ഇത് ഇടതുപക്ഷ ഭരണത്തിനെതിരെ ഉള്ള ജനവിധിയെന്നു ഞാന്‍ വിശ്വസിക്കുന്നില്ല 

ഈ നാട് കോണ്‍ഗ്രസ് പാര്‍ട്ടി പറഞ്ഞു വിശ്വസിപ്പിച്ച കാര്യങ്ങള്‍ അന്ധമായി വിശ്വസിച്ചു : അവര്‍ ലോകസഭാ തിരഞ്ഞെടുപ്പ് തൂത്തുവാരിയെടുക്കും , രാഹുല്‍ ഗാന്ധി പ്രധാനമന്ത്രിയാകും - ഇത് വിശ്വസിച്ചു , അതാണ് പറ്റിയത് . തിരഞ്ഞെടുപ്പ് കാലത്തു മാത്രം മാളത്തില്‍ നിന്നുമിറങ്ങുന്ന ജീവികളാകാതെ , ജനങ്ങളിലേക്ക് ഇറങ്ങി ചെന്ന് ഇനിയെങ്കിലും അവരില്‍ ഒരാളായി , പ്രവര്‍ത്തിച്ചു , സ്വയം അവര്‍ക്കു പരിചിതരായി , അവര്‍ തന്നെയായി നിന്നാല്‍ മാത്രമേ കേരളം വിട്ടു മറ്റു സംസ്ഥാനങ്ങളില്‍ കോണ്‍ഗ്രസ് എന്ന പാര്‍ട്ടിക്ക് ഇനി നിലനില്‍പ്പുള്ളൂ . ദശാബ്ദങ്ങള്‍ പഴക്കമുള്ള ഈ പാര്‍ട്ടിക്കു ഇനിയെങ്കിലും അത് സാധിച്ചില്ലെങ്കില്‍ , നാളെ ഇന്ത്യന്‍ നാഷണല്‍ കോണ്‍ഗ്രസ് എന്നത് ചരിത്ര വിദ്യാര്‍ഥികള്‍ക്കു പാഠ്യ വിഷയത്തിലെ ഒരു അധ്യായം മാത്രമായി ഒതുങ്ങും . 

ഇത് തന്നെയാണ് കേരളത്തില്‍ ഇടതു പാര്‍ട്ടിയുടെയും അവസ്ഥ . ജനങ്ങളുടെ ദൈന്യംദിന പ്രശ്‌നങ്ങള്‍ മനസിലാക്കി അവരിലേക്ക് ഇറങ്ങി ചെല്ലാന്‍ അവര്‍ക്കു കഴിയാത്തിടത്തോളം അവരുടെ അവസ്ഥയും ഇത് തന്നെ . അഹങ്കാരം മാറ്റിവച്ചു , പ്രസ്ഥാന നിലപാടുകളില്‍ ഉറച്ചു, ജന നന്മക്കു വേണ്ടി ഉറച്ചു പ്രവര്‍ത്തിക്കാന്‍ , ജനങ്ങളില്‍ ഒരാളായി പ്രവര്‍ത്തിക്കുവാന്‍ ഈ പാര്‍ട്ടിക്ക് കഴിയണം . അത് വെറും പാഴ്വാക്കുകളില്‍ ഒതുങ്ങി പോകുന്നതാകരുതു . പറഞ്ഞ വാക്കിന് നേരുണ്ടാകണം , ചെയ്തു കാണിക്കണം . മേഖലകള്‍ ഒരുപാടുണ്ട് പ്രവര്‍ത്തിച്ചു കാണിക്കാന്‍ . അവിടെയെല്ലാം ഇറങ്ങി ചെന്ന് തന്നെ പ്രവര്‍ത്തിച്ചു കാണിക്കാം സഖാക്കളേ , അല്ലാതെ അധികാര രാഷ്ട്രീയത്തിന്റെ തിമിര് കാണിക്കാന്‍ നില്‍ക്കരുത് . ജനം നിങ്ങളെ കള്ളനെന്നല്ല , കള്ളന് കഞ്ഞി വച്ചവന്‍ എന്ന് ഉറക്കെ വിളിക്കും . അത് കേള്‍ക്കാന്‍ ഞാന്‍ അടക്കം മനസ്സില്‍ ഇഷ്ടം സൂക്ഷിക്കുന്ന പാര്‍ട്ടിക്ക് ഇട വരരുത് എന്ന് ആഗ്രഹം ഉണ്ട് . 

പക്ഷെ സന്തോഷത്തിനു വക തന്നെയാണ് , താമര വിരിയാന്‍ തക്ക ചെളി കേരളത്തില്‍ ഇല്ലെന്നു തെളിഞ്ഞല്ലോ . കേരളത്തില്‍ കാട്ടിക്കൂട്ടിയ ശബരിമല PR Event പരാജയപ്പെട്ടല്ലോ , അത് മതി. 

ഇനിയാണ് ജനം കാണാന്‍ പോകുന്നത് . കഴിഞ്ഞ 5 വര്ഷം കൊണ്ട് ഇന്ത്യ ഉടനീളം പാകിയ വിത്തിന്റെ , വളമിട്ട് , വെള്ളമൊഴിച്ചു വളര്‍ത്തിയ അതെ വിത്തിന്റെ ഫലം കൊയ്യാന്‍ ഇനി ഇതേ പാര്‍ട്ടി ഇറങ്ങും . അപ്പോഴും നമ്മള്‍ ഒക്കെ ഇവിടെ തന്നെ കാണണം . വോട്ടു ചെയ്തവരും , ജയിപ്പിച്ചു വിട്ടവരും . എതിരില്ലാത്ത , പ്രതിപക്ഷമില്ലാത്ത പാര്‍ട്ടിയായി ഇവര്‍ അധികാരത്തില്‍ കേറി ഇരിക്കാന്‍ പോകുന്നത് ഇന്ത്യന്‍ ജനാധിപത്യത്തിന്റെ നെഞ്ചില്‍ ചാരുകസേരയിട്ടാണ് . കൊന്നും കൊലവിളിച്ചും അവര്‍ ഉണ്ടാക്കി വച്ച രാഷ്ട്രീയ അരാജകത്വത്തിന്റെ , മത തീവ്രവാദത്തിന്റെ , അതേ ചാരുകസേര . അത് നമ്മള്‍ കാണണം , അനുഭവിക്കണം . പ്രതികരിക്കാന്‍ അറിയാത്തതിന്റെ , പ്രവര്‍ത്തിക്കാന്‍ കഴിയാത്തതിന്റെ ഫലം അനുഭവിക്കണം . 

എന്റെ കേരളത്തില്‍ നിന്ന് ജയിച്ച എല്ലാ സ്ഥാനാര്‍ത്ഥികള്‍ക്കും അഭിനന്ദനങ്ങള്‍ . 
ലാല്‍സലാം

തെരഞ്ഞെടുപ്പ് നിരീക്ഷണങ്ങള്‍ കുറച്ചുകൂടി കൃത്യമാക്കാമെന്നു തോന്നുന്നു. വോട്ടിംഗ് വിഹിതത്തിന്റെ സൂചനകളനുസരിച്ച് ബിജെപി യുടെ വോട്ടിംഗ് വിഹിതം കാര്യമായി വര്‍ധിച്ചിട്ടില്ല അതെ സമയം എല്‍ ഡി എഫ് വോട്ടുകള്‍ സാരമായി കുറയുകയും ചെയ്തു. കേരളത്തില്‍ ബിജെപിക്ക് വോട്ടു 
വര്‍ദ്ധിക്കാതിരിക്കാനുള്ള കാരണം മോദിവിരുദ്ധനിലപാട് തന്നെയാണ് ശബരിമല പ്രവര്‍ത്തിച്ചത് ബി ജെപി അനുകൂലവികാരമായല്ല. അങ്ങിനെയെങ്കില്‍ പത്തനംതിട്ടയിലോ തിരുവനന്തപുരത്തോ ബി ജെപി ജയിക്കുമായിരുന്നു അതുണ്ടായില്ല. മറുവശത്ത് മോദിവിരുദ്ധതരംഗം യുഡി എഫിന് അനുകൂലമായി അവര്‍ക്കൊപ്പം അഖിലേന്ത്യാതലത്തില്‍ ആര് ജയിച്ചാലും കേരളത്തില്‍ ഇടതുപക്ഷം തോല്‍ക്കണമെന്നാഗ്രഹിച്ച ഒരു വിഭാഗവും യു ഡിഎഫിന് വോട്ടു ചെയ്തു അവരില്‍ വിശ്വാസികളും അവിശ്വാസികളും തമ്മിലുള്ള വേര്‍തിരിവ് മാത്രമല്ല പ്രവര്‍ത്തിച്ചത് കേരളത്തില്‍ ഈയിടെയായി ശക്തിപ്പെട്ട ജാതീയതയും ആചാരപരതയുമെല്ലാം ഇത് ചേര്‍ന്ന് പ്രവര്‍ത്തിച്ചിട്ടുണ്ട് പല കാരണങ്ങള്‍ കൊണ്ട് നിയമസഭാതെരഞ്ഞെടുപ്പില്‍ എല്‍ 
ഡി എഫിനെ പിന്തുണച്ചവരില്‍ നിന്നാണ് ഈ വോട്ടുകള്‍ ചോര്‍ന്നത് അത് സര്‍ക്കാരിനെതിരായ വിധിയെഴുത്താണെന്നു പറയാന്‍ ആയിട്ടില്ല. അത്തരം വികാരമുണ്ടെങ്കില്‍ അത് ഉപതെരഞ്ഞെടുപ്പുകളില്‍ പ്രത്യക്ഷപ്പെടും. പ്രത്യേകിച്ച് ലോക്‌സഭയില്‍ ലീഡ് നല്‍കിയ അരൂരില്‍. 

എല്‍ ഡി എഫ് വോട്ടില്‍ വന്ന ചോര്‍ച്ച സെക്കുലര്‍ ജനാധിപത്യത്തിന്റെ വളര്‍ച്ചയെയല്ല കേരളസമൂഹത്തിന്റെ വലതുപക്ഷവത്കരണത്തെയാണ് കാണിക്കുന്നത് സ്വന്തം നിലപാടുമാറ്റത്തെ ന്യായീകരിക്കാന്‍ സ്വീകരിക്കുന്ന തന്ത്രങ്ങളാണ് ധാര്‍ഷ്ട്യം അഹന്ത കൊലപാതകരാഷ്ട്രീയം തുടങ്ങിയവ. കാരണം ഇവയൊന്നും കേരളസമൂഹത്തില്‍ കഴിഞ്ഞ എഴുപതു വര്ഷത്തിലപ്പുറമായി ചര്‍ച്ചാവിഷയമായിരുന്നു പുന്നപ്രവയലാര്‍ മുതല്‍ കോണ്‍ഗസ്സിന്റെ ക്യാമ്പെയിനും ഇവയെ കേന്ദ്രീകരിച്ചായിരുന്നു . പ്രശ്‌നംഅപ്പോള്‍ ധാര്‍ഷ്ട്യമല്ല. ഇടതുപക്ഷനിലപാടുകളില്‍ നിന്നു സമൂഹം മാറിക്കൊണ്ടിരിക്കുന്നു എന്നത് തന്നെയാണ് പ്രധാനം ബിജെപിയുടെ സ്വാധീനം വോട്ടുകളിലല്ല അവര്‍ മുന്നോട്ടു വെയ്ക്കുന്ന വിശ്വാസത്തിന്റെ രാഷ്ട്രീയവും ജാതിമതാധിഷ്ടിതചിന്തയും എത്ര മാത്രം ജനങ്ങളെ സ്വാധീനിച്ചുവെന്നതാണ് പരിശോധിക്കേണ്ടത് ശബരിമലയുടെ sabarimalayute പ്രാധാന്യവും ന്യൂനപക്ഷധ്രുവീകരണത്തിന്റെയുംപ്രാധാന്യവും ഇവിടെത്തന്നെയാണ് നമ്മെ കാര്‍ന്നുതിന്നുകൊണ്ടിരിക്കുന്ന മൂലധനാധിപത്യം ഇപ്പോള്‍ ജനങ്ങളുടെ സാമാന്യബോധമായി മാറുകയും ചെയ്യന്നു സാംസ്‌കാരികലോകവും ഇതേ ചിന്തകളുടെ സ്വാധീനത്തിലാണ്. ഇവതന്നെയാണ് ഇടതുപക്ഷസങ്കല്പങ്ങളുടെ നിരാകരണത്തിലേക്കെത്തിച്ചതും.ചിന്തകളുടെ നിരാകരണത്തെക്കാള്‍ ശക്തമായപോപ്പുലിസ്‌റ് രീതി ശരീരഭാഷയും
പെരുമാറ്റവും നിരാകരിക്കലാണ് ചിന്തകളെയും സങ്കല്പങ്ങളെയും തന്നെ ദുസ്സൂചനകളുടെയും ദുരൂഹതകളുടെയും പുകമറകള്‍ സൃഷ്ടിക്കലാണ്.ഉദാത്തമായ ആശയങ്ങളെപ്പോലും കേവലപോപ്പുലിസ്‌റ് രാഷ്ട്രീയത്തിന്റെ അടിസ്ഥാനത്തില്‍ മാത്രം വ്യാഖ്യാനിക്കുന്നതിലാണ് അതില്‍ നിസ്തുല്യമായ പങ്കാണ് മാധ്യമങ്ങള്‍ വഹിച്ചത്. കേരളസമൂഹത്തിന്റെ വലതുപക്ഷവല്‍ക്കരണത്തില്‍ മാധ്യമങ്ങള്‍ വഹിക്കുന്ന പങ്കിനെ ഒട്ടും കുറച്ച് കാണേണ്ടതില്ല ഇവയെല്ലാം എങ്ങിനെ പ്രതിരോധിക്കണമെന്നാണ് അന്വേഷിക്കേണ്ടത്

More Articles ...

Advertisement
Advertisement