യുദ്ധക്കൊതിയന്മാരുടെ ശ്രദ്ധയ്ക്ക് , പറഞ്ഞു പഴകിയ കഥ ഒന്നുകൂടി പറയുന്നു .

ലോകത്തില്‍ ഇന്നേവരെ നടന്നതില്‍ വച്ചേറ്റവും വലിയ ആണവ വിസ്‌ഫോടനമാണ് സോവിയറ്റ് യൂണിയന്‍ പരീക്ഷിച്ച Tsar Bomba . റഷ്യന്‍ അധീനതയിലുള്ള ആള്‍പ്പാര്‍പ്പില്ലാത്ത severny ദ്വീപില്‍ വീണ Tsar Bomba ഒരു പാഠപുസ്തകം ആയിരുന്നു . എന്ത് കൊണ്ട് ആണവരാഷ്ട്രങ്ങള്‍ തമ്മില്‍ യുദ്ധം പാടില്ല എന്ന പാഠം ലോകത്തെ പഠിപ്പിച്ച പാഠപുസ്തകം. 1961 ല്‍ നിര്‍മ്മിച്ച ഈ ബോംബ് 50 മെഗാടണ്‍ വിസ്‌ഫോടന ശേഷിയുള്ളതായിരുന്നു. 100 മെഗാടണ്‍ ശേഷി പ്ലാനിട്ടിരുന്നെങ്കിലും ബോംബ് ഡ്രോപ്പ് ചെയ്യാന്‍ പോകുന്ന വിമാനം തിരിച്ചെത്തില്ല എന്ന ഭയത്താല്‍ അവരത് പാതിയായി കുറച്ചു. എന്നിട്ടും വിമാനം രക്ഷപെട്ടത് കഷ്ടിച്ചാണ്. വിസ്‌ഫോടനം സൃഷ്ടിച്ച Mushroom 45 കിലോമീറ്റര്‍ വ്യാപ്തിയില്‍ പടര്‍ന്നു , 68 കിലോമീറ്റര്‍ അതിനു ഉയരമുണ്ടായിരുന്നു. ഗ്രൗണ്ട് സീറോയില്‍ നിന്നും 54 കിലോമീറ്റര്‍ അകലെ പരീക്ഷണാവശ്യങ്ങള്‍ക്കായി നിര്‍മ്മിച്ച വീടുകള്‍ എല്ലാം നശിച്ചു. 1000 കിലോമീറ്റര്‍ അകലെ കാണാവുന്ന പ്രകാശം ബോംബ് സൃഷ്ട്ടിച്ചു.
ഇനി പറയുക , ഈ ബോംബ് നിങ്ങളുടെ നഗരത്തില്‍ വീണാല്‍ ? നിങ്ങളുടെ കുടുംബം , സുഹൃത്തുക്കള്‍ ഉള്‍പ്പെടുന്ന പ്രദേശത്തു വീണാല്‍ ? 

1986 ല്‍ സോവിയറ്റ് യൂണിയന്റെ തന്നെ ഉക്രെയ്‌നിലെ Chernobyl ആണവ നിലയത്തിലെ സ്‌ഫോടനവും തുടര്‍ന്നുണ്ടായ വാതക ചോര്‍ച്ചയും മൂലം ആ പ്രദേശം തന്നെ ഉപേക്ഷിക്കപ്പെട്ടു. അണുവികിരങ്ങള്‍ ഏറ്റു രോഗബാധിതരായി മരണപ്പെട്ടവരുടെ സംഘ്യ നാലായിരത്തോളം വരും. ഇനിയുമൊരു ഇരുപതിനായിരം കൊല്ലങ്ങള്‍ ആ പ്രദേശം മനുഷ്യവാസ യോഗ്യമല്ല. 
ഇനി ചിന്തിക്കുക , നിങ്ങളുടെ വീടും , നഗരവും , ചുറ്റുവട്ടവും അണുവികിരണങ്ങളാല്‍ നിറഞ്ഞ് ആയിരക്കണക്കിന് കൊല്ലങ്ങള്‍ വാസ യോഗ്യമല്ലാതെ വന്നാല്‍ ? നിങ്ങളുടെ ഗതി എന്താകും ? നിങ്ങളും കുടുംബവും ആയുഷ്‌കാലം മുഴുവന്‍ നേടിയതെല്ലാം ഒരു മിനിറ്റില്‍ നഷ്ടമായാല്‍ ? 

കര അതിര്‍ത്തി പങ്കിടുന്ന ആണവരാജ്യങ്ങള്‍ തമ്മില്‍ യുദ്ധം വേണം എന്ന് മുറവിളി കൂട്ടുന്നവര്‍ ശരിക്കും ചെയ്യുന്നത് തലക്ക് മുകളില്‍ തൂങ്ങുന്ന വാളിന്റെ നൂലറക്കുകയാണ്. ഇന്ത്യയെക്കാളേറെ ആണവായൂദ്ധങ്ങള്‍ പക്കലുള്ള , യാതൊരു വിധമായ പൊളിറ്റിക്കല്‍ നിയന്ത്രണങ്ങളും അവയ്ക്ക് മേല്‍ ഇല്ലാത്ത പാകിസ്ഥാന്‍ ഒരു യുദ്ധമുണ്ടായാല്‍ അവ ഉപയോഗിക്കില്ല എന്ന് ആര്‍ക്ക് എന്തുറപ്പ് ? ഈ യുദ്ധത്തില്‍ ജയിക്കുന്നവനെയല്ല , തോല്‍ക്കുന്നവനെയാണ് ഭയപ്പെടേണ്ടത്. അതിര്‍ത്തിയിലെ വെടിവെയ്പ്പല്ല യുദ്ധം , യഥാര്‍ത്ഥ യുദ്ധം എന്നാല്‍ ഇന്‍വേഷന്‍ കൂടിയാണ്. ബലം പ്രയോഗിച്ചുള്ള കടന്നു ചെല്ലല്‍. അതംഗീകരിക്കാന്‍ ഏതെങ്കിലും രാജ്യം തയ്യാറാകുമോ ? അവര്‍ ആണവായൂദ്ധം പ്രയോഗിക്കുക തന്നെ ചെയ്യും. അവര്‍ക്കു നഷ്ടപ്പെടാന്‍ ഒന്നുമില്ല . എന്നാല്‍ ഇന്ത്യക്ക് ? ലോകത്തിലെ ഏറ്റവും വലിയ 7 മത്തെ ഇക്കോണമി ആയ , ചൊവ്വയില്‍ വരെ മുദ്ര പതിപ്പിച്ച നമ്മള്‍ കഴിഞ്ഞ അര നൂറ്റാണ്ടു കൊണ്ട് നേടിയെടുത്തതെല്ലാം വലിച്ചെറിഞ്ഞു ശിലായുഗത്തിലേക്ക് മടങ്ങി പോകുന്നതിനു തുല്യമാകുമത്. ഇനി ഇന്ത്യ പാകിസ്ഥാനെ തകര്‍ത്തു വിജയം നേടി എന്ന് വയ്ക്കുക .അപ്പോള്‍ അവിടെ നിന്നും ആരംഭിക്കാന്‍ പോകുന്ന കോടിക്കണക്കിനു മനുഷ്യരുടെ കുടിയേറ്റം എങ്ങനെ തടയും ? എന്ത് പ്രതിവിധിയാണ് അതിനുള്ളത് ? 

നിരന്തരമായി നമ്മളെ ആക്രമിക്കുന്ന തീവ്രവാദികള്‍ക്ക് മറുപടി കൊടുക്കണ്ടേ ? വേണം. നമ്മുടെ പ്രതിരോധ വകുപ്പിലെ ഉദ്യോഗസ്ഥര്‍ ചിന്തിക്കാനും പ്രവര്‍ത്തിക്കാനും പ്രാപ്തരാണ്. നമ്മുടെ സുരക്ഷയ്ക്ക് മുന്‍ഗണന കൊടുത്തു കൊണ്ട് തന്നെ വേണ്ടത് ചെയ്യാന്‍ അവര്‍ക്ക് സാധിക്കും. ടീവിയില്‍ റെസ്ലിങ് കാണാന്‍ കാത്തിരിക്കുന്ന കുട്ടിയുടെ മനസ്സോടെ യുദ്ധം കാണാന്‍ കൊതി കൊണ്ടിരിക്കുന്നവര്‍ അല്‍പ്പം ചരിത്രം പഠിച്ചാല്‍ ആ കൊതിയങ്ങു മാറികിട്ടും. 

'' ഇനി പാകിസ്ഥാന്‍ അനങ്ങിയാല്‍ നമ്മള്‍ കയറിയങ്ങു തകര്‍ക്കും '' എന്ന ധാരണ ജനങ്ങള്‍ക്ക് ഉണ്ടാക്കി വെച്ചതില്‍ നരേന്ദ്ര മോഡി എന്ന പ്രധാനമന്ദ്രിയുടെ പങ്ക് ചില്ലറയല്ല. പണ്ട് മിതഭാഷിയും വികാരത്തിനടിമപ്പെടാത്തവുമായ മന്‍മോഹന്‍ സിംഗിനെ ഇത്തരം അവസരങ്ങളില്‍ പിന്തുണയ്ക്കുന്നതിനു പകരം അവസരം നോക്കി രാഷ്ട്രീയ മുതലെടുപ്പിന് വേണ്ടി ശ്രമിച്ച മോദിയെ ഇന്നത് തിരിഞ്ഞു കൊത്തുകയാണ്. മോഡി ഇന്നു മറുപടി പറയേണ്ടി വരുന്നത് എതിര്‍പക്ഷത്തോടല്ല , സ്വന്തം ആരാധകരോടാണ്.

അതി വൈകാരികമായി ദേശസ്‌നേഹം ചൊരിഞ്ഞു കൊണ്ട് യുദ്ധത്തിന് വേണ്ടി മുറവിളികൂട്ടുന്ന ബ്ലോഗെഴുത്തു സൂപ്പര്‍ സ്റ്റാറുകളും മറ്റു നേതാക്കളും ഏത് നിമിഷവും ലോകത്തിലെ ഏത് സുരക്ഷിത താവളത്തിലേക്കും പറക്കാന്‍ കെല്‍പ്പുള്ളവരാണ്. നിങ്ങള്‍ അങ്ങനെയാണോ ?

ഇനി മറിച്ചൊരു ചിന്ത . നമ്മള്‍ അക്രമിക്കപ്പെട്ടാല്‍ ? ഒരു വന്‍ കടന്നു കയറ്റവും യുദ്ധവും നേരിടേണ്ടി വന്നാല്‍ ? അത് സുരക്ഷയ്ക്കും സുഖജീവിതത്തിനും അപ്പുറം നമ്മുടെ നിലനിപ്പിനു വേണ്ടിയുള്ള പോരാട്ടമാണ്. ഇന്ത്യയില്‍ എല്ലാ തരത്തിലുമുള്ള മത തീവ്രവാദികളുണ്ട് , വിഘടനാവാദികളുണ്ട് , കള്ളന്മാരും , കൊലയാളികളും , കറപ്പറ്റ്‌സും ഉണ്ട്. പക്ഷെ ഒപ്പം 130 കോടി മനുഷ്യരുടെ വീട് കൂടിയാണ് ഇന്ത്യ. ഞാന്‍ ഇന്നത്തെ ഭരണകൂടത്തിനെതിരാണ് , പക്ഷെ രാജ്യത്തിനെതിരല്ല. ഭരണകൂടത്തിനെതിര് നില്‍ക്കണമെങ്കില്‍ പോലും ഞാന്‍ ചവിട്ടി നില്‍ക്കുന്ന മണ്ണ് അവിടെ വേണമെന്ന് എനിക്ക് ബോധ്യമുണ്ട്. നമ്മള്‍ 130 കോടി ജനങ്ങളാണ് , നമുക്കാരും അഭയം തരില്ല , കോടിക്കണക്കിനു ഇന്ത്യക്കാരെ ഏറ്റെടുക്കാന്‍ ഒരു സമ്പന്ന രാജ്യവും തയ്യാറാകില്ല , ഇവിടുത്തെ ഭൂരിപക്ഷം ദരിദ്രരായ ഇരുണ്ട നിറമുള്ള ഇന്ത്യന്‍ മുസ്ലിമിനെ ഒരറബി രാജ്യവും കൈപിടിച്ചു കയറ്റില്ല. ഇന്നും അവനവന്റെ ഗ്രാമം വിട്ടു പുറത്തു പോയിട്ടില്ലാത്ത പാവങ്ങള്‍ക്ക് കാല്‍നടയായി താണ്ടാവുന്ന ദൂരം താണ്ടി മരിച്ചു വീഴുകയെ നിവ്യത്തിയുള്ളു. നമുക്ക് പോകാന്‍ പിന്നെ ഇന്ത്യന്‍ മഹാസമുദ്രം മാത്രമേ ഉള്ളു. അത് കൊണ്ട് ഗതി കെട്ടാല്‍ നമ്മള്‍ പ്രതികരിക്കണം . Never use first policy യില്‍ വിശ്വസിക്കുന്ന നമ്മള്‍ നിലനില്‍പ്പിനാവശ്യമായാല്‍ അത് ചെയ്യണം. അത് പക്ഷെ തിന്നിട്ടു എല്ലിന്റ്റിടയില്‍ കയറി ടീവിയില്‍ യുദ്ധം കാണാന്‍ വേണ്ടിയല്ല.

നമ്മള്‍ ഇവിടെ തന്നെ ഉണ്ടാകണം , ഉണ്ടാകും. London Has Fallen ലെ ഡയലോഗ് കടമെടുക്കുന്നു .

' We're not a fucking building! We're not a fucking flag! We're not just one man! Assholes like you have been trying to kill us for a long fucking time. But you know what? A thousand years from now, we'll still fucking be here! '
What'sapp copy.

പുല്‍വാമയില്‍ ഭീകരാക്രമണത്തില്‍ കൊല്ലപ്പെട്ട ജവാന്റെ മൃതദേഹത്തിനുമുന്നില്‍ നിന്നും സെല്‍ഫിയുമായി കേന്ദ്രമന്ത്രി അല്‍ഫോണ്‍സ് കണ്ണന്താനം. പുല്‍വാമയില്‍ കൊല്ലപ്പെട്ട വി വി വസന്തകുമാറിന്റെ മൃതദേഹം വസതിയില്‍ കൊണ്ടുവന്നപ്പോഴാണ് കണ്ണന്താനം സെല്‍ഫിയെടുക്കുകയും തുടര്‍ന്ന് ചിത്രംസഹിതം ഫേസ്ബുക്കിലും ട്വിറ്ററിലും പോസ്റ്റ് ചെയ്യുകയും ചെയ്തത്.


എന്നാല്‍ ഇതിനെതിരെ രൂക്ഷമായ വിമര്‍ശമാണ് സോഷ്യല്‍ മീഡിയയില്‍ ഉയര്‍ന്നത്. മരണവീട്ടില്‍ പബ്ലിസിറ്റിക്കായി സെല്‍ഫിയെടുത്ത് ഒരു കേന്ദ്രമന്ത്രി തന്നെ ഇത്തരത്തില്‍ അപക്വമായ പ്രവൃത്തി നടത്തരുതെന്നായിരുന്നു സോഷ്യല്‍ മീഡിയയിലൂടെ അനേകം ആളുകള്‍ ചൂണ്ടിക്കാണിച്ചത്. തുടര്‍ന്ന് കണ്ണന്താനം ഫേസ്ബുക്ക് പോസ്റ്റ് പിന്‍വലിച്ചെങ്കിലും രാത്രി വൈകിയും ട്വിറ്റര്‍ അക്കൗണ്ടില്‍ നിന്ന് പോസ്റ്റ് പിന്‍വലിച്ചിരുന്നില്ല.. 


More Articles ...