യു ഡി എഫിന്റെ കാസർകോട് സ്ഥാനാർത്ഥി ശ്രീ രാജ്‌മോഹൻ ഉണ്ണിത്താന്റെ മകൻ അമൽ ഉണ്ണിത്താൻ ഫേസ് ബുക്കിൽ പല പോസ്റ്റുകളിലായി നടത്തിയ വിവിധ കമന്റുകളുടെ സ്‌ക്രീൻ ഷോട്ട് വ്യാപകമായി കാണാനിടയായി .
കണ്ട എല്ലാ കമന്റുകളും കടുത്ത വർഗീയ പരാമർശങ്ങൾ അടങ്ങിയതാണ് .
ഇസ്‌ലാം വിരുദ്ധത ഒരു രോഗംപോലെ അയാളെ ഗ്രസിച്ചതായി ആ കമന്റുകളിൽ വായിച്ചെടുക്കാം ..
ടിപ്പു സുൽത്താന്റെ ജാരസന്തതികളായ മുസ്ലീങ്ങൾ എന്നാണ് ഒരിടത്തായാൾ പറയുന്നത് .
മറുപടി കമന്റ് നൽകുന്നവന്റെ പേര്നോക്കി അയാൾ അവരെ ഐ എസിന്റെ ഏജന്റായി മുദ്രകുത്തുന്നതും പലയിടത്തായി കാണുന്നു. ക്രിസ്താനികളെ കൊണ്ടും മുസ്ലീങ്ങളെ കൊണ്ടും കേരളത്തിൽ ഹിന്ദുക്കൾക്ക് രക്ഷയില്ല എന്നും അയാൾ ഒരിടത്ത് പറഞ്ഞതായി കാണുന്നു.   ഒരിടത്തുപോലും രാഷ്ട്രീയ പരാമർശമില്ല എന്നതും പ്രത്യേകം ശ്രദ്ധിക്കേണ്ടതാണ് .. 
സാമൂതിരിമുതൽ കോമൂരിവരെയുള്ള പല നാട്ടുരാജാക്കന്മാരും മുറുക്കാൻതിന്ന് കഥകളിയും തിരുവാതിരയുംകണ്ട് നേരം കളയുമ്പോൾ രാജ്യം ഭരിച്ച വർഷങ്ങളിൽ 99 ശതമാനവും തന്റെ രാജ്യത്തിനായി കുതിരപ്പുറത്ത് കയറി സാമ്രാജ്യത്ത്വത്തിന് എതിരെ പടനയിച്ച മഹാനായ പോരാളിയായിരുന്നു ടിപ്പു എന്നത് മറച്ചുപിടിച് ടിപ്പു വെറും വർഗീയവാദിയായിരുന്നു എന്ന സംഘപരിവാര പ്രചാരണത്തിൽ കുടുങ്ങിയാണ് / വിശ്വസിച്ചാണ് ഉണ്ണിത്താന്റെ മകൻ മുസ്‌ലിം നാമധാരികളെ ടിപ്പുവിൻെറ ജാരസന്തതികൾ എന്ന് വിളിക്കുന്നത്.
 
ദേവസ്വം കാശെന്തിനാ കണ്ട കോയക്കും കാദറിനും നൽകുന്നത് എന്ന തരത്തിലുള്ള വസ്തുതയുമായോ ചരിത്രവുമായോ പുലബന്ധമില്ലാത്ത എന്നാൽ വൈകാരികമായ മത വിദ്ധ്വേഷം കുത്തിവെക്കാനുള്ള സംഘപരിവാര പ്രചാരണത്തിന്റെ ഇരയോ പ്രയോക്താവോ ആണ് ഉണ്ണിത്താന്റെ മകൻ അമൽ.
 
കോൺഗ്രസിന്റെ സമുന്നതനായ ഒരു നേതാവിൻറെ മകൻ ഇത്തരത്തിൽ കടുത്ത വർഗീയത പറയുന്നത് ഒരാളിലും യാധൊരുവിധ ചർച്ചയ്ക്കും കാരണമാകുന്നില്ല എന്നത് അത്ഭുതമായി തോന്നുന്നു!! ..
 
ഏതൊക്കെ ചർച്ചയാകണം എന്തൊക്കെ വിമർശനവിധേയമാകണം എന്നതിന്റെ പ്രയോറിറ്റി നിശ്ചയിക്കുന്നതിൽ അപകടകരമായ പക്ഷപാതിത്തം  മലയാളികൾക്കിടയിൽ ഇരുപ്പുറപ്പിച്ചിട്ടുണ്ട് എന്ന് പറയാതെവയ്യ ..
അങ്ങനെയൊരു പൊതുബോധം സൃഷ്ടിച്ചെടുക്കുന്നതിൽ കുറ്റവാളി പട്ടികയിൽ പ്രഥമ സ്ഥാനം കേരളത്തിലെ മുഖ്യധാരാ മാധ്യമങ്ങൾക്കാണ് . 
അവർ അമലിന്റെ അത്തരം കമന്റുകളെ ഒന്നുകിൽ ഒരു വ്യക്തിയുടെ അഭിപ്രായ പ്രകടനമായി ചുരുക്കിക്കണ്ട് നിസാരവത്കരിക്കും .
അതല്ലെങ്കിൽ രാജ്‌മോഹൻ ഉണ്ണിത്താനിൽ നിന്നും മകനെ അടർത്തിമാറ്റി അവൻ അവന്റെ രാഷ്ട്രീയം പറയാൻ അവകാശമില്ലേ എന്ന മില്യൺ ഡോളർ ചോദ്യം ഉന്നയിക്കും. ഒരിക്കലും രാജ്‌മോഹൻ ഉണ്ണിത്താൻ എന്ന കോൺഗ്രസുകാരൻറെ രാഷ്ട്രീയത്തിന് കോട്ടം തട്ടാതിരിക്കാനുള്ള ജാഗ്രത മാധ്യമങ്ങൾ കാണിക്കും . അതുകൊണ്ടുതന്നെ അമലിന്റെ കടുത്ത വർഗീയ പരാമർശങ്ങൾ എവിടെയും ചർച്ചയാകാതെ പോകുകയും ആ കമന്റുകൾ കാണുന്ന ഏതൊരു മലയാളിയും അതിലെ വർഗീയ വെറിയുടെ ആഴം തിരിച്ചറിയാതെ പോകുകയും ചെയ്യും .
ഞാനിതെഴുതുമ്പോൾ അമലിന്റെ കമന്റുകൾ കണ്ട പതിനായിരങ്ങൾ ഉണ്ടാകും എന്നെനിക്കുറപ്പുണ്ട്..
അതിൽ വലിയൊരു വിഭാഗം കോൺഗ്രസുകാരും ലീഗുകാരും മാധ്യമ പ്രവർത്തകരും നിക്ഷ്പക്ഷരും ഉണ്ടാകും എന്നും എനിക്കുറപ്പുണ്ട് .അവരെയൊന്നും ആ കമന്റുകൾ ഒരിത്തിരിപോലും അസ്വസ്ഥത പെടുത്തിയിട്ടുണ്ടാകുകയുമില്ല എന്നും എനിക്കുറപ്പുണ്ട്.
 
ഇനി ഇതിനെ മറ്റൊരു ആംഗിളിൽ പരിശോധിക്കൂ ..
രാജ്‌മോഹൻ ഉണ്ണിത്താനെപ്പോലെ തന്നെ തിരഞ്ഞെടുപ്പിൽ മത്സരിക്കുന്ന മറ്റൊരു പ്രധാനിയാണ് പി ജയരാജൻ .സഖാവ് പി ജയരാജന്റെ മക്കൾ ജെയിൻരാജോ ആശിഷ് രാജോ [ ചിന്തപോലും അസ്ഥാനത്താണ് ] ഫേസ് ബുക്കിൽ ഇത്തരം ഒരു അഭിപ്രായ പ്രകടനം നടത്തി എന്ന് വിചാരിക്കുക .
എന്തായിരിക്കും കേരളം ചർച്ചചെയ്യുക ? 
അമലിന്റെ കമന്റ് കണ്ട് ഞെട്ടാത്ത നിക്ഷ്പക്ഷ / സി പി ഐ എം വിരുദ്ധരാഷ്ട്രീയ മാധ്യമ പ്രവർത്തകർ എങ്ങനെയായിരിക്കും ആ കമന്റുകളെ കാണുക ? 
എങ്ങനെയായിരിക്കും അവർ ആ വിഷയത്തെ അഡ്രസ് ചെയ്യുക ?
ജയരാജനിൽ നിന്നും അടർത്തിമാറ്റി മക്കളുടെ അഭിപ്രായത്തെ കാണുമോ ?
പ്രായപൂർത്തിയായ മക്കളുടെ അഭിപ്രായം അവർ പറയുന്നതായി നിങ്ങൾ ആരെങ്കിലും ആനുകൂല്യം നൽകുമോ ? 
ജയരാജന് ജയരാജന്റെ രാഷ്ട്രീയം മക്കൾക്ക് മക്കളുടെ രാഷ്ട്രീയം എന്ന് അനുവദിച്ചുകൊടുക്കുമോ ?
 
അമലിന്റെ വർഗീയ പരാമർശങ്ങളെ കാണാത്ത / ഞെട്ടാത്ത കണ്ടിട്ടും അന്ധത നടിച്ച മുഖ്യധാരക്കാരെ വർഗീയ വിരുദ്ധരെന്നു നടിക്കുന്ന വലതുപക്ഷക്കാരെ നിങ്ങള്ക്ക് ഞെഞ്ചിൽ കൈവെച്ചു പറയാനാകുമോ അമലിനെ കാണാത്തത്പോലെ നിങ്ങൾ ജയരാജന്റെ മക്കളെയും കാണാതെപോകുമെന്ന് ? 
 
ജയരാജന്റെ മനസാണ് മക്കൾ എന്നുപറഞ്ഞു നിങ്ങൾ ദിവസങ്ങളോളം ചർച്ച നടത്തില്ലെ ? 
പാണക്കാട്ടെ തങ്ങൾ മുതൽ ഗാന്ധിജിക്ക് രാഹുലെന്ന പേരക്കുട്ടിയെ സമ്മാനിച്ച ഫിറോസുവരെ വടകരയിൽ തമ്പടിച്ചു സി പി ഐ എമ്മിന്റെ മുസ്‌ലിം വിരുദ്ധത നോക്കൂ എന്ന് തൊണ്ടപൊട്ടിക്കില്ലേ ?
 
ഞങ്ങൾക്കറിയാം കോൺഗ്രസ് സ്ഥാനാർത്ഥി രാജ്‌മോഹൻ ഉണ്ണിത്താന്റെ അമലെന്ന മകന്റെ കടുത്ത വർഗീയ പരാമർശം നിങ്ങൾ കാണാതെപോകുന്നത് രാജ്‌മോഹൻ ഉണ്ണിത്താൻ കോൺഗ്രസുകാരൻ ആയതുകൊണ്ടാണ്   മാത്രമല്ല അദ്ദേഹം തിരെഞ്ഞെടുപ്പിൽ മത്സരിക്കുന്നത് സി പി ഐ എം എന്ന പാർട്ടിയോടും സതീഷ് ചന്ദ്രനെന്ന അതിന്റെ നേതാവിനോടും എന്നതുകൊണ്ടുമാത്രമാണ്.
പ്രീയപ്പെട്ട നിക്ഷ്പക്ഷരെ മുഖ്യധാരക്കാരെ നിങ്ങൾക്ക് സി പി ഐ എമ്മിനെ എതിർക്കാനും വിമർശിക്കാനുമൊക്കെ എല്ലാ അധികാരവുമുണ്ട് പക്ഷെ സി പി ഐ എമ്മിനോടുള്ള അന്ധമായ വിരോധം കാരണം ഇത്തരം വിഷ ജന്മങ്ങളെ നിങ്ങൾ ചിറകിനുള്ളിൽ ഒളിപ്പിക്കുമ്പോൾ അത് നിങ്ങൾ മലയാള മണ്ണിനോട് ചെയ്യുന്ന കടുത്ത ദ്രോഹമാണ് ..
 
പൊതു തിരഞ്ഞെടുപ്പ് കഴിഞ്ഞാലെങ്കിലും ഇത്തരം വർഗീയ പരാമർശങ്ങൾ സമൂഹം ചർച്ച ചെയ്യേണ്ടതുണ്ട് എന്നെങ്കിലും നിങ്ങൾക്ക് തോന്നണം എന്നെ അഭ്യർത്ഥിക്കാനുള്ളൂ ..
മാത്രമല്ല മഹാരാഷ്ട്രയിലെ പ്രതിപക്ഷ നേതാവിന് ബി ജെ പിയിലേക്ക് പാത വെട്ടികൊടുത്തത് അദ്ദേഹത്തിന്റെ മകനാണ് എന്നതുകൊണ്ട് രാഷ്ട്രീയമായി പ്രത്യേകിച്ചും ...

ബിജെപിയല്ല, ഇടതുപക്ഷമാണ‌് കോൺഗ്രസിന്റെ മുഖ്യഎതിരാളിയെന്ന സന്ദേശമാണ‌് രാഹുൽഗാന്ധിയുടെ വയനാട്ടിലെ സ്ഥാനാർഥിത്വം  നൽകുകയെന്ന‌് സിപിഐ എം പൊളിറ്റ‌്ബ്യൂറോ അംഗം എസ‌് രാമചന്ദ്രൻപിള്ള. വലിയ രാഷ്ട്രീയമാനങ്ങളുള്ള സന്ദേശമാണിതെന്നും കോൺഗ്രസിന്റെ ബിജെപി വിരോധം ന്യൂനപക്ഷ വോട്ട‌് നേടാനുള്ള കപടതന്ത്രം മാത്രമാണെന്നും എസ‌്ആർപി പറഞ്ഞു.
 
രാഹുൽ മത്സരിക്കുമെന്ന മാധ്യമവാർത്തകളുടെ മാത്രം അടിസ‌്ഥാനത്തിലാണ‌് താൻ ഇക്കാര്യം പറയുന്നത‌്.  ഗ്രൂപ്പ‌് വഴക്കിന്റെ ഭാഗമായി കേരളത്തിലെ കോൺഗ്രസ‌് നേതാക്കൾ എടുത്ത നിലപാടുകളാണ‌് ഈ തീരുമാനത്തിന‌് പിന്നിലുള്ളത‌്. കേരളത്തിൽ യുഡിഎഫ‌് ഏത‌് സ്ഥാനാർഥിയെ കൊണ്ടുവന്നാലും അവരെ രാഷ്ട്രീയമായും സംഘടനാപരമായും നേരിടാനുള്ള കരുത്ത‌് ഇടതുപക്ഷ ജനാധിപത്യമുന്നണിക്കുണ്ട‌്.
 
രാഹുൽ വയനാട്ടിൽ മത്സരിച്ചാൽ മറ്റ‌് സീറ്റുകളിലും അതിന്റെ സ്വാധീനമുണ്ടാകുമെന്നത‌് പ്രചാരവേല മാത്രമാണ‌്–- എസ‌്ആർപി പറഞ്ഞു.

More Articles ...