നുണ പ്രസ്താവനയെ കുറിച്ച് – RJ സലിം

ആറു വർഷം മുൻപ് സ്വന്തം രാഷ്ട്രീയ നിലവാരം കാണിച്ചുകൊണ്ട് രായ്ക്കുരാമാനം ഇടതുപക്ഷത്തു നിന്ന് യൂഡിഎഫിലേക്ക് പോയ ആളാണ് പ്രേമചന്ദ്രൻ. അദ്ദേഹം കൊല്ലംകാർക്ക് പ്രിയങ്കരനാണ്, ഭേദപ്പെട്ട പാർലമെന്റേറിയനാണ് എന്നതൊക്കെ അംഗീകരിക്കുമ്പോഴും രാഷ്ട്രീയ മാന്യത എന്നൊരു സാധനമുണ്ട്.

പിപിഇ കിറ്റ് വാങ്ങാനുള്ള കരാർ ഉറപ്പിക്കാൻ കൈക്കൂലി ; ഹിമാചൽ പ്രദേശ് ബിജെപി അധ്യക്ഷൻ രാജീവ് ബിൻഡാൽ രാജിവച്ചു

പിപിഇ കിറ്റ്‌ വിതരണത്തിലെ കോഴവിവാദത്തിൽ കുടുങ്ങിയ ബിജെപി ഹിമാചൽപ്രദേശ്‌ സംസ്ഥാന അധ്യക്ഷൻ രാജീവ്‌ ബിൻഡാൽ രാജിവച്ചു. അഞ്ചു ലക്ഷം രൂപ കോഴ ചോദിക്കുന്ന ശബ്ദരേഖകൾ പുറത്തുവന്നതിനെ തുടർന്ന്‌ സംസ്ഥാന ആരോഗ്യസേവന ഡയറക്ടർ അജയ്‌ കുമാർ

Send Us A Message