വയനാട് പനമരം നിര്‍വാരത്ത് കടബാധ്യതമൂലം കര്‍ഷകന്‍ ആത്മഹത്യ ചെയ്തു. നീര്‍വാരം സ്വദേശി ദിനേശന്‍ ആണ് ആത്മഹത്യ ചെയ്തത്.നാല് ബാങ്കുകളിലായി 20 ലക്ഷത്തോളം രൂപ കടബാധ്യതയുള്ളതായി ബന്ധുക്കള്‍ പറഞ്ഞു

പനമരം നീര്‍വാരത്തെ ദിനേശ് മന്ദിരത്തില്‍ ദിനേശനാണ് കടബാധ്യത മൂലം ആത്മഹത്യ ചെയ്തത്. ഇന്നലെ രാത്രി വീട്ടില്‍ വെച്ച് വിഷം കഴിച്ച ദിനേശനെ മാനന്തവാടി ജില്ലാ ആശുപത്രിയില്‍ പ്രവേശിപ്പിച്ചെങ്കിലും പുലര്‍ച്ചയോടെ മരണം സംഭവിക്കുകയായിരുന്നു. കൃഷി ആവശ്യാര്‍ത്ഥം വിവിധ ബാങ്കുകളില്‍നിന്ന് ദിനേശന്‍ ലോണ്‍ എടുത്തിരുന്നു. ഭൂപണയ ബാങ്ക് കനറാ ബാങ്ക്, നോര്‍ത്ത് മലബാര്‍ ഗ്രാമീണ ബാങ്ക് പനമരം സര്‍വീസ് സഹകരണ ബാങ്ക് എന്നിവിടങ്ങളിലായി 20 ലക്ഷത്തിന് മുകളില്‍ കടബാധ്യത ഉള്ളതായി സഹോദരന്‍ ദിലീപ് പറഞ്ഞു

എന്‍എസ്എസിനെതിരെ പരോക്ഷ വിമര്‍ശനവുമായി ബിജെപി. വിശ്വസിച്ച സാമുദായിക സംഘടന വഞ്ചിച്ചുവെന്ന് പത്തനംതിട്ടയില്‍ നടന്ന അവലോകന യോഗത്തില്‍ വിമര്‍ശനമുയര്‍ന്നു. പാര്‍ട്ടിയില്‍ നിന്നും വോട്ട് ചോര്‍ന്നതായും ആരെയും പഴി ചാരാനില്ലെന്നും കെ. സുരേന്ദ്രന്‍ തുറന്നടിച്ചു.

പത്തനംതിട്ട മണ്ണില്‍ റീജന്‍സി ഹോട്ടലില്‍ നടന്ന യോഗത്തിനിടെയാണ് വിമര്‍ശനം. വിശ്വസിച്ച സാമുദായിക സംഘടന തെരഞ്ഞെടുപ്പില്‍ വഞ്ചിച്ചുവെന്ന് എന്‍എസ്എസിനെ ലക്ഷ്യമിട്ട് യോഗത്തില്‍ വിമര്‍ശനമുയര്‍ന്നു. ചിലരുടെ വാക്ക് വിശ്വസിച്ചത് അബദ്ധമായിപ്പോയി. മിന്നുന്നതെല്ലാം പൊന്നല്ലെന്ന് തെരഞ്ഞെടുപ്പോടെ വ്യക്തമായി. പി സി ജോര്‍ജ്ജില്‍ നിന്നും ഒരു ഗുണവും ഉണ്ടായില്ലെന്നും ആക്ഷേപമുയര്‍ന്നു.


തെരഞ്ഞെടുപ്പില്‍ പാര്‍ട്ടിക്ക് ലഭിക്കേണ്ട വോട്ടുകള്‍ ലഭിച്ചില്ല. കൂടെ നിന്നവരും ശത്രുപക്ഷത്തെ സഹായിച്ചു. പല ബൂത്തിലും പ്രതീക്ഷിച്ച വോട്ട് കിട്ടിയില്ലെന്നും ഓരോ ബൂത്തുകളില്‍ നിന്നും 30 വീതം വോട്ടുകളെങ്കിലും നഷ്ടമായതായും സുരേന്ദ്രന്‍ തുറന്നടിച്ചു. ബിജെപി തെരഞ്ഞെടുപ്പ് പ്രചാരണത്തിന് ചുക്കാന്‍ പിടിച്ച സംസ്ഥാന വക്താവ് എം.എസ്.കുമാര്‍, സംസ്ഥാന വൈസ്പ്രസിഡന്റ് രാമന്‍നായര്‍, കോട്ടയം ജില്ലാ പ്രസിഡന്റെ ഹരി തുടങ്ങിയവര്‍ പങ്കെടുത്ത യോഗത്തിലാണ് വിമര്‍ശനം ഉയര്‍ന്നത്.

More Articles ...

Advertisement
Advertisement