‘വയറെരിയുന്നവരുടെ മിഴി നിറയാതിരിക്കാന്‍ ‘ DYFI സംസ്ഥാന വ്യാപകമായി ജില്ലാ ആശുപത്രികളിലും മെഡിക്കല്‍ കോളേജുകളിലും മാസങ്ങളായി പൊതിച്ചോര്‍ നല്‍കുന്ന പദ്ധതിക്കെതിരെ കൊല്ലത്ത് യുഡിഎഫ് പരാതി നല്‍കി

Share:

Share on facebook
Share on twitter
Share on linkedin



DYFI കൊല്ലം ജില്ലാ സെക്രട്ടറി എസ്.ആര്‍ അരുണ്‍ ബാബു എഴുതുന്നു

……………………………………
കൊല്ലത്തെ എല്‍ ഡി എഫ് സ്ഥാനാര്‍ഥിക്കെതിരെ യു ഡി എഫിന്റെ പരാതി എന്ന രീതിയില്‍ ഒരു വാര്‍ത്ത ചാനലുകളില്‍ കണ്ടു. 
കെ എന്‍ ബാലഗോപാലിന്റെ ചിത്രം പതിച്ച ടീഷര്‍ട്ട് ഇട്ടവര്‍ വോട്ടര്‍മാര്‍ക്ക് പാരിതോഷികം കൊടുക്കുന്ന ദൃശ്യങ്ങളും ഒപ്പമുണ്ട്. സൂക്ഷിച്ചു നോക്കിയപ്പോഴാണ് സംഗതി മനസിലാക്കിയത്. കൊല്ലം ജില്ലാ ആശുപത്രിയില്‍ കഴിഞ്ഞ രണ്ടു വര്‍ഷമായി ഹൃദയസ്പര്‍ശം എന്ന പേരില്‍ DYFI വിജയകരമായി നടത്തിക്കൊണ്ടു വരുന്ന പൊതിച്ചോര്‍ വിതരണ പദ്ധതിയെയാണ് പാരിതോഷിക വിതരണമാക്കി യുഡിഎഫ് അവതരിപ്പിക്കുന്നത്. 

അതെ. ഇത് പാരിതോഷികം തന്നെയാണ്. കൊല്ലത്തെ സ്‌നേഹനിധികളായ അമ്മമാരുടെ പാരിതോഷികം. അവര്‍ 
വീടുകളില്‍ നിന്ന് ശേഖരിക്കുന്ന പൊതിച്ചോറുകള്‍ വിശക്കുന്ന മനുഷ്യര്‍ക്ക് വിതരണം ചെയ്യുന്ന ഈ പരിപാടിക്ക് കഴിഞ്ഞ എഴുനൂറ് ദിവസങ്ങളില്‍ ഒരിക്കല്‍പ്പോലും മുടക്കം നേരിട്ടിട്ടില്ല. ഇരുപത്തഞ്ചു ലക്ഷം ചോറു പൊതികളാണ് DYFI കൊല്ലത്തു മാത്രം ഇതുവരെ വിതരണം ചെയ്തിട്ടുള്ളത്. തെരഞ്ഞെടുപ്പു തിരക്കിനിടയിലും തങ്ങളെ കാത്തിരിക്കുന്ന നാലായിരം വയറുകളെ DYFI ഇതുവരെ നിരാശപ്പെടുത്തിയിട്ടില്ല. 

ഇത് തെരഞ്ഞെടുപ്പ് പ്രമാണിച്ച് തുടങ്ങിയ ഭക്ഷണ വിതരണം അല്ല. മറിച്ച് അപരനോട് കൊല്ലത്തെ യുവത്വം കാട്ടുന്ന കടപ്പാടാണ്. 

നിന്ദ്യമായ വര്‍ഗീയ പ്രചാരണം നടത്തിയതിന്റെ പേരില്‍ കൊല്ലത്തെ യു ഡി എഫ് സ്ഥാനാര്‍ത്ഥിയ്‌ക്കെതിരെ അതീവ ഗുരുതരമായ തെരഞ്ഞെടുപ്പ് കേസ് ഉണ്ടായ സാഹചര്യത്തില്‍, പകരം എന്തെങ്കിലും പറഞ്ഞു കളയാം എന്ന നിലയിലേക്ക് യു ഡി എഫ് തരം താഴുന്നത് അങ്ങേയറ്റം പരിഹാസ്യമാണ്. പരാജയ ഭീതി മൂലം നിലതെറ്റി നില്‍ക്കുകയാണ് കൊല്ലത്തെ യു ഡി എഫ് സ്ഥാനാര്‍ത്ഥിയും കൂട്ടരും എന്ന പ്രചാരണം ശരിയെന്നു തെളിയുകയാണ്. ജനങ്ങളുടെ ഭാഗത്തു നിന്നുള്ള തിരസ്‌കാരവും ശുഷ്‌കമായ സ്വീകരണ യോഗങ്ങളും അവരെ വിറളി പിടിപ്പിക്കുന്നു. 

DYFI നല്‍കുന്ന പൊതിച്ചോറുകളെ വരെ എതിര്‍ക്കുന്ന നിലയിലേക്ക് അവര്‍ തരം താണതില്‍ അത്ഭുതം ഇല്ല. ഇതെല്ലാം ഞങ്ങള്‍ പ്രതീക്ഷിച്ചതാണ്.

More Posts

ലക്ഷ്യം കാണാതെ റീബിൽഡ്‌ കേരള ; താളം തെറ്റിയ റവന്യൂ വകുപ്പിൽ റീബിൽഡ് കേരള നടത്തിപ്പ് ഇനിയെങ്കിലും മുഖ്യ മന്ത്രി ഏറ്റെടുക്കുമോ ?

മഹാപ്രളയം കഴിഞ്ഞ് രണ്ടു വര്‍ഷമാകുമ്പോഴും നവകേരള നിര്‍മാണത്തിനായി സര്‍ക്കാര്‍ രൂപീകരിച്ച റീബില്‍ഡ് കേരള ഇനീഷ്യനേറ്റീവ് ലക്ഷ്യം കണ്ടില്ല . പ്രകൃതി സൗഹൃദ നിര്‍മാണവും ഇതിനായുളള നിയമ ഭേധഗതികളുമായിരുന്നു റീബില്‍ഡ് കേരളയുടെ പ്രധാന നിര്‍ദ്ദേശങ്ങളെങ്കിലും ഇവയിലൊന്നുപോലും

ഇനിയും ബോധം വെയ്ക്കാത്ത സംഘി ഭരണകർത്താക്കൾ : കോവിഡ് ചികിത്സയും പ്രതിരോധവും താറുമാറായ ഗുജറാത്തിൽ ചാണകവും ഗോമൂതവും ഉപയോഗിച്ചുള്ള ചികിത്സ നടത്താൻ ഗുജറാത്ത് സർക്കാർ

പ്രതീക്ഷ തെറ്റിച്ചില്ല …, പശുവിന്റെ ചാണകവും, മൂത്രവും ഉപയോഗിച്ച് ആദ്യ കൊറോണ വാക്സിൻ ഇന്ത്യ മനുഷ്യരിൽ പരീക്ഷിക്കും ; പരീക്ഷണം ഗുജറാത്തിൽ കൊറോണയ്ക്കെതിരെയുള്ള ഇന്ത്യയുടെ ആദ്യ വാക്സിൻ മനുഷ്യരിൽ പരീക്ഷിക്കും പശുവിന്റെ ചാണകം, മൂത്രം

പ്രവാസികളുടെ ക്വാറന്റൈൻ സ്വന്തം ചെലവിൽ വേണമെന്നത്‌ കേന്ദ്രനിർദേശം; വിദേശത്ത് നിന്ന് യാത്രയ്ക്ക് അനുമതി ലഭിക്കുന്നത് നിർദ്ദേശം അംഗീകരിച്ചശേഷം മാത്രം

വിദേശത്തുനിന്ന്‌ എത്തുന്നവർ ഒരാഴ്ചത്തെ സ്ഥാപന ക്വാറന്റൈൻ സ്വന്തം ചെലവിൽ വഹിക്കണമെന്നത് നിർബന്ധമാക്കിയത് കേന്ദ്രസർക്കാർ. വിദേശത്തുനിന്ന്‌ എത്തുന്ന ഇന്ത്യക്കാർക്കായി മാർച്ച് 24ന് കേന്ദ്ര ആരോഗ്യമന്ത്രാലയം പുറപ്പെടുവിച്ച മാർഗനിർദേശത്തിലാണ് ഇക്കാര്യമുള്ളത്. ഗർഭിണികൾ, പത്തു വയസ്സിൽ താഴെയുള്ള കുട്ടികൾ,

കോവിഡ് ചികിത്സ : സ്വകാര്യ ആശുപത്രികളിലെ കഴുത്തപ്പൻ ബില്ലുകൾക്കെതിരെ സുപ്രീം കോടതി

കൊവിഡ് 19 രോഗികളെ ചികിത്സിക്കുന്ന വിഷയത്തില്‍ സ്വകാര്യ ആശുപത്രികള്‍ക്ക് നിര്‍ദേശം നല്‍കി സുപ്രീം കോടതി. ഹോസ്പിറ്റല്‍ നിര്‍മ്മാണത്തിനായി സൌജന്യമായി ഭൂമി ലഭിച്ച സ്വകാര്യ ആശുപത്രികള്‍ക്ക് എന്ത് കൊണ്ടാണ് കൊവിഡ് 19 രോഗികളെ സൌജന്യമായി ചികിത്സിക്കാന്‍

Send Us A Message