സംസ്ഥാനത്ത് വീടുംസ്ഥലവുമില്ലാത്തവര്‍ക്ക് സഹകരണ വകുപ്പിന്റെ നേതൃത്വത്തില്‍ രണ്ടായിരം ഫ്ളാറ്റുകള്‍ നിര്‍മിച്ചു നല്‍കുമെന്ന് സഹകരണ വകുപ്പ് മന്ത്രി കടകംപള്ളി സുരേന്ദ്രന്‍ പറഞ്ഞു. ആവോലി മള്‍ട്ടി പര്‍പ്പസ് കോ-ഓപ്പറേറ്റീവ് സൊസൈറ്റിയുടെ ഉദ്ഘാടനം നിര്‍വഹിച്ചു സംസാരിക്കുക ആയിരുന്നു മന്ത്രി.. സര്‍ക്കാരോ സ്വകാര്യ വ്യക്തികളോ സൗജന്യമായി നല്‍കുന്ന ഭൂമിയിലായിരിക്കും ഇത്തരത്തില്‍ സൗജന്യ ഫ്ളാറ്റുകള്‍ നിര്‍മിച്ചു നല്‍കുന്നതെന്നും മന്ത്രി കൂട്ടിച്ചേര്‍ത്തു.

സംസ്ഥാനത്ത് പ്രളയ പുനരധിവാസത്തിന്റെ ഭാഗമായി 2000 വീടുകളാണ് സഹകരണ വകുപ്പ് പുനര്‍ നിര്‍മിക്കുന്നത്. ഇതില്‍ 200 വീടുകളുടെ നിര്‍മാണം പൂര്‍ത്തിയായി. ഇതിന്റെ താക്കോല്‍ ദാനം 26 ന് വീഡിയോ കോണ്‍ഫറന്‍സിലൂടെ മുഖ്യമന്ത്രി പിണറായി വിജയന്‍ നിര്‍വ്വഹിക്കും. ബാക്കി 1800 വീടുകളുടെ നിര്‍മാണം ഏപ്രിലിന് മുന്‍പ് പൂര്‍ത്തിയാക്കുമെന്നും കടകംപള്ളി പറഞ്ഞു.

സംസ്ഥാനത്തെ സഹകരണ മേഖലയുടെ പ്രവര്‍ത്തനം ഇതര സംസ്ഥാനങ്ങള്‍ക്കു പോലും അത്ഭുതമാണ്. ജനങ്ങളുടെ പിന്തുണയാണിതിന് കാരണം. നോട്ടു നിരോധനം വഴി ഈ മേഖലയെ തകര്‍ക്കാനുള്ള നീക്കം പരാജയപ്പെട്ടത് കേരളീയ സമൂഹം ഒറ്റക്കെട്ടായി ചെറുത്തതു കൊണ്ടാണ്. അഴിമതി രഹിത സഹകരണ പ്രസ്ഥാനമാണ് സര്‍ക്കാരിന്റെ ലക്ഷ്യം. അഴിമതിയും കെടുകാര്യസ്ഥതയും മൂലം തകര്‍ന്നിരുന്ന കണ്‍സ്യൂമര്‍ഫെഡ് അടക്കമുള്ള പല സഹകരണ സ്ഥാപനങ്ങളും സര്‍ക്കാരിന്റെ ഈ നയം മൂലം ഇപ്പോള്‍ വളര്‍ച്ചയുടെ പാതയിലാണ്. കേരള ബാങ്കിന്റെ വരവില്‍ രാഷ്ട്രീയം കലര്‍ത്തി തകര്‍ക്കാന്‍ ശ്രമിക്കുന്നത് വേദനാജനകമാണെന്നും മന്ത്രി കൂട്ടിച്ചേര്‍ത്തു.

എല്‍ദോ എബ്രഹാം എംഎല്‍എ അധ്യക്ഷത വഹിച്ചു. സംഘം പ്രസിഡന്റ് കെ ഇ മജീദ് സ്വാഗതം പറഞ്ഞു. ആവോലി ഗ്രാമ പഞ്ചായത്ത് പ്രസിഡന്റ് ജോര്‍ഡി എന്‍ വര്‍ഗീസ്, ബ്ലോക്ക് പഞ്ചായത്ത് മെമ്പര്‍ ടി എം ഹാരിസ്, പഞ്ചായത്ത് വൈസ് പ്രസിഡന്റ് ബല്‍ക്കീസ് റഷീദ്, വികസനകാര്യ സ്റ്റാന്റിംഗ് കമ്മിറ്റി ചെയര്‍മാന്‍ മുഹമ്മദ് അയ്യൂബ്ഖാന്‍, മെമ്പര്‍മാരായ സുഹറ സിദ്ദീഖ്, എം കെ അജി, മോളി ജയിംസ്, ആനിക്കാട് സര്‍വ്വീസ് സഹകരണ ബാങ്ക് പ്രസിഡന്റ് വി കെ ഉമ്മര്‍, വൈസ്പ്രസിഡന്റ് എം എം മുഹമ്മദ്കുഞ്ഞ്, സംഘം ഹോണററി സെക്രട്ടറി കുരുവിള മാങ്കൂട്ടം എന്നിവര്‍ സംസാരിച്ചു


കഷ്ടപ്പെട്ട് നുണ എഴുതി വരുമ്പോള്‍ അടപടലം പൊളിയുന്നത് എന്ത് കഷ്ടമാണ്.
മനോരമയുടെ മൂന്ന് നുണ വാര്‍ത്തകള്‍.

1- ഫെബ്രുവരി 13 ന് മനോരമ ഓണ്‍ലൈന്‍ നല്‍കിയ എക്സ്‌ക്ലൂസീവ് വാര്‍ത്തയുടെ തലക്കെട്ട് ഇങ്ങനെ: കടലാസിന് കാശു നല്‍കാതെ സര്‍ക്കാര്‍; കുട്ടികള്‍ പുസ്തകമില്ലാതെ പാഠം പഠിക്കും. 

ഈ വാര്‍ത്ത തയ്യാറാക്കുന്ന സമയത്തു തന്നെ ആവശ്യമായ 32563500 പുസ്തകങ്ങള്‍ സ്‌കൂളുകളില്‍ എത്തിക്കാനുള്ള നടപടി പൂര്‍ത്തിയായിരുന്നു. 


2 അടുത്ത നുണബോംബ് പൊട്ടിച്ചത് ഫെബ്രുവരി 16 ന്. ട്രഷറി നിയന്ത്രണം: കുട്ടികളുടെ കഞ്ഞി മുടങ്ങുമോ? എന്ന സംശയത്തോടെയായിരുന്നു വാര്‍ത്ത. 

സ്‌കൂളില്‍ കഞ്ഞിയും പയറുമൊക്കെ നിര്‍ത്തി ചോറും കറിയും രണ്ടു കൂട്ടം വിഭവങ്ങളുമായെന്ന വിവരമൊന്നും ലേഖകനില്ല. 2019 മാര്‍ച്ച് 31 വരെ ഉച്ചഭക്ഷണം നല്‍കാന്‍ ആവശ്യമായ തുക ഇ ട്രാന്‍സ്ഫര്‍ വഴി പ്രഥമാധ്യാപകരുടെ അക്കൗണ്ടിലേക്ക് ജനുവരിയില്‍ തന്നെ ട്രാന്‍സ്ഫര്‍ ചെയ്തിട്ടുണ്ട്. തുക മുന്‍കൂര്‍ നല്‍കുന്ന കേരളത്തിന്റെ രീതിയിയെ 10 /05/ 2018 കേന്ദ്ര മാനവ വിഭവശേഷി മന്ത്രാലയത്തിന്റെ യോഗം പ്രശംസിച്ചിരുന്നു. ഇത് മാതൃകയാക്കണമെന്ന് മറ്റു സംസ്ഥാനങ്ങളോട് കേന്ദ്രം നിര്‍ദേശിക്കാറുമുണ്ട്. 



3 ഫെബ്രുവരി 16ന് തന്നെ മനോരമ ഓണ്‍ലൈനില്‍ അടുത്ത നുണ വാര്‍ത്തയും കൊണ്ടുവന്നു. 'കര്‍ഷകര്‍ക്കുള്ള 6000 അക്കൗണ്ടിലിട്ട് മോദി, കേരളത്തില്‍ നടപ്പാ്കകാതെ സര്‍ക്കാര്‍' ഇതായിരുന്ു തലക്കെട്ട്. 

മനോര ഈ പറയുന്ന സഹായം കേന്ദ്ര സര്‍ക്കാര്‍ പരസ്യത്തിലെ ഗോപാല്‍ജിക്ക് പോലും കിട്ടിയിട്ടില്ല എന്നതാണ് സത്യം. ഈ പറയുന്ന പദ്ധതി 24ന് ഉത്തര്‍പ്രദേശിലെ ഗൊരഖ്പുരില്‍ പ്രധാനമന്ത്രി ഉദ്ഘാടനം ചെയ്യുമെന്നാണ് ബിജെപി നേതാക്കള്‍ പറയുന്നത്. തെരഞ്ഞെടുത്ത കര്‍ഷകര്‍ക്ക് ആദ്യഗഡുവായ 2000 രൂപ അന്ന് വിതരണം ചെയ്യുമെന്നാണ് അറിയുന്നത്. അര്‍ഹരായ കര്‍ഷകരുടെ പട്ടിക 25നകം അയക്കണമെന്നാണ് കേന്ദ്രം സംസ്ഥാനസര്‍ക്കാരുകളോട് നിര്‍ദേശിച്ചിട്ടുള്ളത്.


ഒരു സംസ്ഥാനത്തും ഒരു കര്‍ഷകര്‍ക്കു പോലും ഇതുവരെ ലഭിച്ചിട്ടില്ലാത്ത, ഇതുവരെ ആരംഭിച്ചിട്ടുപോലുമില്ലാത്ത ധനസഹായപദ്ധതിയുടെ പേരിലാണ് മനോരമയുടെ കള്ളക്കഥ. 

പണ്ട് കമ്യൂണിസ്റ്റുകാര്‍ അധികാരത്തില്‍ വന്നാല്‍ വിഷം മേടിക്കാന്‍ കണ്ടത്തിലോടിയ മാമ്മന്‍ മാപ്പിളയുടെ കാലമല്ല ഇതെന്ന് മനോരമ ലേഖകര്‍ വെറുതെയൊന്ന് ഓര്‍ക്കുന്നത് നല്ലതായിരിക്കും. കയ്യിലിരിക്കുന്ന ഫോണെടുത്ത് മന്ത്രിമാരുടെ പേജുകളൊന്ന് പരതിയാല്‍ പൊളിയാവുന്നതേയുള്ളൂ നിങ്ങളീ കെട്ടിപ്പൊക്കുന്നതൊക്കെയും. അല്ല, ഈ ഫോണും നെറ്റുമൊക്കെ വരുന്നതിന് മുന്‍പെയും മനോരമ ഈ പണിതുടങ്ങിതാണല്ലോ.. എന്നി്ട്ടെന്തായി..

More Articles ...