വളയം പഞ്ചായത്തിലെ മുസ്ലിം ലീഗ് ശക്തികേന്ദ്രമായ ചെറുമോത്ത് പള്ളിമുക്കില്‍ നിര്‍മ്മാണത്തിലിരിക്കുന്ന വീട്ടിനുള്ളില്‍ നിന്നും ബോംബുകളും സ്ഫോടക വസ്തു ശേഖരവും കണ്ടെത്തി. 

രണ്ട് സ്റ്റീല്‍ ബോംബുകളും തിരിയുള്ള 20 നാടന്‍ ബോംബുകളും 400 ഗ്രാം വെടിമരുന്നുമാണ് വളയം പൊലീസ് കണ്ടെടുത്തത്. മാങ്ങാരത്ത് ഫൈസലിന്റ നിര്‍മ്മാണത്തിലിരിക്കുന്ന വീടിനകത്ത് ഒളിപ്പിച്ചുവെച്ച നിലയിലായിരുന്നു ബോംബുകള്‍.

വീടിന്റെ നിര്‍മ്മാണത്തിന് എത്തിയ തൊഴിലാളികളാണ് ചാക്കില്‍ കെട്ടിവെച്ച നിലയില്‍ സ്ഫോടക ശേഖരം കണ്ടത്. ഇവര്‍ വിവരമറിയിച്ചതോടെ വളയം പൊലീസ് സ്ഥലത്തെത്തി വീടിന് കാവല്‍ ഏര്‍പ്പെടുത്തി.ബോംബ് സ്‌ക്വാഡിന്റെ 
സഹായത്തോടെ ബോംബ് ശേഖരം കസ്റ്റടിയിലെടുത്തു.

തുടര്‍ന്ന് നടത്തിയ പരിശോധനയിലാണ് വീടിന്റെ മുന്‍വശത്തെ ഓവ് ചാലിനോട് ചേര്‍ന്ന് പ്ളാസ്റ്റിക് പാത്രത്തില്‍ സൂക്ഷിച്ച 400 ഗ്രാം വെടിമരുന്നും വീട്ടുപറമ്പില്‍ രണ്ട് സ്റ്റീല്‍ ബോംബുകള്‍ സൂക്ഷിച്ചതും പിടികൂടിയത് . 

വെള്ളിഴാഴ്ച ഒ പി മുക്കിലെ സി പി ഐ എം അനുഭാവി ഓണപറമ്പത്ത് കണാരന്റെ വീടിനു നേരെ എറിഞ്ഞതിന് സമാനമായ രണ്ട് സ്റ്റീല്‍ ബോംബുകളും തിരിയുള്ള നാടന്‍ ബോംബുകളുമാണ് കണ്ടെത്തിയത്.നാദാപുരം ഡി വൈ എസ് പി പ്രിന്‍സ് എബ്രഹാമിന്റെ പരിശോധനക്ക് ശേഷം ബോംബ് സ്‌ക്വാഡ് സ്ഫോടക വസ്തുക്കള്‍ നിര്‍വ്വീര്യമാക്കി.

ജില്ലാ പൊലീസ് മേധാവി യു അബ്ദുള്‍ കരീമിന്റെ നിര്‍ദ്ദേശ പ്രകാരം വന്‍ പൊലീസ് സന്നാഹം ഡോഗ് സ്‌ക്വാഡിന്റെയും ബോംബ് സ്‌കാഡിന്റെയും സഹായത്തോടെ രാവിലെ പതിനൊന്നരയോടെ പ്രദേശത്ത് ആയുധങ്ങള്‍ക്കായി തിരച്ചില്‍ നടത്തി. ഡി വൈ എസ് പി പ്രിന്‍സ് എബ്രഹാം, സി ഐ രാജീവന്‍ വലിയവളപ്പില്‍, എസ്ഐ രാംജിത്ത്, ബോംബ് സ്‌ക്വാഡ് എ എസ് ഐ നാണു, കെ മൊയ്തു എന്‍ ,കെ ധനേഷ്, ദില്‍ജിത്, എന്‍ കെ നവാസ്, ഡോഗ് സ്‌ക്വാഡിലെ കെ കെ ജയേഷ്, പി ടി പ്രതീഷ് തുടങ്ങിയവര്‍ നേതൃത്വം നല്‍കി.

യാഥാര്‍ത്ഥ്യബോധത്തോടെ മുഖ്യമന്ത്രി തെരഞ്ഞെടുപ്പിനെ വിലയിരുത്തണമെന്ന് കെപിസിസി അധ്യക്ഷന്‍ മുല്ലപ്പള്ളി രാമചന്ദ്രന്‍. ശബരിമലയെ യുഡിഎഫ് രാഷട്രീയ ആയുധമാക്കിയില്ല, എന്നാല്‍ ശബരിമലയുടെ ആനുകൂല്യം യുഡിഎഫിന് കിട്ടിയെന്നും മുല്ലപ്പള്ളി പറഞ്ഞു.

ശൈലി മാറ്റില്ലെന്ന മുഖ്യമന്ത്രിയുടെ നിലപാട് ജനങ്ങളെ കൊഞ്ഞനം കാട്ടുന്നതാണ്. അഹന്തയ്ക്ക് അന്താരാഷ്ട്ര പുരസ്‌കാരമുണ്ടെങ്കില്‍ അത് പിണറായി വിജയന് നല്‍കണം. മാറി നില്‍ക്ക്... എന്ന് കേരളത്തിലെ ജനങ്ങളാണ് ഇപ്പോള്‍ പിണറായിയോട് പറയുന്നത്. ഇന്ന് വൈകുന്നേരം തന്നെ ഗവര്‍ണറെ കണ്ട് മുഖ്യമന്ത്രി രാജിക്കത്ത് നല്‍കണമെന്നും മുല്ലപ്പള്ളി ആവശ്യപ്പെട്ടു. മതേതര ജനാധിപത്യത്തിന്റെ അന്തകനാണ് പിണറായി.

പത്തനംതിട്ടയില്‍ ബിജെപി കാണിച്ച രാഷ്ട്രീയം ചര്‍ച്ച ചെയ്യണം. എങ്ങിനെ മൂന്നാം സ്ഥാനത്തായെന്ന് ബിജെപി നേതൃത്വം മറുപടി പറയണമെന്നും മുല്ലപ്പള്ളി പറഞ്ഞു. ഹിന്ദു ധ്രുവീകരണ രാഷ്ട്രീയത്തിന്റെ ഭാഗമായേ കുമ്മനത്തെ കണ്ടിട്ടുള്ളൂവെന്ന നിലപാടില്‍ മാറ്റമില്ല.രാഹുല്‍ ഗാന്ധി രാജി വയ്ക്കുന്ന പ്രശ്‌നമില്ല. കോണ്‍ഗ്രസില്‍ യാതൊരു പ്രതിസന്ധിയുമില്ലെന്നും മുല്ലപ്പള്ളി വ്യക്തമാക്കി. 

കേരളത്തിലെ 19 സീറ്റില്‍ ജയിച്ചിട്ടും ആലപ്പുഴയില്‍ മാത്രം തോറ്റ കാര്യം പാര്‍ട്ടി പ്രത്യേകം പരിശോധിക്കുമെന്ന് മുല്ലപ്പള്ളി പറഞ്ഞു. ആലപ്പുഴ തോല്‍വിയെ കുറിച്ച് അന്വേഷിക്കും.പാര്‍ട്ടിയുമായി ബന്ധമുള്ള ആര്‍ക്കെങ്കിലും പങ്കുണ്ടെന്ന് തെളിഞ്ഞാല്‍ പിന്നെ അവര്‍ പാര്‍ട്ടിയിലുണ്ടാകില്ല.ഷാനിമോള്‍ ജയിക്കേണ്ട സ്ഥാനാര്‍ത്ഥിയായിരുന്നെന്നും മുല്ലപ്പള്ളി പറഞ്ഞു



More Articles ...

Advertisement
Advertisement