തിരുവനന്തപുരം: ഇത്തിരിയില്ലാത്ത കേരളത്തില്‍ വീണ്ടും വിമാനത്താവളം വരാന്‍ ഒരുങ്ങുന്നു.കോഴിക്കോട് തിരുവമ്പാടിയില്‍ വിമാനത്താവളത്തിന്റെ സാധ്യത സംബന്ധിച്ച് പഠിക്കാന്‍ സംസ്ഥാന സര്‍ക്കാര്‍ കോഴിക്കോട് കലക്ടര്‍ക്കും മലപ്പുറം കലക്ടര്‍ക്കും കോഴിക്കോട് എയര്‍പോര്‍ട്ട് ഡയറക്ടര്‍ക്കും നിര്‍ദ്ദേശം നല്‍കി.കോഴിക്കോട് വിമാനത്താവളത്തില്‍ വലിയ വിമാനങ്ങള്‍ ഇറങ്ങുന്നില്ലെന്നും ഇതുകാരണം കോഴിക്കോട് മലപ്പുറം ജില്ലകളിലെ വിദേശ യാത്രികര്‍ ബുദ്ധിമുട്ടുകയാണെന്നും ചൂണ്ടിക്കാട്ടി പുതിയ വിമാനത്താവളമെന്ന വാദമുയര്‍ത്തി മലബാര്‍ ഡെവലപ്പ്‌മെന്റ് കൗണ്‍സില്‍ നിവേദനം നല്‍കി.

ഇത് പരിഗണിച്ച സര്‍ക്കാര്‍ പുതിയ വിമാനത്താവളത്തിന്റെ സാധ്യത സംബന്ധിച്ച് പഠിക്കാന്‍ നിര്‍ദേശം നല്‍കുകയായിരുന്നു.കോഴിക്കോട് വിമാനത്താവളത്തില്‍ റണ്‍വേ വിപുലീകരിക്കണമെങ്കില്‍ അത് കൂടുതല്‍ ഭൂമിയേറ്റെടുക്കലിനും കുടിയൊഴിപ്പിക്കലിനും വഴിവെക്കുമെന്നും ഇതിന് വന്‍തുക വേണ്ടിവരുമെന്നും പറഞ്ഞാണ് സര്‍ക്കാര്‍ പുതിയ വിമാനത്താവളം നിര്‍മ്മിക്കാന്‍ ഒരുങ്ങുന്നത്.തിരുവമ്പാടി പഞ്ചായത്തിലെ 2000ലേറെ ഏക്കര്‍വരുന്ന ഒരു റബ്ബര്‍ തോട്ടമാണ് വിമാനത്താവളത്തിനായി പരിഗണിക്കുന്ന ഭൂമിയെന്നാണ് റിപ്പോര്‍ട്ട്. കുടിയൊഴിപ്പിക്കല്‍ വേണ്ടിവരില്ല എന്നതാണ് ഇവിടെ വിമാനത്താവളം കൊണ്ടുവരുന്നതിന് ന്യായവാദമായി സര്‍ക്കാര്‍ പറയുന്നത്.

കരിപ്പൂര്‍ വിമാനത്താവള വികസന പ്രവര്‍ത്തനങ്ങള്‍ക്കായി നൂറു കണക്കിന് ഏക്കര്‍ ഭൂമി ഇനിയും ആവശ്യമായതിനാല്‍ സ്ഥലമേറ്റെടുക്കല്‍ അനന്തമായി നീണ്ടു പോകുന്നതിനാലും, തടസ്സവാദങ്ങള്‍ ഉയരുന്നതിനാലും കരിപ്പൂര്‍ വിമാനത്താവളത്തെ അഭ്യന്തര വിമാന സര്‍വീസിനു മാത്രമായി ഉപയോഗിച്ചു കൊണ്ട് സ്ഥലം ആവശ്യത്തിന് ലഭിക്കുന്ന ഒരു സ്ഥലത്ത് പുതിയ ഒരു അന്താരാഷ്ട്ര വിമാനത്താവളം പണിയുക എന്ന ആശയം ഉയര്‍ന്നു വന്നത് ഏകദേശം രണ്ടു വര്‍ഷം മുന്‍പാണ്. അന്നു മുതല്ക്കേ തിരുവമ്പാടിയുടെ പേരാണ് ചര്‍ച്ചകളില്‍ നിറഞ്ഞു നിന്നത്. (ഈങ്ങാപ്പുഴയുടെ പേരും ഉയര്‍ന്നു വന്നിരുന്നു) തിരുവമ്പാടി റബര്‍ എസ്റ്റേറ്റിന്റെ ഭാഗമായ 1000 ഏക്കര്‍ റബര്‍ തോട്ടം ഇതിനായി എളുപ്പത്തില്‍ ഏറ്റെടുക്കാന്‍ കഴിയുമെന്നത് ഇതിനു സാധ്യത കൂട്ടി. 2011ല്‍ ഇക്കാര്യങ്ങള്‍ പൊതുജന ചര്‍ച്ചകളിലേക്ക് കടന്നു വന്നത് റിയല്‍ എസ്റ്റേറ്റ് ഏജന്റുമാര്‍ വഴിയായിരുന്നു.

ഭര്‍ത്താവിന്റെ പരമ്പരാഗത സ്വത്തിലൂടെയും കൃഷിയിലൂടെയുമാണ് തനിക്ക് വരുമാനമുണ്ടായതും കാറുവാങ്ങയതെന്നുമുള്ള ബിജെപി നേതാവ് ശോഭാ സുരേന്ദ്രന്റെ പ്രസ്താവനയെ പൊളിച്ചടുക്കി ശോഭാ സുരേന്ദ്രന്റെ നാട്ടുകാരന്‍. പ്രിയപ്പെട്ട ശോഭ ചേച്ചി.. എന്റെ വീട്ടീന്ന് വെറും മൂന്ന് മിനിറ്റ് നടന്നാ ചേച്ചീടെ വീടെത്തും.. സുരേന്ദ്രന് കൃഷിപ്പണിയും ബിസിനസ്സും ഉള്ള കാര്യം ഇത്രയും കാലം ഒളിച്ചു വച്ചതിന് ഞാന്‍ ചേച്ചിയോടു പിണക്കമാണ് എന്ന്
നാട്ടുകാരനും പ്രവാസി മലയാളിയുമായ ജെനു ജനാര്‍ദ്ദനന്‍ തന്റെ ഫേസാബുക്കില്‍ പോസ്റ്റിലൂടെ ചോദിക്കുന്നു.
അടിത്തിടെ ഉയര്‍ന്ന ബിജെപി നേതാക്കളുടെ മെഡിക്കല്‍ കോഴ വിവാദവുമായി ബദ്ധപെട്ട് ശോഭാസുരേന്ദ്രന്
എതിരെയും ആരോപണങ്ങള്‍ ഉയര്‍ന്നിരുന്നു.
തുടര്‍ന്ന് ഇതിനെ എതിര്‍ത്തുകൊണ്ട് ശോഭയുടെ വീഡിയോ പുറത്ത് വന്നിരുന്നു. തനിക്ക് കൃഷിയിലൂടെയാണ് സമ്ബത്തുണ്ടായതെന്നും. ഭര്‍ത്താവിന് പാരമ്ബര്യ സ്വത്തും ബിസിനസ്സും ഉണ്ടെന്നായിരുന്നു. ശോഭയുടെ വാദം എന്നാല്‍ ഈ വാദങ്ങളെ പൊളിച്ചടക്കുന്നതാണ ജെനു ജനാര്‍ദ്ദനന്റെ ഫെസ്ബുക്ക് പോസ്റ്റ്.
ആട്ടെ ഇനി നാട്ടില്‍ വരുമ്ബൊ ഒന്ന് പറഞ്ഞു തരണേ. സുരേട്ടന്‍ എന്ത് ബിസിനസ്സാണ് ചെയ്യുന്നതെന്ന്.. ! ഒരു നാട്ടുകാരനായ എനിക്കതറിയില്ല എന്ന് പറഞ്ഞാ നാണക്കേടല്ലെ എന്നും ജെനു തന്റെ കുറിപ്പില്‍ പറയുന്നു. കുറച്ചു ദിവസം മുന്‍പ് കുടിച്ചവശനായി വന്ന സുരേട്ടനുമായി പൊരിഞ്ഞ അടി നടന്നിരുന്നുവെന്ന് നാട്ടുകാരില്‍ ചിലര്‍ പറഞ്ഞ് ഞാനറിഞ്ഞിരുന്നു. അന്ന് പോലീസ് വണ്ടി സൈറണ്‍ മുഴക്കി വന്ന് നാട്ടുകാരുടെയൊക്കെ സാന്നിദ്ധ്യത്തില്‍ രണ്ടു പേരെയും താക്കീത് ചെയ്ത് വിട്ടത് മറക്കാന്‍ സമയമായിട്ടില്ലല്ലൊ ജനാര്‍ദ്ദനന്‍ ചോദിക്കുന്നു.
താനറിയുന്ന സുരേന്ദ്രന് കേവലം മൂന്ന് സെന്റ് സ്ഥലം മാത്രമാണ് ഉള്ളത്.25 ലക്ഷത്തിന്റെ ഒരു കാറ് വാങ്ങിയത് സുരേട്ടന്റെ ബിസ്സിനസില്‍ നിന്ന് കിട്ടിയ ലാഭം കൊണ്ടാണെന്ന് പറഞ്ഞാല്‍ സുരേട്ടന് കഞ്ചാവ് ബിസ്സിനസ്സ് ആണോ എന്ന് നാട്ടുകാര്‍ സംശയിച്ചു പോകില്ലെ. ഇത്ര മനോഹരമായി കള്ളം അവതരിപ്പിക്കാന്‍ ചേച്ചിക്കല്ലാതെ മറ്റൊരു നേതാവിനും കഴിയുമെന്ന് തോന്നുന്നില്ല. മൂക്കുതലക്കാരല്ലാത്ത ആരും വിശ്വസിച്ചു പോകും. എന്നും ജനാര്‍ദ്ദനന്‍ പറയുന്നു. ഈ വീഡിയൊ കണ്ട് മൂക്കുതലക്കാരുടെ അഭിപ്രായം എന്താണെന്ന് നോക്കാം എന്നു പറഞ്ഞുകൊണ്ട് ശോഭയുടെ വീഡിയോയും ജനാര്‍ദ്ദനന്‍ പങ്ക് വെക്കുന്നുണ്ട്.
മുമ്ബ് സിപിഎം സംസ്ഥാനസെക്രട്ടറി കോടിയെരി ബാലകൃഷ്ണനെ വ്യക്തി പരമായി അധിഷേപിച്ച്‌ ശോഭാ സുരേന്ദ്രന്‍ രംഗത്തെത്തിയിരുന്നു. സജീവരാഷ്ട്രീയത്തിന് പുറമെ ഭര്‍ത്താവിനും തനിക്കു കൃഷിയുണ്ട്. മൂന്നരയേക്കറോളം സ്ഥലത്ത് നെല്ല്, മഞ്ഞള്‍,റബ്ബര്‍ എന്നിവ കൃഷി ചെയ്യുന്നുണ്ട് കൂടാതെ കാര്‍ഷിക ഉത്പന്നങ്ങള്‍ കയറ്റുമതിയും ചെയ്യുന്നുണ്ടെന്നും എന്നാല്‍ രണ്ടു പശുക്കളുടെ പാലുവിറ്റു ജീവിച്ചിരുന്ന കറവക്കാരന്റെ മകനായ കോടിയെരിക്ക് ഈ സമ്ബത്ത് എവിടുന്നുണ്ടായി എന്നുമായിരുന്നു ശോഭയുടെ ആരോപണം കോടിയെരിക്ക് രാഷിട്രീയമല്ലാതെ മറ്റു വരുമാന മാര്‍ഗങ്ങള്‍ ഇല്ല മകന് മൂന്നാറില്‍ നാനൂറ് ഏക്കര്‍ ഭൂമിയുണ്ട് എന്നും ശോഭ ആരോപിച്ചു. മുമ്ബ് ആര്‍എസ്‌എസ് സമ്മതിച്ചാല്‍ കേരളത്തിലെ അമ്മമാര്‍ കോടിയേരിയുടെ മുഖത്ത് ചെരുപ്പുരി അടിക്കുമെന്ന് ശോഭ പറഞ്ഞിരുന്നു.



ജെനു ജനാര്‍ദ്ദനന്റെ എഫ്ബി പോസ്റ്റിന്റെ പൂര്‍ണരൂപം:

പ്രിയപ്പെട്ട ശോഭ ചേച്ചി.. എന്റെ വീട്ടീന്ന് വെറും മൂന്ന് മിനിറ്റ് നടന്നാ ചേച്ചീടെ വീടെത്തും.. സുരേന്ദ്രന് കൃഷിപ്പണിയും ബിസിനസ്സും ഉള്ള കാര്യം ഇത്രയും കാലം ഒളിച്ചു വച്ചതിന് ഞാന്‍ ചേച്ചിയോടു പിണക്കാണ്.. ആട്ടെ ഇനി നാട്ടില്‍ വരുമ്ബൊ ഒന്ന് പറഞ്ഞു തരണേ.. സുരേട്ടന്‍ എന്ത് ബിസിനസ്സാണ് ചെയ്യുന്നതെന്ന്.. !!! ഒരു നാട്ടുകാരനായ എനിക്കതറിയില്ല എന്ന് പറഞ്ഞാനാണക്കേടല്ലെ..
. കുറച്ചു ദിവസം മുന്‍പ് കുടിച്ചവശനായി വന്ന സുരേട്ടനുമായി പൊരിഞ്ഞ അടി നടന്നിരുന്നുവെന്ന് നാട്ടുകാരില്‍ ചിലര്‍ പറഞ്ഞ് ഞാനറിഞ്ഞിരുന്നു.. അന്ന് പോലീസ് വണ്ടി സൈറണ്‍ മുഴക്കി വന്ന് നാട്ടുകാരുടെയൊക്കെ സാന്നിദ്ധ്യത്തില്‍ രണ്ടു പേരെയും താക്കീത് ചെയ്ത് വിട്ടത് മറക്കാന്‍ സമയമായിട്ടില്ലല്ലൊ!. എന്നിട്ടും എന്തിനാ ചേച്ചി ആകെ മൂന്നര സെന്റ് മാത്രം സ്വന്തമായിട്ടുള്ള ആ പാവത്തിനെ ഇങ്ങനെ പറഞ്ഞു നാറ്റിക്കുന്നത്.. ചേച്ചി 25 ലക്ഷത്തിന്റെ ഒരു കാറ് വാങ്ങിയത് സുരേട്ടന്റെ ബിസ്സിനസില്‍ നിന്ന് കിട്ടിയ ലാഭം കൊണ്ടാണെന്ന് പറഞ്ഞാല്‍ സുരേട്ടന് കഞ്ചാവ് ബിസ്സിനസ്സ് ആണോ എന്ന് നാട്ടുകാര്‍ സംശയിച്ചു പോകില്ലെ. ഇത്ര മനോഹരമായി കള്ളം അവതരിപ്പിക്കാന്‍ ചേച്ചിക്കല്ലാതെ മറ്റൊരു നേതാവിനും കഴിയുമെന്ന് തോന്നുന്നില്ല കെട്ടൊ.. മൂക്കുതലക്കാരല്ലാത്ത ആരും വിശ്വസിച്ചു പോകും.. ചേച്ചി കള്ളനോട്ടിന്റെ വിഹിതം പറ്റിയെന്നൊന്നും ഞാന്‍ പറയില്ലട്ടൊ.. അത് മ്മടെ മൂക്കോലക്കാര്‍ക്ക് നാണക്കേടല്ലെ. ഇനി ഈ വീഡിയൊ കണ്ട് മൂക്കുതലക്കാരുടെ അഭിപ്രായം എന്താണെന്ന് നോക്കാം.

More Articles ...

Advertisement
Advertisement