അറിവിനെ ആയുധമാക്കി മുന്നേറണ്ടവരാണ് കുട്ടികളെന്ന് സഹകരണ ദേവസ്വം വകുപ്പ് മന്ത്രി കടകംപള്ളി സുരേന്ദ്രന്‍.ജില്ലാ ശിശുക്ഷേമ സമിതിയുടെ ചങ്ങാതി സഹവാസ ക്യാമ്പ് ഉദ്ഘാടനം ചെയ്ത സംസാരിക്കുകയായിരുന്നു അദ്ദേഹം. അറിവ് സമ്പത്താണ്, അത് എല്ലാക്കാലവും നിശ്ചയമായും സൌജന്യവും സ്വതന്ത്രവുമായിരിക്കണം. അത് സമ്പാദിക്കുകയും എല്ലാവര്‍ക്കുമായി എത്തിക്കുകയും വേണമെന്നും മന്ത്രി കൂട്ടിചേര്‍ത്തു. പാറശ്ശാല ഗ്രാമ പഞ്ചായത്ത് പ്രസിഡന്റ് സുരേഷ് അദ്ധ്യക്ഷനായിരുന്നു. ജില്ലാ പഞ്ചായത്ത് പ്രസിഡന്റ് വി.കെ.മധു മുഖ്യാതിഥിയായിരുന്നു.ബ്ലോക്ക് പഞ്ചായത്ത് പ്രസിഡന്റ് വി.ആര്‍.സലൂജ പൂവാര്‍ ഗ്രാമപഞ്ചായത്ത് പ്രസിഡന്റ് അജിതകുമാരി ബ്ലോക്ക് പഞ്ചായത്ത് അംഗം വൈ.സതീഷ് സമിതി ജില്ലാ സെക്രട്ടറി മടത്തറ സുഗതന്‍, മേഘവര്‍ണ്ണന്‍ എന്നിവര്‍ സംസാരിച്ചു. ജില്ലാ പഞ്ചായത്തംഗം എസ്.കെ.ബെന്‍ഡാര്‍വിന്‍ സ്വാഗതവും സമിതി ജില്ലാ ട്രഷറര്‍ ജി.എല്‍.അരുണ്‍ ഗോപി നന്ദിയും പറഞ്ഞു.

വ്യക്തിത്വ വികസനം ഭാവി ജീവിതം എന്ന വിഷയത്തില്‍ ഡോ: അജയകുമാറും നാടന്‍ പാട്ടുകളില്‍ പുലിയൂര്‍ ജയകുമാറും സംഘവും കുട്ടികളുടെ അവകാശങ്ങളില്‍ ജിഷ, ആന്‍സന്‍ എന്നിവരും ഗണിതം മധുരം ഉണ്ണികുട്ടനും നക്ഷത്ര ജാലകം എന്ന വിഷയത്തില്‍ സെബാസ്റ്റ്യനും ക്ലാസ്സുകള്‍ എടുത്തു. ക്യാമ്പ് ഇന്നും തുടരും പ്രമുഖ വ്യക്തിത്വങ്ങളുമായി സംവാദം, ചരിത്ര യാത്ര, കാര്‍ഷിക യാത്ര, തുടങ്ങീയവയും ക്യാമ്പിന്റെ ഭാഗമായി ഉണ്ടാവും

തിരുവനന്തപുരത്ത് ബിജെപി സ്ഥാനാര്‍ഥിയായി ആര്‍എസ്എസ് കൊണ്ടുവന്ന കുമ്മനം രാജശേഖരനെ തോല്‍പിക്കാന്‍ ബിജെപിയിലെ ഒരുവിഭാഗം കോണ്‍ഗ്രസിന് വോട്ടുമറിച്ചെന്ന ആരോപണം ആര്‍എസ്എസ് ആഭ്യന്തര സമിതി അന്വേഷിച്ച് കേന്ദ്രത്തിനു റിപ്പോര്‍ട്ട് നല്‍കി. ജയിച്ച് കുമ്മനം മന്ത്രിയായാല്‍ മറ്റു ചിലരുടെ കേന്ദ്ര മന്ത്രിമോഹം പൊലിയുമെന്നുകണ്ട് ചിലയിടത്ത് ആജ്ഞാനുവര്‍ത്തികളെ ഉപയോഗിച്ച് വോട്ടുമറിക്കാനുള്ള ശ്രമം ഒരുവിഭാഗം നടത്തിയെന്നാണ് റിപ്പോര്‍ട്ട്. കുമ്മനത്തെ തിരുവനന്തപുരത്ത് മത്സരിപ്പിക്കാതിരിക്കാനും ശ്രമം നടന്നു.

സംസ്ഥാന പ്രസിഡന്റ് തിരുവനന്തപുരം സീറ്റില്‍ കണ്ണുവച്ചതും അത് നടക്കാതെ വന്നപ്പോള്‍ പത്തനംതിട്ട ആവശ്യപ്പെടുകയായിരുന്നു. ഇരു സീറ്റും നിഷേധിക്കപ്പെട്ടതോടെ പി എസ് ശ്രീധരന്‍പിള്ളയും കൂട്ടരും മെല്ലെപ്പോക്ക് സമീപനം സ്വീകരിച്ചതായും ആര്‍എസ്എസ് വിലയിരുത്തിയിട്ടുണ്ട്. അതിനിടെ, തനിക്കു ലഭിച്ചത് വ്യക്തിപരമായ വോട്ടാണെന്നും കുമ്മനത്തിന് അത് കിട്ടില്ലെന്നുമുള്ള ഒ രാജഗോപാലിന്റെ പ്രസ്താവനയുംകൂടി വന്നതോടെ തലസ്ഥാനത്ത് എന്തെക്കെയോ നടന്നിട്ടുണ്ടെന്ന് ആര്‍എസ്എസ് ഉറപ്പിച്ചുകഴിഞ്ഞു. 

ഇതോടെ തെരഞ്ഞെടുപ്പുഫലം സംബന്ധിച്ച ആദ്യഘട്ട അവലോകന യോഗംപോലും ചേരാനാകാത്ത പ്രതിസന്ധിയിലാണ് സംസ്ഥാന നേതൃത്വം. കുമ്മനത്തിന്റെ തോല്‍വിയുടെ പേരില്‍ ആര്‍എസ്എസ് വാളൂരിയതോടെ ബിജെപി സംസ്ഥാന നേതൃത്വത്തിലും ഭിന്നിപ്പ് രൂക്ഷമായി. തോല്‍വിയുടെ കാരണങ്ങളായി മുരളീധരപക്ഷം ചൂണ്ടിക്കാട്ടുന്നത് സംഘടനാ ദൗര്‍ബല്യവും സംസ്ഥാന അധ്യക്ഷന്റെ തെറ്റായ തീരുമാനങ്ങളുമാണ്. അതേസമയം, തനിക്കെതിരെയുള്ള ആരോപണങ്ങളെ തന്ത്രപരമായി നേരിടാനുള്ള തയ്യാറെടുപ്പിലാണ് ശ്രീധരന്‍പിള്ള. കുമ്മനം തോറ്റതോടെ പ്രധാന ബിജെപി നേതാക്കള്‍ തമ്മില്‍ ഫോണില്‍ പോലും ആശയവിനിമയം നടന്നിട്ടില്ലെന്നാണ് സൂചന. വോട്ടെണ്ണല്‍ ദിവസം തലസ്ഥാനത്തുണ്ടായിരുന്ന ശ്രീധരന്‍പിള്ളയും കുമ്മനം രാജശേഖരനും തലസ്ഥാനത്തെ തോല്‍വിയെക്കുറിച്ച് ഒരു വാക്കുപോലും പരസ്പരം സംസാരിച്ചിട്ടില്ല.

തോല്‍ക്കാന്‍ കാരണം അപ്രതീക്ഷിതകേന്ദ്രങ്ങളിലെ അടിയൊഴുക്കാണെന്ന് തന്നെയാണ് കുമ്മനത്തിന്റെയും വിശ്വാസം. തിരുവനന്തപുരത്ത് മറ്റു ജില്ലകളില്‍നിന്നുള്ള ആര്‍എസ്എസുകാര്‍ തമ്പടിച്ചപ്പോള്‍ ബിജെപി ജില്ലാ നേതൃത്വം നിഷ്‌ക്രിയമായി. അതിനിടെ, വട്ടിയൂര്‍ക്കാവ് ഉപതെരഞ്ഞെടുപ്പില്‍ സ്ഥാനാര്‍ഥിയാകാന്‍ ബിജെപി ജില്ലാ പ്രസിഡന്റ് എസ് സുരേഷിന്റെ നേതൃത്വത്തില്‍ പുതിയൊരു ഗ്രൂപ്പും തലസ്ഥാനത്ത് ഉദയംചെയ്തിട്ടുണ്ട്.




More Articles ...

Advertisement
Advertisement