# നീല പാപ്പാത്തികളുടെ കൂടെ ഒരു വൈകുന്നേരം  മുരളി തുമ്മാരുകുടി 
 
Mini യുടെ പുസ്തക പ്രകാശനം 
ഓണലൈനിൽ ലൈവ് ആയി കാണുകയായിരുന്നു. 
Viswa Prabha George Mathew  മുതൽ  Wahida Shamsudhin വരെ അനവധി സുഹൃത്തുക്കളെ കണ്ടു. എങ്ങനെയാണ് സമൂഹ മാധ്യമം സുഹൃത്തുക്കളുടെ വലയങ്ങളും ശൃംഖലകളും ഉണ്ടാക്കുന്നത് എന്നതിന്റെ നേർക്കാഴ്ച ആയിരുന്നു അത്.
 
സിദ്ധാർത്ഥിന് പരീക്ഷ ഉണ്ടായിരുന്നു എന്ന് പറഞ്ഞല്ലോ, അത് കൊണ്ട് വൈകിയാണ് എത്തിയത്. അപ്പോഴേക്കും ഫോർമൽ ഫങ്ക്ഷൻ ഒക്കെ കഴിഞ്ഞു. എന്നിട്ടും മിനി അവനെ സ്നേഹപൂർവ്വം സ്റ്റേജിൽ വിളിച്ചു പരിചയപ്പെടുത്തി. നിങ്ങൾ ഏറെ പേർ അവനോട് സംസാരിച്ചു എന്നവൻ പറഞ്ഞു. എല്ലാവരുടെയും സെൽഫി എടുത്ത് അച്ഛന്റെ പേര് കളയാതെ നോക്കണം എന്ന് പറഞ്ഞിരുന്നു. അതും നടത്തി !!. നിങ്ങൾ അവനോട് കാണിക്കുന്ന കരുതലും സ്നേഹവും നിങ്ങൾക്ക് ചിന്തിക്കാൻ പറ്റുന്നതിൽ ഏറെ സന്തോഷവും ആശ്വാസവും ഞങ്ങൾക്ക് നൽകുന്നുണ്ട്.
 
പുസ്തകത്തിന്റെ കവർ പേജ് വരച്ചത് സിദ്ധാർഥ് ആണെന്ന് പറഞ്ഞല്ലോ. പുസ്തകത്തെ പറ്റിയും കവർ പേജിനെ പറ്റിയും സുഹുത്ത് Anu Pappachan എഴുതിയത് വായിച്ചു മനം നിറഞ്ഞു.
 
താങ്ക് യു മിനി, താങ്ക് യു അനു താങ്ക് യു മറ്റെല്ലാരും... 
 
--------------------
 
മിനി വിശ്വനാഥന്റെ നീല പാപ്പാത്തികൾ ഇന്ന് വളരെ അവിചാരിതമായി വാങ്ങിയതാണ്. അക്കാദമിയിൽ വച്ച് അട്ടേട്ടനാണ് Ashtamoorthi Kadalayil Vasudevan മിനി വിശ്വനാഥനെ പരിചയപ്പെടുത്തി മിനിയേച്ചിയുടെ എഴുത്തിനെ കുറിച്ച് പറഞ്ഞത്. മലയാളം ബിരുദവും ഭാഷാശാസ്ത്രത്തിൽ എം.ഫിലും നേടി പഠിച്ച വിഷയത്തിന് യാതൊരു സാധ്യതയുമില്ലാത്ത ദുബായ് സിറ്റിയിലെത്തി ഒരു സ്ത്രീ പത്തിരുപത് വർഷം കഴിഞ്ഞ് ഏറെ പ്രിയത്തോടെ സ്വന്തം ഭാഷയിൽ സ്വന്തം നാടിനെ കുറിച്ചും മനുഷ്യരെക്കുറിച്ചും കൈതോരാതെ എഴുതുക.! എഴുതിയില്ലെങ്കിൽ വായനക്കാർക്ക് നഷ്ടമാവുന്ന ചുരുക്കം ചില എഴുത്തുകാരുണ്ട് എന്ന് സതീഷേട്ടൻ Satheesh Kumar ആ മുഖത്തിലെഴുതിയിരിക്കുന്നു.
 
പുസ്തകം തുറക്കും മുന്നേ കണ്ണു നിറഞ്ഞു നില്ക്കുന്നത് ഈ ചിത്രത്തിലാണ്. സിദ്ധാർഥ് മുരളി വരച്ച ഈ കവറിൽ.മഞ്ഞയുടെ പ്രസാദാത്മകത്വത്തിൽ 
വലിയ ചിറക് വീശി പറക്കുന്ന നീല പാപ്പാത്തികൾ.ബഹു വർണത്തിൽ നിന്ന് ഏകവർണത്തിലേക്ക്, നീലയിലേക്ക് അതിനെ ചുരുക്കിയിരിക്കുന്നു. നിറങ്ങളുടെ തിരഞ്ഞെടുപ്പിൽ സുക്ഷ്മ ശ്രദ്ധയും കണിശതയും.മഞ്ഞയിലെ ആ നീലക്കുഞ്ഞികൾക്ക് എന്തൊരു മിഴിവാണ്!ആകാശത്ത് നക്ഷത്രങ്ങൾ വിതറിയ പോലെ.
ചിത്രത്തിലാകെ തുളുമ്പുന്ന ജൈവിക ഊർജമുണ്ട് ആ പാപ്പാത്തിച്ചിറകിൽ.
 
മുന്നോട്ടു നടക്കുന്ന പെൺകുട്ടിയും കളിപ്പാവയും..ചലനം ലളിത രൂപകങ്ങളിൽ പതിഞ്ഞിരിക്കുന്ന ഒരു ചിത്രം.അവൾക്കായി
ആകാശത്തിനും ഭൂമിക്കുമായി പപ്പാതിയിടം.ഹരിത ഭൂമിയുടെ യാഥാർഥ്യവും മഞ്ഞാകാശത്തിന്റെ കാല്പനികതയും! 
ഒറ്റക്കാഴ്ചയിൽ സ്നേഹവും ആർദ്രതയും മനസ്സിൽ നിറക്കുന്നു ഈ ചിത്രം... ഈ ഭാവനാത്മകമായ വർണ്ണ ബോധത്തിൽ ഊർജ്ജം നിറഞ്ഞ് താളുകൾ മറിക്കാൻ തുടങ്ങുന്നു.മിനിയുടെ പുസ്തക പ്രകാശനം
 
 
# ഇന്നലെയായിരുന്നു അത്. സ്നേഹം കൊണ്ട് മനസ്സുകൾ സംവദിച്ച ദിവസം. 
എന്റെ നീല പാപ്പാത്തികൾക്ക് ചിറക് വെച്ച ദിവസം - മിനി വിശ്വനാഥ് 
 
 
ഇന്നലെയായിരുന്നു അത്. സ്നേഹം കൊണ്ട് മനസ്സുകൾ സംവദിച്ച ദിവസം. 
എന്റെ നീല പാപ്പാത്തികൾക്ക് ചിറക് വെച്ച ദിവസം.... 
ഞാനെഴുതിയത് പുസ്തകമാവുമ്പോൾ സന്തോഷമുണ്ടായിരുന്നു ,കൂട്ടത്തിൽ ആശങ്കകളും..
 
തേവാരത്തിൽ വീട്,കതിരൂർ എന്ന വിശാലമായ മേൽവിലാസത്തിൽ നിന്ന് 
ദുബായിലെ 244/245 ഫ്ലാറ്റ് 1 എന്ന കുഞ്ഞുമേൽവിലാസത്തിലൊതുങ്ങിയ വർഷങ്ങളിൽ  ഇടവഴികൾക്കും മണ്ണ് മണങ്ങൾക്കും പകരമായി അയൽ വീട്ടിലേക്ക് മാത്രം നീളുന്ന ഇടനാടികൾ മാത്രമേ മുന്നിലുണ്ടായിരുന്നു. പ്രവാസം പോലെ ഇരുപത്തിമൂന്ന് വർഷവും ഒരേ വാടക ഫ്ലാറ്റിന്റെ ജാലകങ്ങൾക്കിടയിലൂടെ കണ്ട ഒരേ കാഴ്ചകളിൽ നിന്നാണ് നിന്നാണ് മനസ്സ് ഓർമ്മകളിലേക്ക് തിരിഞ്ഞു നോക്കിയത്.
ആ ഓർമ്മകളും ആശങ്കകളുമായിരുന്നു എഴുതിപ്പോയത്.
 
ഇന്നലെ മനസ്സ് നിറഞ്ഞു. ഫേസ്ബുക്ക് എന്ന വലക്കണ്ണികളിലൂടെ മാത്രം കണ്ടറിഞ്ഞ പ്രിയ കൂട്ടുകാർ ഓടിയെത്തിയെന്നത് എന്നെ വിസ്മയിപ്പിച്ചു , അത്ഭുതപ്പെടുത്തി ,കരയിച്ചു.അക്കാദമി ഹാളിന്റെ കസേരകളിലും, പുറത്തും നിറഞ്ഞിരുന്നത് മുഴുവൻ സ്നേഹപ്രവാഹമായിരുന്നു. ഒരു വർക്കിങ്ങ്ഡേ എനിക്കായി മാറ്റിവെക്കാൻ നിങ്ങൾ കാണിച്ച നല്ല മനസ്സ് നിറയെ എന്നോടുള്ള സ്നേഹം മാത്രമായിരുന്നു എന്ന് ഞാൻ അറിയുന്നു. ഒരു പാട് ബുദ്ധിമുട്ടിയാണ് ദൂരെ നാട്ടിൽ നിന്ന് നിങ്ങൾ എല്ലാവരും അവിടെ എത്തിച്ചേർന്നത്. 
എല്ലാരെയും കണ്ടു. മിണ്ടാനും പറയാനും പറ്റിയില്ല എന്ന സങ്കടം മനസ്സിലുണ്ട്... അവസരങ്ങൾ ഇനിയും വരുമായിരിക്കും. 
ഒരു വിളിപ്പുറത്ത് എത്തിയ എല്ലാവരോടും സ്നേഹം മാത്രം.
 
മകനായിരുന്നു അവൻ ... 
 
ഏതോ ജന്മാന്തരങ്ങളിൽ ,ആത്മാവ് പങ്കുവെച്ചവനായിരുന്നു  Siddharth Muraly...
 
ദൂരെയിരുന്ന് മനസ്സ് കൊണ്ട് കൂടെയിരുന്ന ചില കൂട്ടുകാരെ ഓർക്കുന്നു... Sailesh Kumar, Mohan Kumar Ajith Kumar, Shibu Gopalakrishnan, Rajive S Kumar, വിനയ് ആനന്ദ്, Paul Chacko, Vinu Trithala V, Dharmajan EK, Thomas Keyal, John George, Vinod Paleekkara Renjini Sreehari ,Sreeja Dhanasumod Rekha Anil
 
 
 

 
 പട്ടികജാതി വിഭാഗത്തിൽപെട്ട വിദ്യാർത്ഥികൾക്ക് സൗജന്യ മെഡിക്കൽ / എഞ്ചിനീയറിംഗ് എൻട്രൻസ് പരിശീലനം
-----------------------------------------------------
പ്ലസ് ടു പഠനത്തിന് ശേഷം പട്ടികജാതി വിഭാഗത്തിൽപെട്ട വിദ്യാർത്ഥികൾക്ക് ഒരു അധ്യയനവർഷത്തെ     മെഡിക്കൽ / എഞ്ചിനീയറിംഗ് എൻട്രൻസ് പരിശീലനം സൗജന്യമായി നല്കാൻ സർക്കാർ തീരുമാനമായി.  പട്ടികജാതി വിഭാഗത്തിൽപെട്ട വിദ്യാർത്ഥികൾ പ്ലസ് ടുവിൽ ഉന്നതവിജയം കരസ്ഥമാക്കുന്നുണ്ടെങ്കിലും, എൻട്രൻസ് പ്രവേശനം തുടങ്ങി ഉന്നത മത്സര പരീക്ഷകളിൽ മികച്ച റാങ്ക് കരസ്ഥമാകുന്ന വിദ്യാർത്ഥികളുടെ എണ്ണത്തിലുള്ള കുറവ് പരിഗണിച്ചാണ് സർക്കാർ ഈ പദ്ധതി ആവിഷ്കരിച്ചിരിക്കുന്നത്.
മെഡിക്കൽ/ എഞ്ചിനീയറിംഗ് എൻട്രൻസ് പരിശീലനത്തിനായി പ്ലസ് ടുവിന് സയൻസ് ഗ്രൂപ്പെടുത്ത 2019 മാർച്ച് പരീക്ഷയിൽ ബയോളജി, ഫിസിക്സ്, കെമിസ്ട്രി, മാത്തമാറ്റിക്സ്, ഇംഗ്ലീഷ് എന്നീ വിഷയങ്ങളിൽ എ ഗ്രേഡ് നേടിയ വിദ്യാർത്ഥികൾക്ക് പ്രസ്തുത പരിശീലനത്തിനു അപേക്ഷിക്കാവുന്നതാണ്. പ്ലസ് ടു പഠനത്തിനു ശേഷം ഒരു വർഷത്തേക്ക് എൻട്രൻസ് പരിശീലനം നൽകുന്നതാണ് സർക്കാരിന്റെ പുതിയ പദ്ധതി. കേരളത്തിലെ മുൻനിര വിദ്യാഭ്യാസ സ്ഥാപനമായ "ലക്ഷ്യ"യുമായി സഹകരിച്ചുകൊണ്ടാണ് പട്ടികജാതി വികസന വകുപ്പ് ഇത്തരമൊരു പദ്ധതി നടപ്പിലാക്കുന്നത്. 
 
 യോഗ്യത
 
▶രക്ഷകർത്താവിൻ്റെ  വാർഷിക വരുമാനം 6 ലക്ഷം രൂപയിൽ കുറവായിരിക്കണം.
 
 ▶പട്ടികജാതി വിഭാഗത്തിൽപെട്ട വിദ്യാർത്ഥിയായിരിക്കണം 
 
▶2019 മാർച്ച് പരീക്ഷയിൽ ബയോളജി, ഫിസിക്സ്, കെമിസ്ട്രി, മാത്തമാറ്റിക്സ്, ഇംഗ്ലീഷ് എന്നീ വിഷയങ്ങളിൽ എ ഗ്രേഡ് നേടിയിരിക്കണം 
 
പദ്ധതിയുടെ മേൽപറഞ്ഞ കോഴ്‌സിന് ചേരാൻ താല്പര്യമുള്ള വിദ്യാർത്ഥികൾ ☎ 0484 4333 722, ☎+91 90612 38877 എന്ന നമ്പറിൽ ബന്ധപ്പെടെണ്ടതാണ്. അവസാന തിയതി ആഗസ്റ്റ് 12. പരിശീലനം തികച്ചും സൗജന്യമായിരിക്കും.

More Articles ...

Advertisement
Advertisement