നവോത്ഥാനത്തെ വീണ്ടെടുക്കുന്നത‌് ചരിത്രത്തിന്റെ തനിയാവർത്തനത്തിനല്ലെന്നും കാലഘട്ടത്തിന‌് ആവശ്യമായ പ്രവർത്തനങ്ങൾക്കുള്ള ഇന്ധനമാക്കി മാറ്റുന്നതിനാണെന്നും ദേശാഭിമാനി ചീഫ‌് എഡിറ്റർ പി രാജീവ‌്. ഇരുപതാം നൂറ്റാണ്ടിന്റെ ആദ്യ ദശകങ്ങളിലെ കേരളമല്ല  ഇപ്പോഴുള്ളത‌്. പക്ഷേ, പഴയ യാഥാസ്ഥിതിക ചിന്തകളുടെ പ്രതിഫലനം ഇപ്പോഴും നമുക്ക‌് കാണാൻ കഴിയും. അതിനാൽ മുൻകാലത്തെ നവോത്ഥാനം അഭിസംബോധന ചെയ്യാത്ത പ്രശ‌്നങ്ങളെക്കൂടി ഉൾക്കൊള്ളാൻ കഴിയുന്ന പുതിയ തരത്തിലുള്ള മുന്നേറ്റങ്ങളെയാണ‌് കാലം ആവശ്യപ്പെടുന്നതെന്ന‌് പി രാജീവ‌് പറഞ്ഞു. എൻജിഒ യൂണിയൻ ജില്ലാ സമ്മേളനത്തിന്റെ ഭാഗമായി ‘നവലിബറൽ നയങ്ങളെ പ്രതിരോധിക്കുന്നതിൽ നവോത്ഥാനമൂല്യങ്ങളുടെ അനിവാര്യത’ എന്ന വിഷയത്തിൽ നടന്ന സെമിനാർ ഉദ‌്ഘാടനം ചെയ്യുകയായിരുന്നു അദ്ദേഹം.
 
നവലിബറൽ നയങ്ങൾ വന്നതിനുശേഷം വർഗീയത ശക‌്തിപ്പെട്ടു. വർഗ ഐക്യത്തെ ഭിന്നിപ്പിക്കാനുള്ള ഏറ്റവും ശക‌്തമായ ആയുധമായി വർഗീയത മാറി. അധികാരത്തിൽ കയറി നാലു വർഷത്തിനുശേഷം 2018ലാണ‌് രാമക്ഷേത്ര നിർമാണത്തെപ്പറ്റി നരേന്ദ്രമോഡി പറയുന്നത‌്. അതിന‌ു തൊട്ടുമുമ്പ‌് അമിത‌്ഷായും ഇക്കാര്യം പറഞ്ഞു. ഇതിനു കാരണം 2019ൽ തെരഞ്ഞെടുപ്പു വരുന്നു എന്നതാണ‌്. ഇതേ കാരണത്താലാണ‌് ശബരിമല വിധിക്കെതിരെ സമരം നടത്തിയത‌്. ശബരിമലയിലെ യുവതീപ്രവേശവുമായി ബന്ധപ്പെട്ട‌് സുപ്രീംകോടതി വിധി ഉണ്ടെന്ന‌് അറിയില്ലെന്ന രീതിയിലാണ‌് ചിലരുടെ പെരുമാറ്റം. തുടർച്ചയായ നുണപ്രചാരണങ്ങൾ കൊണ്ട‌് സത്യമേത‌് മിഥ്യയേത‌് എന്നു തിരിച്ചറിയാൻ കഴിയാത്ത അവസ്ഥ മാധ്യമങ്ങൾ ഉണ്ടാക്കി. 
 
കേരളത്തിലെ നവോത്ഥാന പോരാട്ടങ്ങൾക്ക‌് പാഠപുസ‌്തകങ്ങളിൽ വേണ്ടത്ര ഇടം കിട്ടിയില്ല. കൊച്ചിയിൽ നടന്ന കായൽസമരം പാഠപുസ‌്തകത്തിൽ ശരിയായി പഠിക്കുന്നില്ല. ഇത്തവണ ബജറ്റിന്റെ കവർചിത്രം ചർച്ചചെയ്യപ്പെട്ടു. അയ്യൻകാളി പഞ്ചമി എന്ന ബാലികയുമായി നിൽക്കുന്ന ചിത്രമായിരുന്നു അത‌്. മക്കളുടെ വിദ്യാഭ്യാസം എന്ന ആവശ്യം ഉയർത്തിയായിരുന്നു  കേരളത്തിലെ ആദ്യത്തെ പണിമുടക്ക‌്. ലോകത്തിലൊരിടത്തും ഇങ്ങനെ നടന്നിട്ടില്ല. ആ പോരാട്ടത്തിന്റെ തുടർച്ചയിലാണ‌് ദാക്ഷായണി വേലായുധനെപ്പോലുള്ള പെൺകുട്ടികൾക്ക‌് പൊതുവിദ്യാലയങ്ങളിൽ പഠിക്കാനും ബിരുദധാരികളാകാനും കഴിഞ്ഞത‌്. 1935ൽ അവർ ഒരു പൊതുവിദ്യാലയത്തിൽനിന്ന‌് ബിരുദം നേടുമ്പോൾ അമേരിക്ക എന്ന വികസിത മുതലാളിത്ത രാജ്യത്ത‌് കറുത്ത കുട്ടികൾക്ക‌് വെളുത്തവർക്ക‌് ഒപ്പമിരുന്നു പഠിക്കാൻ അവകാശമുണ്ടായിരുന്നില്ല. 1954ലാണ‌് അവിടെ സുപ്രീംകോടതി കറുത്തവരെ വെളുത്തവർക്കൊപ്പമിരുത്തി പഠിപ്പിക്കാത്തത‌് ഭരണഘടനാ വിരുദ്ധമാണെന്ന‌് പ്രഖ്യാപിച്ചത‌്. അത‌് ഉടനെ നടപ്പാക്കാനായില്ല. 1957 ഏപ്രിൽ അഞ്ചിന‌് കേരളം ഇന്ത്യക്കും ലോകത്തിനും പുതിയ അനുഭവം നൽകി ഇ എം എസിന്റെ നേതൃത്വത്തിലുള്ള സർക്കാരിനെ അധികാരത്തിലേറ്റി. കേരളം അമേരിക്കയ‌്ക്ക‌് വളരെമുമ്പേ നടന്നിരുന്നുവെന്ന‌് ചരിത്രം രേഖപ്പെടുത്തുന്നുണ്ടെന്ന‌് പി രാജീവ‌് പറഞ്ഞു.
 
 

കാസർകോഡ് പെരിയയില്‍ രണ്ട് യൂത്ത് കോൺഗ്രസ് പ്രവര്‍ത്തകരെ വെട്ടിക്കൊലപ്പെടുത്തിയതിന് പിന്നിൽ സിപിഎമ്മാണെന്ന് പ്രതിപക്ഷ നേതാവ് രമേശ് ചെന്നിത്തല. ഭരണത്തിന്‍റെ തണലിൽ പാ‍‌‌ർട്ടി ഗുണ്ടകളെ ഉപയോഗിച്ച്  സിപിഎം ആസൂത്രിതമായി നടപ്പാക്കിയ കൊലപാതകമാണിതെന്നും അക്രമികളെ എത്രയും പെട്ടന്ന് നിയമത്തിന് മുന്നിൽ എത്തിക്കണമെന്നും  ചെന്നിത്തല ആവശ്യപ്പെട്ടു.
 
യാതൊരു പ്രകോപനവുമില്ലാതെയാണ് സിപിഎം ആക്രമണമെന്നും അക്രമ രാഷ്ട്രീയത്തിനെതിരെ ശക്തമായ പ്രതിഷേധതമുണ്ടാകുമെന്നും അദ്ദേഹം പറഞ്ഞു. ലോകസഭ തെരഞ്ഞെടുപ്പ് അടുത്തതോടെ കേരളത്തിൽ കോൺ​ഗ്രസ് പ്രവർത്തകർക്കെതിരെ വ്യാപകമായി ആക്രമണങ്ങൾ അഴിച്ച്  വിടുകയാണ് സിപിഎമ്മെന്നും ചെന്നിത്തല ആരോപിച്ചു.

More Articles ...