ഇതര ജാതിക്കാര്‍ ചന്തയില്‍ കയറിയതിന് . 
തിരുവിതാംകൂര്‍ കൊട്ടാരത്തിനു നേരെ നായന്മാര്‍ കല്ലെറിഞ്ഞിട്ടുണ്ട്.. 
അഖിലേഷ് എം എഴുതുന്നു.

കേരളത്തില്‍ ഇടതുപക്ഷം തോറ്റു. മിക്കയിടത്തും 1ലക്ഷത്തില്‍ കൂടുതല്‍ ഭൂരിപക്ഷം. വോട്ട് ഷെയര്‍ 6 ശതമാനത്തോളം കുറഞ്ഞു. ആകെ 3 എംപിമാര്‍ ആണുള്ളത്. പശ്ചിമബംഗാളിലും ത്രിപുരയിലും സീറ്റുകള്‍ ഒന്നുമില്ല. മൂന്നാം സ്ഥാനത്തേയ്ക്ക് പോകുകയും ചെയ്തു.

ശരി ഇനി തുടങ്ങാം.

പൊതുബോധം എന്ന ഒന്നുണ്ട്. നിലനില്‍ക്കുന്ന സാമൂഹ്യ വ്യവസ്ഥിതിയുടെ, പരമ്പര്യത്തിന്റെ എല്ലാ ഇരുട്ടും അതിലുണ്ട്. വസ്തുതയോ മാനവികതയോ അതില്‍ ഉണ്ടാകില്ല. അതിനൊപ്പം നടക്കാന്‍ ആണ് പൊതുവെ മനുഷ്യര്‍ ഇഷ്ടപെടുക. ബൗദ്ധികവും ശാരീരികവും ആയ റിസ്‌ക് ഇല്ല എന്നതാണ് അതിന്റെ ഗുണം. 

പൊതുബോധത്തിന് ഒപ്പം സഞ്ചരിച്ചാല്‍ കാലം നിന്നിടത്തു നിന്ന് കറങ്ങുകയെ ഉള്ളൂ.
അതിനെതിരെ പറഞ്ഞും കേട്ടും ചിന്തിച്ചും ഒക്കെയാണ്, സമൂഹങ്ങള്‍ ഇവിടം വരെ എത്തുന്നതും. അതിനു ശ്രമിക്കുന്നതും. 
അതിനു എതിരെ എപ്പോഴൊക്കെ ശബ്ദം ഉയര്‍ന്നിട്ടുണ്ടോ അപ്പോഴൊക്കെ പൊതുബോധത്തെ ലീഡ് ചെയ്യുന്ന വരേണ്യത ശക്തിയായി തിരിച്ചടിച്ചിട്ടുണ്ട്.

പണ്ട് തിരുവിതാംകൂര്‍ കൊട്ടാരത്തിനു നേരെ നായന്മാര്‍ കല്ലെറിഞ്ഞ സംഭവം ഉണ്ടായിട്ടുണ്ട്.ഇതര ജാതിക്കാര്‍ ചന്തയില്‍ കയറിയതിനാണ്. ശബരിമല വിഷയത്തില്‍ പിണറായിയുടെ ധാര്‍ഷ്ട്യം തോല്‍പ്പിച്ചു എന്ന് കൈകൊട്ടുന്ന മനുഷ്യര്‍, പ്രേതേകിച്ചും കോണ്‍ഗ്രസ്‌കാര്‍, ഓര്‍ക്കുക. ഗോവധനിരോധനം നിയമം ആകാതെ നിര്‍ദ്ദേശക തത്വങ്ങളില്‍ കൊണ്ടിട്ട, നെഹ്രുവിന്റെ നടപടി റെഫറണ്ടതിനു വെച്ചെങ്കില്‍ അയാള്‍ പരാജയപ്പെട്ടേനെ. ഗാന്ധി മരിച്ചോട്ടെ എന്നു കൂടി ചിന്തിച്ച നാടാണിത്.

ഇന്ത്യയെ അതേ പോലെ നിര്‍ത്താന്‍, ഗാന്ധിയെ നെഹ്രുവോ അംബേദ്കറോ ആവശ്യം ഇല്ലായിരുന്നു. രാജാക്കന്മാരും സെമീന്ദാര്‍മാരും കുറച്ചു കൂടി പിന്നോട്ട് കൊണ്ടു പോയി പരമ്പര്യയത്തില്‍ നര്‍ത്തിയേനെ. പറഞ്ഞു വന്നത്, ജനങ്ങള്‍ക്ക് ആവശ്യമുള്ളത്, അവരുടെ വിസമ്മതത്തിലും കൊടുക്കുക എന്നതാണ് രാഷ്ട്രീയ പാര്‍ട്ടികള്‍, അവരോട് ചെയ്യേണ്ടത്. അപ്പോള്‍ നടുമ്പുറത് തന്നെ അടികിട്ടും, പക്ഷെ കാലത്തിന്റെ മണി മുഴക്കി മുന്നോട്ട് പോകുക എന്നതാണ് പ്രബുദ്ധതയുള്ള സംഘടനയുടെ, മനുഷ്യരുടെ ലക്ഷ്യം.

അധികാരം ആവശ്യമാണ്. പക്ഷെ അധികാരം മാത്രം മതിയെങ്കില്‍ എല്ലാരൂം ബിജെപി ആയാല്‍ മതിയല്ലോ. ഇടതുപക്ഷതിനു സ്‌പേസ് ഉണ്ടാകുക, നിലപാട് ഉണ്ടാകുക എന്നത് കൂടിയാണ് പ്രധാനം. അത് കൊണ്ടാണ്, കോണ്‍ഗ്രസ് തോറ്റത് തങ്ങള്‍ക്ക് വേദന തന്നെയെന്ന് കോടിയേരിക്ക് പറയാന്‍ കഴിയുന്നത്. അതെന്താണ് എന്നുള്ള അറിവില്ലായ്മയാണ്, ദേശിയ അധ്യക്ഷന്‍ വരെ പരാജയപ്പെട്ട തെരഞ്ഞെടുപ്പില്‍, കമ്മികള്‍ തോറ്റത്തില്‍ തുള്ളിച്ചാടുന്ന കോണ്‍ഗ്രസ് കൂട്ടം.
ഒരു അഭ്യര്‍ഥന ഉണ്ട്, മോദിയെ ഭയന്ന്, നിങ്ങളെ വിഷ്വസിച്ചിട്ട് വോട്ട് തന്ന ജനസമൂഹം ഉണ്ട്, അവരെ ചതിക്കരുത്.

വോട്ട് കിട്ടിയിട്ട് വേണ്ട, സംഘ്പരിവറിനെതിരെ ഇടതിന് പറയാന്‍.
അതവരുടെ ശീലമാണ്, ലക്ഷ്യമാണ്. അത് ഇനിയും തുടരുകയും ചെയ്യും. പിണറായി മുതല്‍ നിങ്ങടെ നാട്ടിലെ ബ്രാഞ്ച് സെക്രട്ടറി വരെ ആര്‍ എസ് എസിന്റെ ഏറ്റവും വലിയ ശത്രു ആകുന്നത് അതുകൊണ്ടാണ്. 

പിണറായിയുടെ ധാര്‍ഷ്ട്യം ചര്‍ച്ച ചെയ്തു വാ കഴച്ചവര്‍, കുറെയുണ്ട്. അയാളെ ജാതി പറഞ്ഞു തെറി വിളിക്കുന്ന, മുഖത്തെ വസൂരികലയില്‍, അച്ഛന്റെ പേരില്‍ പുച്ഛം തോന്നുന്ന ജാതി തമ്പ്രക്കാള്‍ മുതല്‍ മുന്‍ കമ്മ്യൂണിസ്‌റ്കള്‍ വരെയുണ്ട്. കുറച്ചു കൂടി സുഖം തരുന്ന, വാട്‌സാപ് ഫോര്‍വേഡുകള്‍ പോലെ സിംപിള്‍ ആയ പ്രവൃത്തിയാണത്.
അയാള്‍ക്കും അയാളുടെ പാര്‍ട്ടിക്കും പക്ഷെ പണിയുണ്ട്. അതവര്‍ ചെയ്‌തോളും

പുറത്തു അടി കിട്ടിയ സഖാവ് കൃഷ്ണപിള്ള പറഞ്ഞത് മുന്നോട്ട് പോകാന്‍ ആണ്. അയാള്‍ക്ക് ഒപ്പമാണ്
അയാളുടെ പുറത്തടിച്ചവര്‍ക്ക് ഒപ്പമല്ല കാലം മുന്നോട്ടു പോയത്.
അമ്പലത്തില്‍ ആളെല്ലാം കേറി തുടങ്ങിയത് അങ്ങനൊക്കെ ആണ്.

'ശൈലിയില്‍ മാറ്റം വരുത്തില്ല. നിലപാടില്‍ ഉറച്ചു നില്‍ക്കുന്നു. ഈ ശൈലിയിലൂടെയാണ് ഈ സ്ഥാനത്തെത്തിയത്. തോല്‍വിയെ ഗൗരവമായി കാണുന്നു. തിരുത്തേണ്ടത് തിരുത്തും.'
-പിണറായി വിജയന്‍, കേരളാ മുഖ്യമന്ത്രി.

അപ്പോള്‍ ശരി.
ഗോ ടു യുവര്‍ ക്ലാസ്സസ്..

മുഖ്യമന്ത്രി പിണറായി വിജയന്‍ കണ്ണടച്ച് ഇരുട്ടാക്കുകയാണെന്ന് പ്രതിപക്ഷ നേതാവ് രമേശ് ചെന്നിത്തല. ജനവിധിയില്‍ നിന്ന് പാഠം പഠിക്കാന്‍ മുഖ്യമന്ത്രി തയ്യാറല്ലെന്ന് ചെന്നിത്തല കുറ്റപ്പെടുത്തി. തെരഞ്ഞെടുപ്പ് തോല്‍വിക്ക് ശേഷമുള്ള പിണറായിയുടെ ആദ്യ പ്രതികരണത്തെ വിമര്‍ശിക്കുകയായിരുന്നു ചെന്നിത്തല. 

ലോക്‌സഭാ തെരഞ്ഞെടുപ്പ് ഫലം നരേന്ദ്രമോദിക്കും പിണറായിക്കും എതിരാണ്. മുഖ്യമന്ത്രിയായി ഭരണത്തില്‍ തുടരാന്‍ പിണറായിക്ക് ധാര്‍മിക അവകാശമില്ലെന്നും രാജിവയ്ക്കണമെന്നും രമേശ് ചെന്നിത്തല പറഞ്ഞു. മുഖ്യമന്ത്രിയുടെ ശൈലി യുഡിഎഫിന് ഗുണമാണ്. മുഖ്യമന്ത്രി ഇപ്പോഴത്തെ ശൈലി മാറ്റരുതെന്നാണ് യുഡിഎഫിന്റെ ആഗ്രഹമെന്നും ചെന്നിത്തല പരിഹസിച്ചു.

ബിജെപിക്ക് പോയത് സി പി എമ്മിന്റെ വോട്ടുകളാണെന്നും തിരിച്ചടി തിരിച്ചറിയാത്തത് കേരളത്തില്‍ പിണറായി മാത്രമാണെന്നും അദ്ദേഹം കുറ്റപ്പെടുത്തി. ശബരിമല തെരഞ്ഞെടുപ്പിലെ പ്രധാന വിഷയമായിരുന്നെന്നും ചെന്നിത്തല കൂട്ടിച്ചേര്‍ത്തു. ബിജെപിയെ ദുര്‍ബലപ്പെടുത്തി കോണ്‍ഗ്രസിനെ ശക്തിപ്പെടുത്താനാണ് മുഖ്യമന്ത്രിയുടെ ആഗ്രഹമെന്നും രമേശ് ചെന്നിത്തല പറഞ്ഞു.

തെരഞ്ഞെടുപ്പ് വിധി അംഗീകരിക്കുന്നില്ലെന്നാണ് മുഖ്യമന്ത്രി പറയുന്നത്. പത്തനംതിട്ടയില്‍ ബിജെപി ജയിക്കണമെന്നായിരുന്നു മുഖ്യമന്ത്രിയുടെ ആഗ്രഹമെന്നും മൂന്ന് കോടി ജനങ്ങള്‍ക്ക് തെറ്റ് പറ്റിയെന്നാണ് മുഖ്യമന്ത്രി പറയുന്നതെന്നും ചെന്നിത്തല വിമര്‍ശിച്ചു.

More Articles ...

Advertisement
Advertisement