സി.പി.എം ന്റെ കൊലപാതക രാഷ്ട്രീയമാണ്, ധാർഷ്ഠ്യമാണ് എന്നൊക്കെയുള്ള വാദങ്ങൾ ഒരു പ്രൊപ്പഗൊണ്ടയാണ്. അതിനുപിന്നിൽ വളരെ വ്യക്തമായ അജണ്ടതന്നെ ഉണ്ട്. ഒരു കേഡർ പാർട്ടിയെ നിർജ്ജീവമാക്കി ഇല്ലാതാക്കുക എന്നൊരു അജണ്ടയാവും സംഘപരിവാർ ഇതിലൂടെ മുന്നോട്ടുവയ്ക്കുന്നത്. അവർക്ക് പേടിക്കേണ്ട രാഷ്ട്രീയം സംഘടനാ ശക്തിയുള്ള ഇടതുപക്ഷത്തിന്റെതാണ്. ചെറുത്തുനില്പിന്റെ ഭാഷയാണ് ധാർഷ്ട്യം എന്ന് വിളിക്കുന്നത്. ശബരിമലയിൽ സുപ്രിംകോടതിവിധി നടപ്പിലാക്കും എന്ന് പറയുന്നത് ധാർഷ്ഠ്യമാണെന്നതാണ്.
 
കേരളത്തിലെ മാധ്യമങ്ങളും കോൺഗ്രസും ഇത്തരം സംഘപരിവാർ നറേറ്റിവുകൾ മധ്യവർഗ്ഗപൊതുബോധത്തിലേക്ക് കുത്തിവയ്ക്കുന്നതിന്റെ ഗുണം താത്ക്കാലികമായി കോൺഗ്രസിനുകിട്ടും പക്ഷെ ആത്യന്തികമായി അത് സംഘപരിവാറിനെയാണ് സഹായിക്കുക. 
 
തലശേരി കലാപത്തിനിറങ്ങിയ സംഘപരിവാറിനെ ചെറുത്ത കമ്യൂണിസ്റ്റ് പാർട്ടിയാണ് ധാർഷ്ട്യക്കാർ അല്ലാതെ വർഗ്ഗീയ കലാപം നടത്തുന്ന പരിവാർ കൂട്ടം അല്ല അക്രമരാഷ്ട്രീയത്തിന്റെയും ധാർഷ്ട്യത്തിന്റെയും ആളുകൾ. 
 
ലോകം മുഴുവൻ ഇടതുപക്ഷ രാഷ്ട്രീയത്തെ തകർത്തിട്ടുള്ളത് അക്രമത്തിലൂടെയാണ്. ലാറ്റിനമേരിക്കയിലെ നിരവധി രാജ്യങ്ങളിലെ ഇടതുഭരണത്തെ തകർക്കയും വെനുസ്വേലപോലെയുള്ള ചെറുരാജ്യങ്ങളിൽ ഇപ്പോഴും അത്തരം ശ്രമങ്ങൾ നടക്കയും ചെയ്യുന്നു. Patrice Lumumbaയെപോലുള്ള ഭരണാധികാരികളെ കൊന്നാണ് ഇടതുപക്ഷത്തെ തകർത്തിട്ടുള്ളത്. 
 
ബംഗാളിലും ത്രിപുരയിലുമൊക്കെ ഇപ്പോൾ ഇടതുപക്ഷം നേരിടുന്ന അക്രമണങ്ങൾ ലാറ്റിനമേരിക്കയിലും മറ്റും ഇടതുപക്ഷ പ്രസ്ഥാനങ്ങൾ നേരിട്ട അക്രമണങ്ങൾക്ക് സമാനമാണ്. എൽസാൽവദോറിലെ ഇടതുപക്ഷ പ്രസ്ഥാനത്തെ തകർത്തത് ഭരണകൂട ഗുണ്ടകളായിരുന്നു. ആക്രമിച്ചും വെടിവച്ചും കൊന്നുമായിരുന്നു അവിടെ ഭരണകൂടം ഇടതുപക്ഷത്തെ തകർത്തത്. കത്തൊലിക്കാ സഭപോലും ഒടുവിൽ അതിനെതിരെ പ്രതികരിക്കേണ്ടിവന്നു.
 
യൂറോപ്പിലേക്ക് കടന്നുവരുന്ന അഭയാർഥികളെ വെറുക്കുവാൻ അന്നാടുകളിലെ ജനങ്ങളെ പ്രേരിപ്പിക്കയും അഭയാർഥികൾക്ക് എതിരെ ജനവികാരം ഉയർത്തുകയുമാണ് യൂറോപ്പിലെ ചെറിയ ലിബറൽ ഡെമൊക്രാറ്റിക് രാജ്യങ്ങളിലെ പൊതുഇടങ്ങളിൽ ബോംബുവച്ചും അക്രമണം നടത്തിയും ഇസ്ലാമിക് ഭീകരപ്രസ്ഥാനങ്ങൾ ശ്രമിച്ചിരുന്നത്. ദരിദ്ര അഭയാർഥികൾക്ക് യൂറോപ്പ് അഭയം നൽകാതിരുന്നെങ്കിൽ മാത്രമെ അവർ തീവ്രവാദികളുടെ മുന്നിൽ അഭയം തേടിചെല്ലു. അങ്ങനെ മാത്രമെ അവർക്ക് രക്ഷക റോൾ ആടുവാൻ കഴിയു.
 
ജമാത്ത് ഇസ്ലാമി, എസ്.ഡി.പി.ഐ പോലുള്ള കക്ഷികൾക്ക് ഇന്ത്യയിലെ മുസ്ലിങ്ങളൂടെ മുന്നിൽ നേതാവാകണമെങ്കിൽ സംഘപരിവാർ രാഷ്ട്രീയം വിജയിക്കേണ്ടത് അനിവാര്യമാണ്. ഇടതുപക്ഷ രാഷ്ട്രീയം തകർന്നാൽ മാത്രമെ സംഘപരിവാറിനെതിരെയുള്ള പ്രതിരോധങ്ങൾ തകരൂ എന്ന് അവർക്ക് അറിയാം. സംഘപരിവാർ ഭീകരതക്കുമുന്നിൽ പിന്നെ നിസ്സഹായരാകുന്ന മുസ്ലിം ന്യൂനപക്ഷത്തിനു ജമാത്ത് ഇസ്ലാമി. എസ്.ഡി.പി.ഐ പോലുള്ള കക്ഷികൾ കാട്ടികൊടുക്കുന്ന വഴിയിലേക്ക് പോവുക എന്നതുമാത്രമേ ചെയ്യുവാൻ കഴിയൂ. 
 
അതിനു ഏറ്റവും അനിവാര്യമായിട്ടുള്ളത് ഇടതുപക്ഷ രാഷ്ട്രീയം ഇന്ത്യയിൽ തകരുകയാണ്. ജമാത്ത് ഇസ്ലാമിയും .എസ്.ഡി.പി.ഐയുമൊക്കെ അതിനുള്ള രാഷ്ട്രീയമാണ് തിരഞ്ഞെടുപ്പിൽ പ്രയോഗിച്ചതും.
 
 
 
 
 
 
 
 
 

ഐ എസ് ഭീകരര്‍ ലക്ഷദ്വീപ് അടുത്തുള്ള മിനിക്കോയ് ദ്വീപിലേക്ക് നീങ്ങുന്നതായി ഇന്റലിജന്‍സ് റിപ്പോര്‍ട്ട് . ശ്രീലങ്കയില്‍ നിന്നും പുറപ്പെട്ട ഒരു വെള്ള ബോട്ടിനെ ചുറ്റിപ്പറ്റി അന്വേഷണം. രഹസ്യവിവരത്തെ അടിസ്ഥാനത്തില്‍ സംസ്ഥാനത്തെ തീരമേഖലയിലെ സുരക്ഷ ശക്തമാക്കി

ശ്രീലങ്കയില്‍ നിന്ന് 15 ഐ എസ് പ്രവര്‍ത്തകര്‍ ഒരു വെളുത്ത ബോട്ടില്‍ ലക്ഷ ദ്വീപ് മിനിക്കോയ് ദ്വീപിലേക്ക് നീങ്ങുന്നു എന്നാണ് അന്വേഷണ ഏജന്‍സികള്‍ പോലീസിനും നേവിയും കോസ്റ്റ് ഗാര്‍ഡും നല്‍കിയ വിവരം.

ശ്രീലങ്കയിലെ സമീപകാല സ്‌ഫോടനങ്ങളുടെ പശ്ചാത്തലത്തില്‍ ഇന്ത്യയുടെ തീരമേഖലയില്‍ കര്‍ശനമായ സുരക്ഷാ വേണമെന്നും രഹസ്യാന്വേഷണ ഏജന്‍സികള്‍ മുന്നറിയിപ്പ് നല്‍കുന്നുണ്ട്. മുന്നറിയിപ്പിനെ പശ്ചാത്തലത്തില്‍ നേവിയും കോസ്റ്റ് ഗാര്‍ഡും കോസ്റ്റല്‍ പോലീസും തീരമേഖലയില്‍ സുരക്ഷ ശക്തമാക്കി.

കടലില്‍ മത്സ്യബന്ധനത്തിനായി പോകുന്ന മത്സ്യത്തൊഴിലാളികള്‍ക്കും കടലോര ജാഗ്രതാ സമിതി പ്രവര്‍ത്തകര്‍ക്കും ഇതുസംബന്ധിച്ച് മുന്നറിയിപ്പ് നിര്‍ദേശം രഹസ്യാന്വേഷണ ഏജന്‍സികള്‍ കൈമാറിയിട്ടുണ്ട്.

സംശയാസ്പദമായ സാഹചര്യത്തില്‍ ബോട്ട് കാണപ്പെടുകയാണെങ്കില്‍ ഉടന്‍ ബന്ധപ്പെട്ട അധികാരികളെ വിവരം അറിയിക്കണമെന്ന് നിര്‍ദേശം നല്‍കിയിട്ടുണ്ട്. കേരളത്തിലെ തീരമേഖലയില്‍ സ്ഥിതിചെയ്യുന്ന 72 പോലീസ് സ്റ്റേഷനുകളില്‍ ജാഗ്രത ഉണ്ടാകണമെന്ന നിര്‍ദ്ദേശം കോസ്റ്റല്‍ എഡിജിപി ടോമിന്‍ തച്ചങ്കരി വിവിധ പോലീസ് സ്റ്റേഷനുകള്‍ക്ക് കൈമാറി

More Articles ...

Advertisement
Advertisement